Oman

Zerscht go zmorge ässe, bevor mr üs mit üsem Truckli uf de Wäg uf Alt Maskat gmacht händ.
1. Stop: Fischmärt 🐟🦀🐠🦐
2. Stop: Al Mirani Fort direkt nebem Al Alam Palast, wo hauptsächlich zum Empfang vo Staatsgäst gnutzt wird
Es isch dänn so warm gsi, das mr üs für en längere Strandstop entschide händ 🏖
Gäg de Abig sind mr dänn via Takia uf Mutrah go Znacht ässe, bevor mr üs mit ganz vielne andere in Souq begäh händ 😅
Im Hafe liit au na die zweitgröscht Privatjacht, wo im Bsitz vom Chef vo da isch 😎Leia mais

Hüt mal wieder en Wecker gstellt, will mr am Morge na id Sultan-Qabus-Moschee händ wele. Eini vo de gröschte Moschee wo im 2001 eröffnet worde isch und Platz für bis zu 20'000 Gläubigi büütet. De Teppich i de grosse Gebetshalle misst 74,4x74,4m und isch vo 600 iranische Knüpferinne i drü Jahr hergstellt worde, Gwicht 22t.
Mir sind dänn namal churz zrugg is Hotel go packe, will mr für die letscht Nacht namal umzoge sind (händ ja lang ned gwüsst wänn / wie mr hei chömed 😅).
Am Namitag sind mr dänn na is Operehuus (Eröffnig 2011), ad Waterfront, Qurum Beach und in Qurum National Park. Det sind mr öpe die einzige gsi, villicht au wills chli warm gsi isch? 🥵🤔
Abgschlosse händ mr d Tour dänn namal im Souq, wo mr die letschte Bsorgige gholt händ. Znacht häts ime Palästinänsische Resti mit extrem feine Falafel gäh 🤤Leia mais