Offersøykammen

Hit am 08:30 stad d Fabienne zmizt im Zimmer und seid „so hit isch Ländlerzmorgä“ und lad Ländler ab. Trotz chli Näbel hemer is Entschidä ufä Offersøykammen z wanderä. Am Vormittag simer gstarted und gioti Ländlermuisig hed is begleited. Dobä acho heimer de glich ä Juiz la gah fir diä prächtigi Uissicht. I alli Himmelsrichtigä, wirklich i alli -> Näbel. Uissicht Flop, Luinä Top. Janu, ä Härdepfel-Loich Suppä hed is gstercht. Nach isem ichoif firs Wuchäend (usem letschdä hemer glert) simer häi i ises niuä Hisli. Dertä acho heimer isä Lachs versiocht professionell usänand z nä und äs hed Lachsbretli gäh. Wiä zwei Huisfrouä heimer afa Wesch wäschä, Brot bached und d Härdepfel für d Reesti am Sunntig vorbereited. Hit simer richtig spiisig.Читать далее