Fahrt durchs Hochland

Hüd hei mir e lange Tag gha. 12h sind mir unterwägs gsi und hei neui Idrück gsammlet. Öbe 7h devo uf de Strosse vo Madagaskar und die heis in sich. So hei mir au e Stück devo zwei witeri Touriste und ihre Fahrer mit gno, do si e Platte gha hei. Will s Ersatzrad au scho e Platte gha het, sind mr zämä in Negsti Ort gfahre, inkl. Rad zum repariere.
D Landschaft isch prägt vo de rote Böde und viele Fälder wo Ris, Bohne und vieles mehr a apflantz wird. Während de trockene Zit wo kei Ris wachst, mache si uf de Fälder Backstei. Transportiert wird vieles uf em Kopf, uf em Velo oder mit Wäge vo vo de Mensche oder Zebus zoge wärde.Les mer