Heiligabig am Strand

Nachem Zmorge händ mr üs uf de wäg gmacht zum zweite Strand wo i Gehdistanz zum Hotel liit, em Trou aux Biches Beach.
Es isch einiges ruhiger gsi als na am erste und mir händ de Tag sehr gnosse. De Sand isch so fiin und s Wasser schön warm und klar, das mr doch öpe die mal sind go bade 😊

Am Namitag dänn zrugg is Hotel und na en Schwumm im Pool gnah, bevor mr uf üsere Terasse de Apero iglüütet händ 🍷

Für de Abig händ mr es Resti usegsuecht und en Tisch reserviert, sicher isch sicher 😎 Es hät a la Carte gäh und mir händ so richtig ine bige, isch aso au richtig guet gsi 🤤 D Atmosphäre im Beizli isch top gsi, es hät na super live Musik gäh und s Wirtepäärli isch au üsserst Gastfründlich gsi. En rundum glungene Abig 🌲✨️🕯もっと詳しく