Antigua Guatemala

am morgä am 4i wärded mir vu üserem shuttle richtig antigua guatemala abgholt. d fahrt duret ca. 6 stund inkl. us- und istempflä, was absolut kei sach isch bi denä länder. zwüsched de grösserä sehenswürdigkeitä chame da mittlerwilä mit shuttles umäreise. es gaht au mitem öffentlichä bus aber isch natürlich einiges umständlicher und duret viel länger.
es wird üs vorab schu gseit as dr shuttle üs nöd bis zu üserem hostel chan bringä, wills irgend es fest hend.
Es het sich de usägstellt, dass diä im osterfieber sind. üsers hostel isch natürli direkt ader umzugsstrass, somit isch de usemä 10 minutä spaziergang ca. 1 stund (inkl. ganzem gepäck) dur menschämengi quätschä wordä.
diä hend riesigi schiff wos stundälang dur d strassä träged. frauä wo dr jesus betrured. alli mannä hend violetti gwänder a (cucuruchos). alles wird mit weihrauch usgreucheret und es het wunderschöni bluämä-, sagmehlteppich überall ufdr strass. diä bedüted au öppis heiligs. hinderem umzug fahrt gad es ufrumkomando mit, as eigentli nüt me gsehsch, wänn das letschtä schiff durä isch. wahsinn was da abgangä isch a dem sunntig.
anschined hends ider wuchä vor osterä täglich umzüg und vorher jede sunntig. mir wüssed aber nöd genau we viel sunntig im vorus.
also da wird keis osternestli gsuächt. gits leider kei linth osterhase für üs, aber mir nend natürli au im summer nu einä entgegä. 😉
witr gahts au nu mitem feinä essä. überall foodständ mit so feinem essä. entlich ischs iheimischä essä wiedr richtig guät und me chunt nöd immer fast z glichä über. sit boliviä hemmer eigentli nümmä so geilä strassäfood ka. (usert el salvador)
zwüscheddurä hemmer churz sogar z gfühl ka mir sind wieder in boliviä. da träged d frau au wiedr tolli trachtänä. und schu staht das nächtä abendtür bevor. mal luägä eb mir das überstünd. der berg ruäft.Read more