Damaraland 🐘

Witergaht üseri Reis richtig Damaraland.
Überrachenderwis ischs überall sehr suber da in Namibia. Mir hend mit schlimme Sache grechnet. Det wos Lüt het, gseht mä vielfach Abfall, aber i de Nationalpark und diä sind sozägä überall isches suber. Top! 💪
Damaraland isch eher e ländlichi Gegend. Am Strasserand stünd immer wieder Lüt, wo nach Wasser und Essä fraged. Eimal springt üs sogar es chlieses Meitli vors Auto, mir chend gad nu knapp bremsä. Sie und ihre Gschwüstertä hend hunger und fraged au nach Essä und Wasser. Mir gend ihnä alles was mir nu hend und verteiled au sust immer wieder Wasser. Me chännti endlos so witermache😞 aber irgendwänn simmer usgschossä. Namibia isch in Afrika eis vu de fortgschrittenstä Länder, aber d Scher zwüsched rich und arm chännti nöd grösser si.

Üsers Ziel in Damaraland sind d Wüsteelefante. Sie sind normali afrikanische Elefante hend sich aber apasst zum iner kargä, meist trocknä Landschaft z lebä. Es git nümmä viel vu ihn das natürli au für sie immer schwieriger wird, weg der Dürri.
Mir gsehnd zwei Herdenä und eis ganz jungs😍😍 Drü Munet alt ischs. Eifach wunderschöni, faszinierendi Tier. Czytaj więcej