Big Tsingy de Bemaraha

Die chlineri Tour durch de gross Tsingy god ca. 4h. Wir wärde usgerüstet mit me Klättergstältli und sind gspannt was eus erwartet 😅
Zerst god dr Wäg durch de Wald und mir hei wieder viel Glück und gsehn diversi Lemure. Sogar wissi Lemure mit Baby. 🤩 Bis ca. 3 Mönet träge si die am Buch mit, aschliessend no es Zitli uf em Rugge und sie starte mit de erste eigene Exkursione.
De Wäg god witer über Stock und Stei und wird immer spannender.
Mir Krabble durch Gäng, quetsche eus durch Spalte und stiege via Leitere und Felsen in d Höchi. Dört erwartet eus immer wieder e unglaublich idrücklich Ussicht über die Felsformatione. Wie e anderi Wält würkt das Ganze.Läs mer