Surfstunden

Hüt morge hend mer es richtigs suppers amerikanisches Zmorge gha. Nach em Zmorge sind mer den zerst mol go Surfe probiere. Mer hend eus zerst noh müse ihwärme und üebe im Sand und do und donts ahlose. Es het eifacher tönt ales es isch. Die meisti zit ghait mer eifach nur is Wasser und das ganze isch no recht ahstrengend. Wil ich die ersti gsi bi wo perzuefall uf em Brett gstande isch fu eusere Gruppe han ich es tshirt fu ihne gwunne. Jedoch isch es im nachhinein nid immer so guet gloffe. Aber es het am abig es paar ganz lustigi föteli zum ahluege geh. Zum Zmittag sind alli sehr hungrig gsi und am namittag sind es paar fu eus eifach no zum strand go chli Bade. Am abig bini recht früeh is bett wili so müed gsi bin.Read more