Tokio und Date Night

Am morge zerscht mal zum nöchschtglägene Beck, wo anschiinend sehr beliebt isch. D Schlange zum astah isch uf jedefall bis use gange 😅 Mir händ üs dänn au iideckt mit Brot und Brotähnliche sache, isch aso fein gsi 😅

Dena ischs na churz uf d Suechi gange nacheme günstige paar Trainerhose für am Sunntig und aschlüüsend sind mr die Sache na go aluege, wo mr im Tripadvisor usegsuecht händ und i de nöchi vom Hotel gsi sind (nüme z viel laufe).

Für de Abig hät d Helene öpis organisiert und mir sind suuber useputzt Richtig Tokyo Skytree, en 634m höche Turm mit Ussichtsplattform uf 350m. Det obe häts au na es Resti gha wo Sie reserviert hät und mir sind in Gnuss vome 6-Gänger cho. Vo Terrine über Fisch, Lamm, Gmües, Glace, Schoggichueche,... 🤤 Es isch super fein gsi mitere unglaubliche Ussicht über e fantastischi Stadt 🤩

Nachem Ässe häts dänn na en churze Verdauuigsspatziergang gäh, bevors retour is Hotel gange isch.Leia mais