Port Louis

Nachere chliine Joggingrundi und natürlich em Zmorge mit oisne frische Lychees simer mitem Express-Bus (45') uf Port Louis, d Hauptstadt vo Mauritius.

Gwüssi Touri-Destinatione händs natürli müesse sii:
- Street Market & Central Market
- Waterfront
- Citadelle (Fort Adelade)
- Postal Museum (nur vo usse)
- Aapravasi Ghat World Heritage Site

Denn hani usegfunde, dass de Mirco sich nachli uskennt mit Briefmarke und in Port Louis, genauer gseit im Blue Penny Museum, di beide wertvollste Briefmarke vo de Welt dehei sind (1 über 10Mio., die ander ca. 1 Mio. Wert ) 😱😱😱

Ufem Heiweg hemer denn de Bummler 🚌 gha und sind somit dopplet so lang unterwegs gsi... Ja...und mer hend hüt definitiv äfach nur heiss gha...de Sprung in Pool hät darum wükli guet ta und für chli Erfrischig gsorgt.

De Znacht im Quartier isch wükli guet gsi hüt! S Resti isch klein aber fein gsi 🤤

Aber de hütig Höhepunkt hät ois de Puls vorem is Bett gah gad chli id Höchi triebe: 🕷️
Sicher 10cm gross und mit behaarte Bei! 😱
Mitem Schuhe hemer sie agriffe und ihre scho mal 2 Bei amputiert...trotzdem isch sie devo cho. Wagemuetig hemer sie gsuecht denn isch sie bim Schrank wieder hinde füre cho. Mer hend sie den us de Huustür id Flucht gschlage! Mir hend gunne 🥳
Guet Nacht! Czytaj więcej