Tokio Sightseeing

Am morge zerscht mal via Bäckerei zum Asics Lade in Ginza, mit de Hoffnig, det Marathon Merch z finde. Isch aber nüt gsi 😅 Aschlüüsend simmer zum Fischmärt, wo aber "nur" na paar wenig Verkaufsständ und umso meh Restis / Street Food Ständ offe gha hät. Zum de wahri Trubel z erläbe, müesst mr det am morge am 5i go luege 🫣 Isch aber trotzdem spannend gsi zgseh, was die so alles abüüted.

Da hüt prächtigs Wätter gsi isch, händ mr üs mit de Metro ufgmacht zum Ueno Park, e riese Grüenflächi wo Ändi März dänn wohl i sinere volle Pracht erschiint, wänn die viele Kirschblüete dänn au blüehed. Nacherer Rundi im Park und um de See ischs zrugg is Hotel, wo mr üs für de Znacht parat gmacht händ.
Hüt häts Yakiniku gäh, e Art Tischgrill uf Japanisch 😅 Nacheme Verdauuigsspaziergang dur Shinjuku isch dänn öpe Fiirabig gsi und es isch retour "hei" gange.Leia mais