Die läng(sem)ste 260km

Das paradiesische Ambatomilo müend mir hüd leider scho wieder hindere eus lo und nach me Relaxtag am Strand, die nächste Fahrstunde durch Madagaskar uf eus ne. Zerst got de Wäg wieder über Sand und mir gsehn scho gli die erste, idrückliche Boabas. S Klima wird immer trockener und heisser und me merkt, dass Trockezit isch.
Nach 5h Fahrt hei mir die erste 100km gschafft 😅🫣
Passend zum Sunneuntergang (was do jo sehr früh isch) chöme mir am Fluss a, wo e spektakuläri Fähri uf uns wartet. Eimol mehr zeigts, dass me bim Reise eifach vertraue mues ha und sich uf Anderi mues verlo.
Die Fähri isch e willkommeni Abwechslung, nach viel Stund im Auto und für alli s happening vom Tag. Mir finde die Konstruktion total spannend und faszinierend. D Jungs vom Dorf, dass sie zwei Vazaha chöne transportiere, also sind au mir e beliebtes Fotimotiv.
Am andere Ufer gots denn uf ere teerte Stross witer, was eus riesig freut 😅.
No viel faszinierte sind mir aber devo, dass es sogar e Mittellinie und Fussgängerstreife het. Au wenn vieles do sehr eifach isch, isch die Stross mit solarbetriebene Strosse Lampe usgstattet, was sehr fortschrittlich isch.
Nach 13h Reise, mit chline Pause, erreiche mir kaputt Manja. In dem Ort gits nur ei Hotel für Touriste, was extrem eifach isch und die gwünscht Erholig loht uf sich warte.Weiterlesen