Robin Streuli

ab in amazonas. eis vu üserä highlights staht ufem programm und cool sind d seniorä au drbi. ez heisst 5 täg itauchä i diä wunderschöni natur.
am 8.20 werded mir vu üserem guide domingo im hotel abgohlt. ab gahts ufä fluss richtig lodge mitten im dschungel. mir mached nu e chlinä zwüschähalt bi indigenä uriwohner. guät so ur sind natürli nümmä. si hend sich a derä ziit apasst mit chleider etc. wohne tuänds nu im dschungel und bued alles selber ah.
d lodge isch me als hammer und au zessä isch eifach nur super. mega was diä chöch zaubered mitten im dschungel.
unzähligi stundä simmer durä dschungel gwandered. üserä guide het es unglaublichs wüssä über alles. jedi pflanze oder baum kennt er und weiss für was as me si chan bruche. egal eb halsweh, buchweh oder glänkschmerzä hesch im dschungel findsch sicher öppis drgegä. vieli exotischii frücht hemmer probiert d näme hemmer natürli wieder vrgessä. Wasser trunkä us bäum und eifach der duft vu derä tollä, atemberaumendä natur gnossä. ei nacht hemmer sogar verussä irgendwo im nirgendwo miterä matratze und emnä moskitonetz gschlafe eimalig gsi.
gweckt simmer jede morgä vum dschungel wordä. unglaublich diä vielfalt vu dem sound. Im dschungel isch es immer schwierig viel tier gseh, aber mir hend dörfä chlei öppis gseh. luti brüllaffä vorallem köhrä, aras, riesä schmetterling, vieli chlini chrabeltierli und grossi spiinnänä.
flussfahrt mitemä selber butä boot hemmer au nu chänä machä, lustig gsi.

eifach wunderschön diä natur chasch nöd beschriebe eifach selber erlebä.

leider isch boliviä sehr e dreckigs land mit viel abfall überall. defintiv au a ort wos ganz sicher nöd herä köhrt. zum glück nöd im amazonas aber im und umä fluss plastik. sehr schad. sonä wunderschöni natur! passed doch eifach besser uf. so schlau sött doch diä menschheit hüt zu tags si.Read more