Vietnam

octobre - décembre 2023

Une aventure de 43 jours par Wildflower En savoir plus

44empreintes
3pays
43jours
327photos
34vidéos
24,8kkilomètres
19,3kkilomètres
96milles nautiques
113kilomètres

S’abonner Calendrier Partager Liste de choses à faire

Date ascendante

Voyageur Vietnam
- Afficher le voyage
- Ajouter à ma liste de choses à faireSupprimer de ma liste de choses à faire
- Partager
- 8 nov. 2023 à 12:54
- 🌩️ 30 °C
- Altitude: Niveau de la mer
- Vietnam Tỉnh Kiến Giang Hàm Ninh Bãi Vòng 10.147258, 104.03823910°8’50” N 104°2’18” E
2
Jour 10
E Suppe
8 novembre 2023, Vietnam ⋅ 🌩️ 30 °C
Hüt Morge am 10ni hani müesse am Hafe si für ufd Fähri. Mit dere bini när guet 2h vo Rach Gia ufd Insle Phu Quoc gfahre. Ir Fähri hocketme leider so dasme garnid usegseet drum ischs e zimmlich längwiligi Fahrt gsi. Ume Mittag ume bini dert acho u ha afamau öppiz Zmittag gesse u ca. 500 Taxifahrer abgwimmlet. Nachem Zmittag hanimi mitere Vespa zu üsem Resort la bringe. Hie bini izz für 4 Nächt mitde 3 Dütsche woni in Ho Chi Minh scho ha troffe. Z Meer isch blütterwarm aber süsch isches es wunderschöns Plätzli hie. I fröiemi ufnes par entspanti Täg.En savoir plus
Voyageur Gniess die Pouse vom Reise Alltag…
09/11/2023Répondre
Voyageur das machi merci🥰
09/11/2023RépondreTraduire
9 j’aime
Voyageur Vietnam
- Afficher le voyage
- Ajouter à ma liste de choses à faireSupprimer de ma liste de choses à faire
- Partager
- 9 nov. 2023 à 14:19
- ☁️ 30 °C
- Altitude: 60 m
- Vietnam Tỉnh Kiến Giang Bến Tranh 10.244672, 104.03340110°14’41” N 104°2’0” E
2
Jour 11
"Wasserfäu"
9 novembre 2023, Vietnam ⋅ ☁️ 30 °C
Hüt heimirnis zwöi Roller gmietet u si mit dene zumene agäbliche Wasserfau gfahre. Auso eigentlich hättes zwöi söue si aber der Erst heimir garnid gfunde. Der Zwöit när so haub..auso dert hez ömu e Bach gha u immer mau wider so Wasserfau ähnlichi Steue. Es het aber o nid sone Roue gspiug wöu d Erfrüschig het genauglich guet ga. Am Nami simir no mitde Kajak vom Resort chli usepadlet. Ansonsten heimirs gmüetlich gno hüt u hei am Abe no fein gesse.En savoir plus
Voir la traduction
Voyageur Grad öppe ds Gägäteil vom warme Bach in Island…😅
11/11/2023Répondre
Voyageur 😆
11/11/2023Répondre
8 j’aime
Voyageur Vietnam
- Afficher le voyage
- Ajouter à ma liste de choses à faireSupprimer de ma liste de choses à faire
- Partager
- 10 nov. 2023 à 14:58
- ☁️ 29 °C
- Altitude: 31 m
- Vietnam Tỉnh Kiến Giang Ấp Đất Đỏ 10.04297, 104.01823310°2’35” N 104°1’6” E
2 2
Jour 12
Sunset Squid Fishing
10 novembre 2023, Vietnam ⋅ ☁️ 29 °C
Hüt simir mit üsne gmietete Roller i Süde vor Insle gfahre. Dert heimirnis z Gfängnissmuseeum agluegt. Das gfängniss isch scho vode Franzose brucht worde u när immer wider vo anderne Mächt im Chrieg. Es isch sehr idrücklich gsi z gsee was für schrecklichi Umständ da hei gherrscht u wie die Gfangene si behandlet u gfolteret worde.
Nachem Gfängniss heimir chli öppis lockers brucht u si a Strand e Kokosnuss ga schlürfe u hei chli d Seele la bambele.
Am Abe heimir Sunset Squid Fishing buechet gha. Der Sunset isch schön gsi dä mitem Fische isch weniger erfolgrich gsi aber es isch intresannt gsi z gsee wie das die iheimische Fischer das mache. Ufem Boot hättis das Znacht gä womir hätte söue fische..da die zwöi Tintefischli wo si usezogd worde leider nid für die ganzi Gruppe hei glängt, hez haut de Nudle geh. Die so o sehr guet gsi.
Nachder Fishingtour simid no öppis ga trinke u när i strömendem Räge zrügg i üses Resort gfahre.En savoir plus
Voir la traduction
Voyageur Isch das es „Aquaplampi“ ? 🤣
11/11/2023Répondre
Voyageur genau das isches😆
11/11/2023Répondre
Voyageur so kenni di gar nid🤔😂
12/11/2023RépondreTraduire
Voyageur hmmm😇😂
13/11/2023RépondreTraduire
7 j’aime
Voyageur Vietnam
- Afficher le voyage
- Ajouter à ma liste de choses à faireSupprimer de ma liste de choses à faire
- Partager
- 11 nov. 2023 à 11:14
- ☁️ 30 °C
- Altitude: Niveau de la mer
- Vietnam Tỉnh Kiến Giang Vũng Bầu Hòn Dồ Mồi 10.321703, 103.84246210°19’18” N 103°50’33” E
2
Jour 13
Töifgang
11 novembre 2023, Vietnam ⋅ ☁️ 30 °C
Hüt simir am Morge früeh abghout worde für ga z touche. Uf das hanimi sehr gfröit! Mir si mitem Boot öppe 1,5h use gfahre bis zur Turtleisland. Leider heisstsi so wöusi wine Schiudkrot usgseet u nid wöus derd Schiudkröte git. Derfür giz süsch viu z gsee. Für die Andere drü isches der erst Touchgang drum wärdemir ufteilt u ig ha mitemne Pol zeme chli der spektakulärer Touchgang dörfe mache. Mir si dür wunderschöni (und zimmlich ängi) Riffschluchte toucht das isch es nöiis, wahnsinnig idrücklichs Erläbniss gsi! Der zwöit Touchgang isch de chli weniger spektakulär gsi, aber i ha z gfüeu gha so guet ustariert bini no nie gsi so hani z Gfüeu vor Schwärelosigkeit richtig chönne gniesse. Für die drü Herre isches chli weniger töif abe gange u d Touchgäng si tou chürzer gsi. Si si aber aui mitemne Strahle wider usem Wasser cho. Nach zwöi Touchgäng heimir sehr guet Zmittag gesse u si när wider zrügg i Hafe. Im Stedtli heimir no öppis trunke u när simir gägdie 4i wider zrügg i Resort. Mir si aui feiechli gschluchet gsi u hei üse letst Abe uf Phu Quoc när gmüetlich la usklinge.En savoir plus
Voir la traduction
Voyageur Da gsesch z fride us😊
13/11/2023RépondreTraduire
Voyageur 🥰
13/11/2023Répondre
9 j’aime
Voyageur Vietnam
- Afficher le voyage
- Ajouter à ma liste de choses à faireSupprimer de ma liste de choses à faire
- Partager
- 12 nov. 2023 à 15:18
- ☁️ 32 °C
- Altitude: 13 m
- Vietnam An Giang Cho Dok 10.707847, 105.11619510°42’28” N 105°6’58” E
2
Jour 14
Local Experience
12 novembre 2023, Vietnam ⋅ ☁️ 32 °C
Hüt Morge simir mitder Erste Fähri nach Ha Tien gfahre. Vo dert isches mitem Bus diräkt witer nach Chau Doc gange. D Busfahrt isch feiechli e houprigi Sach gsi aber nume ca. 3h vo dämhär ischs glich relativ zügig düre gange.
In Chau Doc simir gägä Mittag acho u hei Zit gha chli öppis vo däm Stedtli z gsee. Mir si widermau die einzige "Westler" gsi aber es isch spannend gsi, z gsee wie d Lüt ide chlinnere Ortschafte läbe wo der Tourismus weniger Gäut inebringt.En savoir plus
Voir la traduction
Voyageur Travele pur- was für es schöns Biud u dr Rudi u d Hose farblech no abschtimmt😎
13/11/2023RépondreTraduire
Voyageur 🧳😁
13/11/2023Répondre
9 j’aime
Voyageur Vietnam
- Afficher le voyage
- Ajouter à ma liste de choses à faireSupprimer de ma liste de choses à faire
- Partager
- 13 nov. 2023 à 07:47
- ⛅ 27 °C
- Altitude: 8 m
- Vietnam An Giang Hồ Đá 10.584533, 105.05902810°35’4” N 105°3’33” E
2
Jour 15
Grün in Grün
13 novembre 2023, Vietnam ⋅ ⛅ 27 °C
Hüt am Morge früeh simir vom Vang u zwöi anderne Rollerfahrer abghout worde. Är het üs dürz Vogelschutzgebiet Tra Su gfüert. Das isch e Waud im Wasser wo wärend oder gad nachder Rägezit mitem Boot cha befahre wärde. Z Gebiet isch wunderschön und i gloub i ha nonie soviu Vögu gsee u ghört. Wöumir so früeh am Morge si gange heimir der Park fasch für üs elei gha u mi het nume d Grüsch vor Natur ghört. Das isch es sehr schöns Erläbniss gsi.
Nachem Park heimir ufem Rückwäg no es Riisfäud chönne vo Nöchem aluege u si e Tämpu ga besichtige. Ca. am 11i simir zrügg im Hotel gsi u heinis no chli usgruhit u früsch gmacht. Nachem Mittag isches de mitem Schlafbuss zrügg Richtig Ho Chi Minh City gange.En savoir plus
Voir la traduction
Voyageur Sooo schöööne Sound🎶
15/11/2023RépondreTraduire
Voyageur Ja das isch es sehr schöns Erläbniss gsi!😍
15/11/2023RépondreTraduire
8 j’aime
Voyageur Vietnam
- Afficher le voyage
- Ajouter à ma liste de choses à faireSupprimer de ma liste de choses à faire
- Partager
- 14 nov. 2023 à 10:32
- ⛅ 32 °C
- Altitude: 6 m
- Vietnam Ho Chi Minh City Quận Ba 10.766495, 106.68909510°45’59” N 106°41’21” E
4
Jour 16
Grossstadt feeling
14 novembre 2023, Vietnam ⋅ ⛅ 32 °C
Der letst Tag in Ho Chi Minh City isch chli weniger spektakulär gsi aus Anderi. Mir si am Morge dürne sehr spannende lokale Märit glüffe u si süsch no chli ga Lädele u ga Käfele. Am Nami heimir när e Free Walking Tour gmacht. Das isch e Tour wo Locals (meistens Studente) Touriste dürd Stadt füere u chli öppis zum Läbe vor Ort, zude Sehenswürdigkeite und zur Gschicht verzeue. Das ganze Basiert uf Spändebasis. I ha leider nümme viu Nöis erfahre aber mit heis glich ganz lustig gha.
Am Abe simir nomau z Nachtläbe vo Saigon ga erkunde und mir isch doch tatsächlich no e ehemalige Studiumskolleg übere Wäg glüffe.En savoir plus
Voir la traduction
Voyageur ds mitem Cem chani ja gingno nid gloube 😂😂
15/11/2023RépondreTraduire
Voyageur I ha o gmeint i spinne😂 u die Andere heisich gloub o chli gfragt was mit mir isch...z Doha am Flughafe trifi Bekannti u in HCMC kenni ono Lüt💭❓🤣
15/11/2023RépondreTraduire
Voyageur 🧡
15/11/2023Répondre
Voyageur 💛
15/11/2023Répondre
2 commentaires en plus
8 j’aime
Voyageur Vietnam
- Afficher le voyage
- Ajouter à ma liste de choses à faireSupprimer de ma liste de choses à faire
- Partager
- 15 nov. 2023 à 18:27
- ☁️ 28 °C
- Altitude: 11 m
- Vietnam Tỉnh Bình Thuận Ấp Thiện Long 10.953432, 108.24154410°57’12” N 108°14’30” E
Jour 17
Sunsetschwumm
15 novembre 2023, Vietnam ⋅ ☁️ 28 °C
Hüt am Morge si der Johannes und der Hermann Richtig Doha abgreist. I ha am 10ni müesse bim Busoffice si für vo Ho Chi Minh City nach Mui Ne z fahre. Die ganzi Reis het lenger duuret ausi ha denkt. I bi gägdie 5i z Mui Ne acho. Im Bus hani vorauem gschlafe u Potcast glost. Am Abe bini pünktlich ufe Sunneundergang acho u ha no e Sunsetschwumm gnosse. Izz ligeni ir Hängematte, due nochli läse u luege mau was der Abe no so bringt.En savoir plus
Voir la traduction
Voyageur 😊
16/11/2023Répondre
8 j’aime
Voyageur Vietnam
- Afficher le voyage
- Ajouter à ma liste de choses à faireSupprimer de ma liste de choses à faire
- Partager
- 16 nov. 2023 à 05:49
- ☁️ 25 °C
- Altitude: 33 m
- Vietnam Tỉnh Bình Thuận Ấp Nhơn Hòa Bàu Trắng 11.067686, 108.42364511°4’4” N 108°25’25” E
2 2
Jour 18
Bewöukt
16 novembre 2023, Vietnam ⋅ ☁️ 25 °C
Hüt bini öppis vorde 4e usem Bett füre Sunneufgang vode Sanddüüne us ga z luege. Leider hez genau da wo d Sunne isch ufgange soviu Wouche gha dasme überhoupt nüt vor Sunne het gsee. Nachde Sanddüüne simir witer zude Fischer. Es het ungloublich Betrib gha a dere Küste. U so wies het usgsee sisi o chli erfougriicher gsi aus mir uf Phu Quoc..speter simir no der Fairy Stream ga aluege. Das isch es Bächli wome derdürlouft zu orange lüchtendem Gstein/Sand.
Am 9i simir schwoider zrügg im Hostel gsi u hei guet Zmorge gässe. I bi när no e Rundi i Pool u ha chlei gläse u am 12i bini de ufe Bus für uf Da Lat.
Gägdie 6i bini de da ou acho u has gad perfekt ufz Familydinner vom Hostel gschafft. Nachem Znacht bini mitemne Grüppeli vom Hostel no i die berüemti Maze Bar. Die isch ungloublich verwinklet über mehreri Etage mit änge Stägli u zum teil Löcher wome derdür schnaget.
Zrügg im Hostel bini froh gsi umne sehr ruhigi Nacht. Die vorderi isch leider garnid erhousam gsi.En savoir plus
Voyageur Das gseht nach Local us…
18/11/2023RépondreTraduire
Voyageur ja auso we öpper local isch de sis äuä d fischer hie
18/11/2023Répondre
Voyageur Was für ne schön deckte Tisch- mir chönte o meh so ässe😊
18/11/2023RépondreTraduire
Voyageur das isch sehr guet gsi ja☺️
18/11/2023RépondreTraduire
9 j’aime
Voyageur Vietnam
- Afficher le voyage
- Ajouter à ma liste de choses à faireSupprimer de ma liste de choses à faire
- Partager
- 17 nov. 2023 à 20:14
- ☁️ 17 °C
- Altitude: 1 466 m
- Vietnam Tỉnh Lâm Đồng Ðà Lạt 11.941247, 108.43741711°56’28” N 108°26’15” E
1 2
Jour 19
Bärgluft
17 novembre 2023, Vietnam ⋅ ☁️ 17 °C
In Da Lat faue zwöi Sache relativ schnäu uf. Erstens ischs tou cheuter und zwöitens isch aues Inszeniert aus wärsch ire Disneyland Stadt. Es het überau Skulpture u Fabelwäse, aues isch bunt agmale und du chasch überau uf irgendwelchi Bahne oder sonstigi Aktivitäte bueche. I ha am Morge im Hostel der Nils troffe. Är reist mitem Töff dür Vietnam u hetmi mitgno. Zeme simir d Region Da Lat abgfahre hei verschideni Tämple u Wasserfäu gsee, viiiiiu Kaffiplantagene, meh und weniger definierbari Wäse, si ga Rodle u hei es Kafi mitere wahnsinns Ussicht gnosse. Z eigentliche Highlight vo däm Tag si aber die kurfige Bärgstrasse mit beidruckende Ussichte u wunderschöne Landschafte gsi. O wemir beidi si froh gsi dasmir no hei e Jagge derbi gha simir am Abe zfride wider izz Hostel zrügg cho. Dert heimir üs när ir Restaurantuswahl la berate u si d Stadt z Fuess bi Nacht ga aluege. Nachemne sehr feine Znacht imene vietnamesische Restaurant simir no übere Nightmarket vo Da Lat gschländeret u wöunis der Tischgrill so het aglachet heimir nogad es zwöits mau Znacht gesse. Gägdie haubi10ni simir wider zrügg im Hostel gsi u zimmlich knüttlet izz Bett.En savoir plus
Voir la traduction
Voyageur 🧡
18/11/2023Répondre
Voyageur Das chame wou sägä🤣
18/11/2023RépondreTraduire
Voyageur lustigerwiis heist dä genau eso😆
18/11/2023Répondre
2 commentaires en plus
8 j’aime

En charger plus