Tyhjennä haku
Norwegen 🇳🇴⛰️✨❤️👯‍♀️
  • Michaela Gasser
  • Fabienne Lussi
  • Michaela Gasser
  • Fabienne Lussi

Norwegen 🇳🇴⛰️✨❤️👯‍♀️

34-päiväinen seikkaillu — Michaela & Fabienne Lue lisää
SeuraaYhteenvetoYhteenvetoKalenteriKalenteriValokuvatValokuvatJaaJaaToivelista
YhteenvetoKalenteriValokuvat
  • Norwegen 🇳🇴⛰️✨❤️👯‍♀️
    1

    Bergen

    15. syyskuuta 2023, Norja ⋅ ☁️ 15 °C

    Z Bakka wo eyses Heysli stahd heds hit Morgä grägned. Auso hemmer eys dezuä entschiedä ä Uisflug id Stadt Bergen z machä. Hit hed sich d Michi a eysä modärni Toyota gwagt. Diä vielä Funktionä wo das Aito hed sind ihrä aber eher chle zu modärn gsi. Ai das mit dem Schiuder läsä z Norwegä leyderä immernuni so. Aber das macht ja neyd, äs sind ja nu 3 anderi uifmerksami Personä im Aito ghocked. D Stadt Bergen hemmer de umfänglich beguätachtet und sind durnä Märcht gloffä womer a viu totä Fisch diräkt id Aigä gluägt hend. Ai Renntiär-, Elch-, und Wal-Wurscht heds zum probiärä gäh. Imnä Fischrestaurant hemmer de äs guäds Zmittag verwitscht und hend det nu a lebändigä Krabben zuägluägt we sie ihri letschtä Läbensstundä gniässid. Nach paar Bsiäch i Lädä und Tourishops hend d Michi und d Fabienne miässä feststeuä dases hiä im Südä ebbä zimmli dä gleych Souvenir-Schrott gid we im Nordä. Später sind eysi Herrä de ai nu i Gnuss cho vo ihrnä erschtä norwegischä Dessert-Spezialitätä cho. Eysi lang Häifahrt hemmer de mit Ländlermuisig undemnä Wäg-Biär versiässt.Lue lisää

    Katso käännös
  • Norwegen 🇳🇴⛰️✨❤️👯‍♀️

    Flåm

    16. syyskuuta 2023, Norja ⋅ ⛅ 7 °C

    Hit am Vormittag hemer ä Termin gha. Am 09:45 in Flåm bi dr Kajak Basis. Miterä buntä Rägäjaggä, wasserdichtem Rock und Schwimmwestä simer perfekt ikleided gsi fir diä nechstä 3h. Churz vorem Abentiir hemer nu ä Seehund bi sim Morgäschwumm gse. Mit Lit us dr ganzä Wält und i jedem Alter simer je z zweitä i isi Kajak gstigä und ab i Fjord. D Milly isi Tourguidin hed is hit ä huifä zeigt und verzellt. A äim Ort wo miär ä Halt gmacht hend isch äs Schiffswrack under is gsi. D Kajak Tour isch äinisch ebis ganz anders gsi zum is fortbewegä. Trochä simer zrugg am Ufer acho und hend is bidä Milly bedankt. Nacherä Zmittagspoisä isches witer gangä mit de Sauna. Zwischä durä heds ä Gump i erfrischendi Fjord vo 12 grad gäh. Diä hemer is mit 10 witerä Mannä teilt (isi nunid mitberächned). Dr Heimä heimer de ä Pizza und Salat zum Znacht gässä und ez liogimer ä Film zum Abschluss vom Tag.Lue lisää

    Katso käännös
  • Norwegen 🇳🇴⛰️✨❤️👯‍♀️

    Mount Prest

    17. syyskuuta 2023, Norja ⋅ ⛅ 8 °C

    Hüt het sech ds Wätter so richtig vor schönste Site zeigt. Auso heimer am morge bi Zyte üses Hüüsli gruumt u üs ufe Wäg richtig Aurland gmacht. Ds Ziel vom Tag isch dr Mt.Prest gsi. Ä wunderschöne Gipfu oberhalb vom Touristemagnet Stegastein.
    Ufem Gipfel si Lukas u Stefan du vo de Froue zumne Fotoshootig mit Blick ufe wunderschön Fjord gnötiget worde. Aus Belohing hets du es Tomatesüppli zum Zmittag gäh.
    Am Namittag simer du Richtig Ulvik witergreist für üsi nöii Wohnig i beschlag dsnäh. Ä Wunderbari Wohnig, jedoch im 1.Stock, was d Michi u d Fabienne chli i Not bracht het mit ihren grosse Reisekoffere. Auso hei d Herre müesse ispringe u das Gepäck id Wohnig ufetrage.
    Dr Abe heimer mit wunderbare Fajitas umne guete Glas Rotwy la usklinge.    Lue lisää

    Katso käännös
  • Norwegen 🇳🇴⛰️✨❤️👯‍♀️

    Ulvik

    18. syyskuuta 2023, Norja ⋅ ☁️ 14 °C

    Hit hemmer gmiätlich uisgschlafä und brunched. Wärendm Brunch hed d Sunnä dur diä grossä Fänschter vo eysem Airbnb inä gschunä und dä Fjord diräkt a eysem Airbnb wunderscheen beleychted. Diä paar Sunnästrahlä sind de aber bereits ai scho wieder diä letschtä gsi fir dä Tag. Miär hend eys später aber gleych parad gmacht und sind d Vøringfossen-Wasserfäll go aluägä. 300m id Tiäfi hed s Wasser uf au Seytä gspritzt. Nachemnä guätä Kaffee undemnä Zimtschnägg hemmer eys de gley wieder ufä Häiwäg richtig Ulvik gmacht. Uf dem Wäg hemmer zwei Chräisu imnä Tunnel atroffä und sind uber diä gross Hardanger Brugg gfahrä. Zrugg im Airbnb hemmer äs fäins riesigs Chnoblibrot bached und zum Znacht heds nueinisch Michi‘s Äupermagronä gäh.Lue lisää

    Katso käännös
  • Norwegen 🇳🇴⛰️✨❤️👯‍♀️
    2

    Odda

    19. syyskuuta 2023, Norja ⋅ ☁️ 5 °C

    Hit am Morgä heimer gmiätlich i iserä Underkunft Z‘mörgeled und zämä packt. Nach dr halbä Strecki isch ä Sauna Halt ufem Programm. Zwischä dänä 5 Sauna Gäng isch z abchiolä bi Rägä im Fjord perfekt gsi. Diä 11 Grad Wasser hend sich erfrischend agfihlt. Diräkt näbä därä Sauna isch ä Mosti gsi. Dänä Mitarbeiter hemer nu chli bim schaffä ziogliogt. Äim Cider hemer ä Chance gäh und miässä feschdstellä aser nid wirklich uberzigt hed. Z Ziel hit isch Odda gsi, das hemer de am späterä Namitag erreicht. Nachem erkundä vo däm Derfli simer i isi Wohnig mit däm wenigä Gepäck (natirlich i diä obersti Wohnig). Zfriedä ufem Kanäbe acho hemer diä Wohnig bestuined. Alles frisch renoviärt. Scho gli heimer gmerkt as diä scheener uisgseed als si praktisch isch. D Pfannä sind nid firä Induktionshärd gmacht, ä Glasschibä bim Fänster fählt, dr Dampfabzug ziäht nid und d Weschmaschinä chamä nur uifmachä wenn mä diä ganz Maschinä äs paar cm firä ziäht. Uuund nid z vergässä… diä halb Chuchi verschiäbt sich wenn mä d Abwäschmaschinä uif diod.
    In diesem Sinne „schätzid eui Wohnig“    Lue lisää

    Katso käännös
  • Norwegen 🇳🇴⛰️✨❤️👯‍♀️

    Buarbreen

    20. syyskuuta 2023, Norja ⋅ 🌧 8 °C

    Eysi Wander-Plän hemmer wägm Wätter leider ai hit nid chennä umsetzä. Nachm Zmorgä hedmä aber de trotzdem bi aunä ä scheychä Bewegigsdrang gmerkt. Auso hemmer eys guäd ipackt zum
    am Wätter z trotzä. Hit hed sogar d Michi d Rägähosä firä gnu. Eyses Ziel isch ä Uissichtspunkt ufä Gletscher Buarbreen gsi. Scho bim Uifäwäg hed dä Wäg zum Teil eher amnä Bach glichä und miär sind ordli verrägned wordä. Dobä acho hed eys de dä Gletscher gleych chle zum Stuinä
    brungä. S Meer und dä Gletscher so nooch binenand. Imnä chleynä Hittli hemmer de churz ä Paisä gmacht und ä Dichtigkeits-Check vo eysnä Rägächleider gmacht. Ufm
    Zruggwäg sind de d Wäg zum Teil wirklich scho Bäch gsi. Aber das hed eys neyd gmacht und miär sind dä abenteyrlich Wäg mit Hängebrugg, Chettenä und rutschigä Stäi abä gloffä. Da miär vor paar Täg aui Folgä vodä SRF Dok Abenteuer Wildnis gluägt hend isch das fir eys nateyrlich käs Problem gsi. Nass simmer hit scho wordä drumm hemmer später beschlossä diä gleych Sauna vo gester nueinisch z buächä. Det hemmer immer wieder ä Gump i Fjord gmacht wo s Gletscherwasser vom Gletscher Buarbreen inä fliässt. Äs isch ä Wohltat gsi. Zrugg i eysem super Airbnb hed d Fabienne und d Michi nueinisch diä super Chuchi bruicht und äs guäds Thai zaibered. Da dä Dampfabzug ai hit nuni funktioniärd hemmer de idä Wohnig grad nueinisch chle s Gfihl vo Sauna gha. Zum Abschluss vom
    Tag gids ez wieder paar Rundenä Brändi Dog.    Lue lisää

    Katso käännös
  • Norwegen 🇳🇴⛰️✨❤️👯‍♀️

    Hjardal

    21. syyskuuta 2023, Norja ⋅ 🌧 13 °C

    Diä Nacht heds nur äinisch grägned. Hit simer witer gfahrä nach Hjardal, das isch scho wieder ufem Wäg richtig häi. Bi dr Fahrt da anä hed sich diä Herbst Natuir vo ihrer schenstä Sitä zeigt. Ä wunderschenä gälb-orangä Wald. Luit Wasserfall und Seeä hemer gmerkt ases hiä idä letschdä Täg meh grägned hed als es dr Natuir giod diod. Teils Hiser und Siloballä sind im Wasser gstandä. Z Hjardal acho heimer ises niuä Huis uf alli Qualitetä tested. Äs isch hiä wiänäs Museum. I dr Stubä stad ä Flügel, a dr Wand hanged ä Elch, der Ässbank isch us Beton und alli Mässer sind bruichbar. Verussä isch ä einsamä Whirlpool gstandä. Däm hemer de ca 3h Gsellschaft gleisted. Nachem Restä Znacht hed de Lukas und d Michi ihri Schach Kenntnis uifgfrischt und zum Schluss vom Tag hemer nu z Kanäbe tested.Lue lisää

    Katso käännös
  • Norwegen 🇳🇴⛰️✨❤️👯‍♀️

    Gaustatoppen

    22. syyskuuta 2023, Norja ⋅ ⛅ 11 °C

    Hit simmer begleitet vodä Sunnä ufä Bärg Gaustatoppen gloffä und hend dobä bi herrlicher Uissicht nueinisch äs fäins Süppli mit Wiänerli gnossä. Dasmer zum oberschtä Punkt cho sind hemmer de nuchle miässä chraxlä, s Panorama hed sich aber definitiv glohnt fir das. Momentan simmer im Innland vo Norwegä und hit hemmer wieder ä ganz ä anderi Landschaft derfä bestuinä. Ä unglaiblichi Weytsicht uberä ganz Südä vo Norwegä. Ai firä Retourwäg hemmer eys wieder dezuä entschiedä z laifä, s gäbt nämmlich ai ä Bahn im Innerä vo dem massivä Bärg. Diä Bahn isch ä ehmaligi Militärbahn. Wieder ufm Parkplatz acho hemmer gstuined, hit einisch nidemau ä Park-Buäss! Durnä wunderscheeni Herbscht-Landschaft, verbey a farbigä Wäuder und wunderscheenä Seeä simmer de nah wieder retour zu eysem Airbnb gfahrä. Nachemnä guätä Lachs- & Reschtä-Znacht simmer wieder i eysä Whirlpool gumped und hend midemnä guätä Glesli Wey dä Tag lah uisklingä. Morä gahds schowieder zrugg richtig Oslo, d Zeyt gahd so schneu!Lue lisää

    Katso käännös
  • Norwegen 🇳🇴⛰️✨❤️👯‍♀️

    Oslo

    23. syyskuuta 2023, Norja ⋅ ☀️ 16 °C

    Nachem verlah vo iserä mysteriösä Underkunft hemer is ufä Wäg gmacht nach Oslo. Miär sind nuäinisch d Skisprungschanzä Holmenkollen ga aliogä, dass d Mannä das oi gse heind. Wo miär i Lift heind wellä fir a obersti Punkt vo dr Schanzä simer uifghaltä wordä. Miär miässtid Itritt zahlä, da heimer chli miässä schmunzlä will bim letschdä Bsioch isch is dä entgangä. Zum Zmittag heds fir d Frouä Lachs, Salat und Riährei gäh. Dr Stefan und Lukas heind äs Renntiär Toastsandwich probiärt. Das Zmittag hemer mit wunderbarem Blick uber Oslo derfä gniässä. Z Oslo im Zentrum simer ä Burg ga aliogä und ider Abäsunnä heimer äs Biär im „Salt“ Derfli trunkä. Ez heissts ab i diä niu Underkunft und Kofferä packä. Dank der niuä Koffer vodä Fabienne hed das dasmal problemlos bi allnä klapped. Drickid is Duimä as ises Gepäck kei Ubergwicht hed.Lue lisää

    Katso käännös
  • Norwegen 🇳🇴⛰️✨❤️👯‍♀️

    Zürich-Kloten Airport

    24. syyskuuta 2023, Sveitsi ⋅ ☀️ 19 °C

    Ab nach Hause!
    Mit bizzli Kofferä ah lipfä sind ai a dä Michi und dä Fabienne ihri Kofferä im Gwichtsrahmä gsi und miär hend aui dä Flug vo Oslo uf Züri chennä aträtä.
    Mit bizzli Wehmuät aber ai Vorfräid uf Dähäimä gahds ez häizuä!
    Ä wunderscheeni, erläbnisreychi Zeyt gahd z Änd.
    Norwegä miär chemid definitiv wieder!🇳🇴❤️    Lue lisää

    Katso käännös
    Matkan lopetus
    24. syyskuuta 2023
  • 2026© FindPenguins
  • Koti
  • Tietoa meistä
  • Ryhmän seuranta
  • Lehdistö
  • Ehdot
  • Yksityisyys & Cookies
  • Ohjekeskus
  • Merkintä