Reset search
Belgien
  • Florence Frey
  • Florence Frey

Belgien

A 9-day adventure by Florence Read more
FollowInsightsInsightsCalendarCalendarPhotosPhotosShareShareBucket list
Newest first
  • Trip start
    May 10, 2024
  • Florence FreyBelgienTraveler

    Antwerpen

    May 10–13, 2024 in Belgium ⋅ ☁️ 23 °C

    Nach euser Ankunft am Flughafe Brüssel hei mir de Zug direkt nach Antwerpen gno. Knapp 30 Minute spöter sind mir am Zielorr für die nächste drei Nächt a cho. Euses hübsche Studio Hungry Nomad möge mir scho jetzt. Mit me chli ne Hüngerli sind mir los zoge und hei eus traditionelle mit Pommes und Bier im Frites Atelier verköstigt. E Obespatziergang het Eus e erste Iblick in die hübschi Stadt ge.Read more

    See translation
  • Florence FreyBelgienTraveler

    Uf Entdeckigstour

    May 11, 2024 in Belgium ⋅ ⛅ 18 °C

    Grad ums Egg wartet s liebliche Kaffi Mirlo's uf eus, mit feinem Kaffi und Zmorge. Nach dere Stäekig mache Mr Eus uf Entdeckigstour bi wunderbarem Wätter. Antwerpen läbt am Samstig uf de Strosse. Märt, Apero, Shopping....Read more

    See translation
  • Florence FreyBelgienTraveler

    Vo Antwerpen nach Gent

    May 13–16, 2024 in Belgium ⋅ ☁️ 19 °C

    Nach drei Nächt Antwerpen god eusi Reis witer In Richtig Blankenberge.
    Mir nämä wieder de Zug vom Schönste Bahnhof weltwit. E Richtigs Bijou.
    Euse ersti Halt vom Tag isch Gent. Mir hei eigentlich kei grossi Vorstellig gha, was Eus erwartet und sind somit überwältigt vo dr Schönheit vo dere Stadt. Si loht eus abtauche in e anderi Wält. D Spure vom Mittelalter sind in Gent überall no z gseh.
    Die drei bekannte Türm dominiere s Stadtbild. Von dr St.-Michael-Brugg het me alli in eim Blick: St.-Nikolaus-Kirche, de Belfried und d St.-Bavo-Kathedrale.
    Zum Eus fit halte nämä mr die viele Stägetritt uf de 95m hochi Belfried uf eus und löhn d Stadt au no vo obe uf eus würke.    Read more

    See translation
  • Florence FreyBelgienTraveler
    1

    Blankenberge

    May 13–16, 2024 in Belgium ⋅ ☁️ 19 °C

    Nach eusem wunderschöne Tag in Gent fahre mir mit em Zug zu euser Station für die nächste drei Nächt : Blankenberge.
    In dr nöchi vom Bahnhof isch euses neue dehei. Natürlich hei mir das sälber uf Airbnb us gsuecht, dass es Eus aber so us de Socke haut, hei mr denn doch nid erwartet. Die neu Wohnig isch de absolut Wahnsinn, völlig nach eusem Geschmack, grümig und mit viel liebevolle Details. Unteranderem e Willkommens-Prösi.
    D Sehnsucht nach em Meer isch gross also gön mr uf e Apero an Strand. D Liechtstimmig isch so wunderbar, das mir grad als ersts e Fotosession starte, mit so viel Isatz, das d Hose nass und dräckig sind.
    De Tag mit so viel schöne Idrück löhn mir bi Pizza, Bier und em Sunneuntergange am Strand usklinge. E absolut perfekte Tag.    Read more

    See translation
  • Florence FreyBelgienTraveler
    1

    Tagesausflug De Haan und Brügge

    May 14, 2024 in Belgium ⋅ ☁️ 24 °C

    Am Morge näme mir s Tram nach De Haan und mache e chli e Strandspatziergang und gniesse de "no" verschlofeni Ort.
    Mit em Tram zrug nach Blankenberge und denn mit em Zug uf Brügge.
    Brügge empfangt eus mit em schöne Minnewaterpark. E Spatziergang führt eus dure Park, zum Sashuis und Ten Wijngaerde Begijnhof. Das isch e Wohnalag für Nonne und Begine.
    Nach me erste kulturelle Spatziergang witme mir eus mol wieder em kulturelle Part vom Bier trinke.
    Dies mol im Bier Atelier mit me Degustationsbrätt a 12 Bier.
    S Bier Atelier erinneret Eus biz an d Schluggstube vo Basel, denn es isch usschmückt mit BH's, Bier Deckel und Geldnote us aller Wält. Gestärkt gots witter durch Brügge.    Read more

    See translation
  • Florence FreyBelgienTraveler

    Pause Tag in Blankenberge

    May 15, 2024 in Belgium ⋅ ☁️ 18 °C

    Hüd bruche mir mol biz e Pause vo all dene Idrück. Do chunt Eus chli e grauer Tag grad gläge.
    Mit Usschlofe, fein zmörgele und ere Yogasession starte mr de Tag. E chline Rundgang durch Blankenberge und denn chli in die offene Strandbars go Skip. BO spiele und Aperöle isch euses Programm. Das ganze runde mir mit feinem Apero und Pasta in eusem schöne Apartment ab.Read more

    See translation
  • Florence FreyBelgienTraveler
    1

    Endstation Brüssel

    May 16–18, 2024 in Belgium ⋅ ☁️ 17 °C

    Nachere verrägnete Areis wartet die strahlend Sunne in Brüssel uf eus.
    Nach em Check in im Craves Hotel starte mir e ersti Entdeckigstour.
    Sie führt via Mont des Arts, verbi an hübsche Gebäude, bis zum Schloss. Zur Stärkig sueche mir die besti Pommesbude in Brüssel uf : Maison Antoine. Classisch esse mir Pommes us de Spitztüte und e Bierli dezue.
    Stärkt erkunde mir witer d Altstadt.
    Uf euser Route chöme mir au verbi an eim vo de Wahrzeiche vo Brüssel: Mannekin Pis. E 61cm grossi, pinkelndi, Brunnefiguer. De Mannekin Pis bsitzt e eigeni Garderobe und wird regelmässig umzoge.    Read more

    See translation
  • Florence FreyBelgienTraveler

    Brüssel

    May 17, 2024 in Belgium ⋅ ☁️ 18 °C

    Nach me härz hafte Zmorge im Woodpecker47 starte mir in zweit Tag Brüssel.
    Nachdem mir gest mehr über de Mannekin Pis usegfunde, wei mir dem witer uf de Grund go und bsueche s Pendant: Jeanneke Pis. Hübsch usgschmückt für d Pride Week. Vis a vis vo dem Brunnen befindet sich s Delirium Café. E bekannt Bar in Brüssel. Mir beschliesse die Zobe nomol ufzsueche.
    S Hotel het eus bim Check in d Bubble-Challenge gstellt. Wär e Foti mit de Badewanne macht, bechunt e gratis Drink. Wär Eus kennt weiss, mir liebe so Sache.
    De Obe eröffne mir mit me Meter Bier im Delirium Café. Mir gniesse de obe wie vor 16 Johr, mit Konzert, Singe und durch Gäng tanze bis Mr lachend ins Bett gheie.    Read more

    See translation
  • Florence FreyBelgienTraveler

    Brussels Pride

    May 18, 2024 in Belgium ⋅ ☁️ 17 °C

    An eusem letste Tag in Brüssel wärde mr bunt und mit Party verabschiedet. Es isch Pride Time. Die ganzi Stadt zelebriert d Pride Week. Überall hänge Fahne, Gebäude sind im Regeboge belüchtet, alles isch bunt geschmückt. Nach dem mir usgschlofe, zmörgele und Koffer packt hei, suge mir no eimol die Stadt uf. Mir schländere nomol durch Gasse, entdecke au no de Zinneke Pis, witeri Comic Graffitis und gniesse nomol die gmeinsami Zit.
    Am Nomitag isch no d Pride Parade und an de Plätz gits Konzert.
    De Flughafe verabschiedet eus passend: Beers&Cheers    Read more

    See translation
    Trip end
    May 18, 2024
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice