stewart island #2

am zweitä tag mached mir üs ufä pingu tour. leider gsehnd mir keinä vu denä womer hend wellä gseh. es git da gelbaugpingu und dickschnabelpingu. beidi sind sehr seltä und beidi gits nur da.
mir gsehnd drfür riesiigi wiskappäalbatross, zwergpingu, seelöwä und otargo-scharbe. diä letschtä gsehnd us we pingu, sind aber kei.
d seelöwä sind absolut spektakulär. und büted üs e eimaligi showilag. si schwimmet sicher mindistens z achte um üsers boot umä und spieled we mit üs. gumped usä, pusted üs ah richtig schön. womer wegfahred verfolgeds üs nu und gumped umä we delfin 😍
am nami mached mir üs ufnä zweiti wanderig und erkundet oban. mir hoffed eigentli as mir d südliächter chend gseh. es sind zwei wunderschöni äbed womer da sind, aber si zeiged sich nöd. si sind sehr seltä und bruched perfekti bedingigä.Read more