Mahahual

mitemä taco buch laht sichs guät tauchä🌮
grundsätzlich wäred mir natürli gern in belize as belize barrier reef gu tauchä, aber leider sind diä priisä det eifach jenseits vu guät und bös gsi. und det womer hend wellä hets ja au nöd klappt ka. also hemmer üs für mexiko entschiede. z reef (vu mexiko bis honduras) isch ja immernu z glichä, aber dr tauchgang isch um einiges günstiger. belize isch ja definitiv au eher eis vu de türerä länder da.
mir entscheided üs vürä chlinerä ort, chlei nach dr grenzä. im erstä moment gsehts wiedr schlecht us, üserä buächtä tauchgang staht uf dr kippi und wird de sogar nu abgseit. mir verlängeret extra en tag und tatsächli klappts. es het sich definitiv glohnt. z reef zeigt sich wiedr vu sinerä schönstä siitä. diä farbä, alles isch intack, unzähligi fisch i allnä grössä und farbä, riesigi wasserschildkröt und vieles meh. wooow mir sind wiedr eimal me beeidruckt was üseri natur alles büdet.
z mexikanischä essä lümmer üs natürli au nöd entgu. tacos und burritos🤤🤤. kochä chends. zum glück chasch au alles uhni koriander ha😁 wer brucht der schu.
mahahual het momentan au mit der rotalgä blag z kämpfä. we überall in mexiko, darum hends überall vor de stränd selberbastliti stopper. das macht z bild leider chlei kapuutt, aber z wasser isch trotzdem wunderschön gsi und het i allnä farbä glüchtet.Read more