Puerto Rio Traquilo

Ganz e herzigs chlises dörfli. i 10 minute bisch rund umäglofä aber sehr schön da.

dr underi teil vu chile isch definitiv d schwiz vu südamerika, das chämer bis ez schumal sägä. wes witrobä isch findet mir nu usä.

aber würgli unglaubli we vielmal mir ez schu gseit hend, das gseht us we idr schwiiz. riesigi bergä mit vrschnitä gipfel, riesigi wälder mit tannä und wunderschön blaui see. d farbä sind zum teil chlei intensiver aber sust gahts definitiv als schwiiz durä.

vu de dörfer her sind d hüüser farbiger aber vu dr grössi chans als schwizer dörfli durä ga. me als en chlinä supermercado = volg und es resti = spuntä hets zum teil nöd.
d sprach isch au anderst, simmer zum teil nunig ganz durägstiegä aber das isch ja je nach dorf idr schwiz normal.

fazit willkommen ider schwiiiz🤣🤣

oder doch nöd d schwiz. lüt sind de doch widr ganz anderst, gar kei stress, hektik fremdwort. Ganz nachem motto wieso hüt erledigä, wännis au nu morn chan.

Landschaft isch so ähnlich dasi sogar heupfnüsel han. so lässig😁

aber chile bis ez bisch definitiv e reis wert. mir sind gspannt was üs nuch vu dir zeigsch.もっと詳しく