Osaka

Nachere lange Nacht ischs für die eine zerscht mal in nöchschtglägene Park zure churze Joggingrundi gange.

Aschlüüsend sind mr eus im Beck und Starbucks mit Zmorge go iidecke, bevor mr eus uf de Wäg zum Osaka Castle gmacht händ. Det aacho sind mr bitz s Gländ go erkunde und händ es paar hübschi Föteli gschosse, bevors wiiter is Iichaufs-, Food- und Vergnüegigsviertel Dotonbori und Shinsaibashi-Suji gange isch. Det häts en chliine Snack vome Streetfood Stand gäh, Dumplings 🤤

Dena simmer für e churzi Siesta zrugg is Hotel, will am halbi 5i händ mr scho wiiter wele uf Kobe. Det händ mr ime Resti zum Znacht reserviert, wänn scho Kobe Beef dänn in Kobe 😅
Das ganze hät sin Priis gha, aber das isches effektiv Wert gsi 🤩 Isch ja schliesslich öpis, wo mr ned jede Tag isst 😅

Erkäntniss vom hütige Tag: Es häts 2.5 Millione Iiwohner und sicher gliich viel Getränkeautomate i dere Stadt, aber en Chübel uf öffentlichem Grund z finde isch fascht unmöglich 😅 Und trotzdem isch es unglaublich suuber da 😲Read more