Grampians

Geschter si mir nachem ufstah am Morgä grad wieder wiiter gfahrä. Ungerwägs hei mir bim Australian Pinball-Muesum aaghautä. Dert hets x-verschiednigi Pinball-Maschinänä gha u mit dä meischtä het mä sogar säuber dörfä spielä. Das hei mir üs natürlich nid lah entgah u hei einigi usprobiert 😁.

Während demwiiterfahrä si mir nu am Pink Lake verbi gfahrä. Erscht im letschtä Momänt hei mir festgsteut, dass dä ja würk Pink gsi isch (Leider isches aber wägem Wätter uf dä Föteli nid erkennbar 😏).
Gägä Aabä si mir när bi dä Grampians aacho, wo mir nu mau chli hei wöuä Wanderä. Ufemnä Sportplatz hets mega viu Kangaroos gha u mir hei wieder zwenä bim Kämpfä chönnä zuäluegä.

Am Morgä hei mir üs ufä Wäg zu The Pinnacles gmacht. Dr Wäg het über Felsä u dürnä Schlucht gfüehrt. Zum loufä isches wunderschön u gliichzytig mega speziell gsi 😊. Bim Lookout aacho, isch d Ussicht atemberaubend gsi 😍.
Wieder bim Parkplatz unger, si mir nu i Grand Canyon gsi gah luegä. Leider hets dert extrem viu Lüüt gha, süsch wärs nämlich o mega iidrücklich u schön gsi.

Nachdäm mir üs hurti angers aagleit hei, hei mir üs o scho wieder ufä wiiterwäg gmacht. Äs paar Stung speter si mir z Geelong aacho, wo mir üser letschtä Täg vo üsnä Feriä wärdä verbringä.Read more