Nationalpark Isalo

Hüd stoht e ca. 13km langi Wanderig in Nationalpark Isalo a.
D Gegend isch prägt vo de viele Sandsteiformatione und de Savanne. Trotz em trockene Klima hets viel Wasserstelle in de Schluchten. Die perfekte Wasserquelle für d Oase wo sich dört bilde.
Euse Guide de Eythman verzellt Eus viel spannendes über d Kultur vo de Bara, es Volk vo dere Gegend, mir lerne einiges über ihri Brüche kenne. Unter anderem müend d Männer vor dr Hochzit es Zebu stähle und paar Täg uf das uf passe, zum beweise, dass er bereit isch, für e Familie z sorge. D Felsen sind de Baras heilig, denn si bestatte do ihri Liebste.
Au weiss er eus viel über d Pflanze und d Natur z verzelle. Nach em erste Teil mit viel Witsicht führt eus dr Wäg richtig Schlucht wo mir mit Me feine Zmittag verwöhnt wärde. Aschliessend gots durch d Schlucht wo mit ihren Wasserläuft und de viele Pflanze wie e andere Ort würke.Read more