Night Safari und Goodbye Drink

Am abig am 6i hend die wo hend welle sich troffe für d Nighsafari. Mir sind z 6te gange. Zerst hend mer mol über 1h chene für s Büsli warte wo eus het selle abhole. Hend mer eus scho bitzeli ufgregt gha. Wo mer den entli det ahcho sind hets sehr viel lüt gha. Aber wil mir miteme Guid mit sind hend mer nirgends müse ahstah. Den het mer zerst mit somene Zügli dur de Park gfahre.. So richtig Safari isch es nid gsi es isch meh wie en Zoo gsi. Aber trotztdem mega schön :) Mer het entli mal die Tier gse wo nachtaktiv sind und mer het natürli au viel Tier gse wos bi eus nid imene Zoo git. Nach dem dah Zügli umegfahre isch het mer selber no chene go umelaufe. Es isch alles sehr dunkel gsi und chli düster. D jungs wo mitcho sind hends amigs mega lustig gfunde eus z verchrecke immer mol wieder und einist bini no abere Fledermus relativ fest verschroke. Es isch mega lustig gsi zeils het mer au id gehäge inechöne und den het mer plötztli wieder es Tier nebed sich gha.
Den sind mer am 10.20 wieder zrug gfahre. eigentli heted mer scho am 10.30 selle zrug im Hotel si aber es isch den spöter als 11gsi. Mer sind den eif no zu de Gruppe dezuegstosse wil hüt isch de letscht abig mer gend nur z4te fu eusere Gruppe wieter. S erste wo mir gmacht hend mir hend eus eppis z esse bstellt wil mir fu de Safarie hend no nix gesse gha. Den hend mer alli zeme no eis Drunke gha es isch sehr gmüetlich gsi und ich wird die alli vermisse.. Morn chemed neui dezue nd wie mer erfahr hend chemed nur Fraue dezue. Mol luege wie das wird :D Den hend mer eus fu allne verabschidet... Good Bye! Czytaj więcej