Riesen Disaster an der Grenzkontrolle

nögschti grenzkontrolle, ahniglos sind mir im bus döt anegrollt, alli sind kontrolliert worde, en polizist chunt ine und kontrolliert alli tickets und plötzlich blibet mir stoh
Am afang het niemer ricjtig gwüsst wa los isch und mir hend eig jede moment demit grechnet, dass mir witerfahret doch wo de busfahrer nach einere stund de motor abgschalte het, isch unsers misstraue langsam immer meh gstige. Gstrandet ade grenze und mir hend gar nid gnau gwüsst worum. Ebefalls isch denn natürli au d klimaalag nüm gloffe, wil de motor abgschalte gsi isch. Ewig sind mir döt gstande und plötzlich isch en grenzpolizist zu uns cho und het erklärt wa los isch, sie chönd de bus nid witerfahre loh, wil d reisegsellschaft irgende buess müssti zahle wo sie nid wönd zahle. Es chönt also no eewigs go, wo mir döt warte müend. Irgendwas het nid ganz gstumme mit tickets aber mir sind bis am schluss nid ganz druss cho wa.
Selber döt weg cho isch au unmöglich, wil taxis anschinend nöd döt uffe fahret und die nögscht bushaltestell 30 minute zfuess entfernt isch. Mir sind also würkli grad echli ufgschmisse gsii
Zum glück isch denn plötzlich endlich nach 2.5 stunde de busfahrer zruggcho und mir hend chönne witerfahre, rieesigi freud het gherrscht, wil mir eifach mol froh gsi sind, simmer irgendwo id zivilisation gfahre worde und müend nid ade grenze übernachte.

P.S au d spanier hends nüm so lustig gfunde: que culoRead more