Utila Belize Barrier Reef

Utila eini vu drü inslä im karibischä meer wo zu honduras köhred.
z Belize Barrier Reef isch das zweit grösste reef nach em Great Barrier Reef. es fangt in mexiko a und gaht bis uf honduras abä. da mömmer natürli gu tauchä.
Utila isch bekannt drfür as da das ganze jahr über walhai het und as tauchkürs unglaublich günstig sind.
au wänn mir diä gigante schu gseh hend, wend mir si uf jedefall numal gseh. uf utila hets es forschigszenter wo au schnorchelusflüg abütet. tauche isch da verbote mit walhai, wänn natürli mit tauchä einä gsehsch keis problem, aber me dörf nöd expliziet weg inä gu.
leider ischs anschinend bizli winig somit nöd möglich gu schnorchlä.
januu gümmer demfall nur gu tauchä und hoffed as einä vrbi schwimmt. 🐋 üseri unterkunft isch direkt bimnä tauchzenter wo au e unterkunft het. mir übernachted unglaublich günstig und hend sogar en privatstrand. hammer! 🌴
üseri täg verbringed mir mit tauchä, chillä und essä.
mir wend eigentli mal nu d inslä erchundä aber diä rollermietprisä sind jenseits. also mömer wohl oder übel witer chillä. 😁
z belize barrier reef isch unglaublich guät erhaltä. alles isch intackt und strahlt i de schönstä farbä. leider isch z'wasser bi de tauchgäng recht truäb gsi so ases uf de video's nöd überächunt.
und es het nöd würgli viel grossi lebewese ka, aber mir sind bis ez immer verwöhnt wordä, so chämer au mal diä chlinerä meeresbewohner beachtä und bewunderä😍
wunderschöni usziit gsi. 🌊🌴🐋
für üs gahts ez is nächste land, ab uf beliz.Read more