Lago di Braies - dr Oeschinesee vo 🇮🇹

Hüt hani afa mal usgschlafe. Es isch eher e chüehli Nacht und drum hani mir am Morge chli Zit gäh zum Käffele, Uftoue und när bini mitem ÖV los richtig Lago di Braies (o das hetme Instagram x mal vorgschlage). D Busfahrt isch nur 20 Minute gange aber 15 Minute drvo si die absoluti Höll gsi will Wildcampierer wo bimne Stellplatz/Parkplatz übernachte si i Bus iigschtige si und öppe scho e Wuche nid duschet hei. Si hei de glich die 4€ pro Person füre Bus müesse zahle und mis isch inklusive gsi mit dr Gästekurtaxe vom Camping. Verstah’s nid eso dass Wildcampiere und uf Stellplätz wes gueti und billigi (27€ d Nacht) Campingplätz git. Sogar dr Parkplatz bim Lagi di Braies isch türer für Vans und Camper 🤦🏻‍♀️ Make it make sense!
Aber äbe, i hami dür d Masse kämpft. Viel Dütschi wo jammere wägem Priis (ds WC isch 1€ gsi), d Asiate am kreische vor Fröid, d Spanier wie Chaote am umeseckle und ab und zue hets no Schwizzer wo usgseh als würdesi dr Eiger bestiege (es isch nur e 45 Minütige Spaziergang ume See). Einisch Rund ume See isch sehr schön gsi aber es hetmi gäge Schluss no verrägnet! Isch schön gsi aber bi ner o schnell mal zrügg uf Villabasse, es Kaffi ga näh, när richtig Sauna ufem Camping und no es feins z Nacht im chline Resti wos hie git.
Alles i allem e schöne Tag! Morn geiz witer zude Tre Cime und ner zrügg i Süde. Bruche chli Wermi ☀️Читать далее