Marina di Venezia (Germania?)

Marina di Venezia isch dr gröscht Campingplatz vo ganz Europa und i ha dä scho immer mal wölle gseh. Drum hetsmi uf ds Wuchenend (sunnig und 25 Grad) uf Venedig abe zoge.
Mit 3’500 Plätz, 5 Stärne, Strand und emne Wasserpark isches definitiv es Monschter vomne Camping. Es isch so gross es het a Bus dassme ume chunnt, 20+ Restaurants, e Supermarkt wo grösser isch als ds Coop in Unterseen, grundsätzlich isch Marina di Venezia öppe so gross wie Interlake und Unterseen zäme.
Bim Iichecke isches es Spiel vo “dr ender isch dr gschwinder” und me muess sälber e Platz sueche. Als Schwizzerin hani gloubs eifach chli meh Hemmige ka als die Dütsche und ha nid grad Chind und Grosseltere wölle überfahre.
Leider hani nid sone guete Platz verwütscht aber isch ja nur für 2 Nächt gsi. Es isch definitiv e Luxuscamping wo aber sehr billig isch - masseabfeftigung - und 99% Dütschi het. Isch wie es nöis Bundesland aber in Italie. Es isch sehr spannend gsi und i ha ziemlich Research gmacht. Im Aahang no Bilder vode unzählige Shops, Restis, Gelaterias, Bäckereie, Supermarkt, Bazar, Märite, Zuma Lektione… (es git so viel).
Es isch spannend gsi aber hie chumi definitiv nie meh häre. De gani lieber grad ads Oktoberfescht 🇩🇪Read more