volcanoes national park & süden

mir hend natürli au in amerika id kultur wellä itauchä und gspührä und fühlä we d amerikaner so lebed.
darum hend mir üs intensiv gedankä gmachte wiä wohl d amerikaner d natur erkunded.
nach intensivä recherchä und usänandersetzig mit dem, hets nur ei lösig gi.
mir hogged is auto und fahred eifach alles ab.🚙 in amerika isches es so, dass fast überall chasch hi fahre und chum e meter laufä musch. wemer de doch mal hend mösä laufä, hemmer üs natürli extrem ufgreggt, warums ez da d strass nöd nuch witr fürä but hend. nachemä langä tag vollä umä fahre und chum laufä, sind mir natürli völlig erschöpft und user atem. so entscheided mir üs für ä belohnig, ja natürli ä burger. aso natürli je einä mit bilag.
fazit: mir wäred richtig guäti amis. zumindist was essä a gaht, das hemmer im griff🤤 aber so gar nöd bewegä isch de doch nüt für üs.
üs hets aber gfalle mal i diä kultur iztauch. 🤣
und d natur het sich au wieder vu sinerä schönstä sitä zeiged.
d landschaft selber isch nümmä ganz so vielsitig gsi we gester. d vulkan nationalpark bestaht hauptsächli us vulkankrater und vulkangestei. zum teil isch es überraschenderwies doch sehr gruän gsi.
mir sind numal amne black sand beach gsi und hend wieder herzigi, schlafendi schildchrötli gseh.
eis het sogar usgschlafe ka und isch ufem weg zrugg is meer gsi. 🐢Okumaya devam et