Asunción - Tag 4

De letschti Tag met Paz erere Famelie... 😔Nochem stränge Wochenänd hemmer chli Schlof nochegholt ond denn scho bald die frösch gwäschne Chleider weder packt.🎒 De Räscht vom Tag hemmer met de Famelie verbrocht, en Abstächer zode Abuela (Grosi) hed ou ned döffe fähle.👵🏾 Zom Absched heds es grosses Famelieässe met typisch paraguayanischem Ässe ond Wiii gä. Scho glii hemmer üs mösse verabschede ond met Sack ond Pack ufe Wäg mache ad Bushaltestell.🚌 Die Gastfröndschaft ond Härzlechkeit werd üs no lang in Erennerig blibe.❤️
De Bus brengt üs uf Corrientes (Argentinie). 🇦🇷 Wäge Protest ond Streiks in Bolivie, hemmer üse Plan chorzerhand omgstellt. Mer fröiid üs uf wiiteri Abentür in Nord-Argentinie. 🥳Read more