Palmarium Beach Lodge

In aller früh nämä mir d Fähri vo Sainte Marie nach Soanierana Ivongo. Dört a cho wärde mir vom Heri in Empfang gno und e witeri, langi Autofahrte wartet uf eus. Mir hei e langi Fahrt und erreiche im dunkle Manambato.
Dört warte mir 1h uf s Boot wo eus im dunkle nach Akanin'ny Nofy (übersetzt s Näst vo de Träum) bringt.
Euse Bootsfahrer manövriert eus bestens durch Dunkelheit und alles würkt mystisch im Mondliecht. Nachere Stund erreiche mir denn kaputt d Palmarium Lodge. Es riesig Bungalow erwartet eus.
Am negste Morge gsehn mir alles mol bi Tageliecht.
Strom hei mir nur vo 17:00 bis 23:00 im Bungalow. De Strom wir über Solarzelle produziert. S Wasser wird mit Für erhitzt.
Bim Zmorge müend mir uf eusi Früchte uf passe, damit si nid vo de Lemure gstipizt wärde.Read more