Mantas, Mantas und nu me Mantas💙

das isch definitiv öppis vum spektakulärstä wo mir uf derä reis gmacht und gseh hend.

uf big island gits ei ort wo bekannt isch, dass am abed mantarochä chasch gseh.
mir hend grundsätzlich wellä mit de mantas gu tauchä, aber leider isch das nöd möglich gsi.
üsers hotel isch uf dr anderä sitä vu dr inslä und zwüsched inä hets en berg wo höcher als 2000 M.ü.M isch. nachem tauchä dörfsch nöd so wit ufä.
üsers hotel het au nöd uf üseri afrage reagiert, also hemmer üs de fürs schnochlä entschiedä.
bim icheckä hends de gmeint si sägeds nu am abklärä, eb mir ei nacht chend ussetzä. aha. klar 2 wuchä nüt dr glichä tuä hahaha. 🤪🙄

mir sind vum hafe in kona ca. 30 minutä bis zum spot gfahrä. d fahrt isch wunderschön gsi. schu wo d sunnä nunig ganz dundä gsi isch hemmer diä erstä mantas vum boot us gseh vrbi schwimmä😳 riiiesig sinds gsi. spannwiti isch 3.5 - 4 meter und maximal chend 5.5 meter spannwiti ha.
si hend es brett mit liecht is wasser tuä, wo mir üs chend hebä und d mantas vum liächt azogä werded.
churz nachdem mir is wasser sind, schwimmt schu einä direkt vor üsers gsicht öffnets muuul, chunt nächer und nächer und churz bevori z gfühl ka han er frisst mi (isch vegi), dreiht er mit erä unglaublichä eleganz ab. woooooow und das ganzä numal vu vornä und numal und numal... zum teil sind 6 derä riesää dinger under üs nebed üs, direkt vorem gsicht und hinder üs. ich glaub nächer chame nümmä si. alangä isch natürli absolut verbotä! au mit tauchä wered mir nümmä nächer chu. ganzi 40 minutä gaht das spektakel.

mir hend ganzi 16 stuck gseh. normalerwis gsehsch 3-4. sogar üseri guides sind sprachlos gsi.

mir sind völlig überwältigt. wunderschöni tier und überhaupt nöd gfährlich😍 sanfteriesen
jede manta het en individuels fleckäbild am buch, we bi üs dr fingerabdruck. und vu denä mantas wo mir gseh hend, het au jede en name ka.

ps: es git nu riesämantas spannwiti bis zu 9 meter. diä mömmer natürli ez au nu gseh😁💪Read more