Joined February 2020 Message
  • Day143

    Home sweet home

    July 22 in Switzerland β‹… β›… 23 Β°C

    Glandet und wieder uf schwizer Bode πŸ‡¨πŸ‡­πŸ˜Š ganz speziell isch de Ahflug für mich gsi - wie oft ich scho in Züri glandet bin, aber jetzt nach 5 Mönet gseht alles andersch us πŸ™ˆ D' Vegetation isch si grüen haha Isch mer nie ufgfalle bis jetztπŸ˜…

    Au de 6h Flug hani no umebracht, bin all Fötelis vode letzt 5 Möndt duregange und am sortiere. Wird no es zitli gah bisi da de Überblick han und den es Album chan mache 😁

    Die grösst Überraschig isch gsi wo mich en Kolleg wo Polizisti isch am Flughafe direkt am Gate abgholt het 😍 Han also mini Träne nüm chöne zrugghebe πŸ˜…πŸ€— De Flughafe isch ja wie usgstorbe πŸ™ˆ mitem Gepäck isches au super schnell gange und mis Surfboard hets au id Schwiz gschafft πŸ„‍β™€οΈπŸ˜ Mami, Daddy und zwei Kollegine hend bide Ahkunft gwartet πŸ€— brüellend bini ihne id Arme gfalle! Wieder diheime si πŸ™‚

    Mis Schwösterli het mer na Willkommensmuffin bachet 😍 isch schön wieder diheime zsi, ez tueni mi langsam ahklimatisiere. Gwäsche isch praktisch scho alles und nurna chlini Sache mueni versorge.

    Mis eigene Bett wartet seenlichst uf mich πŸ€—πŸ˜

    Danke eu ALLNE das ihr mini Post's so regelmässig glese hend und somit en Teil vo minere Australiereis gsi sind πŸŒπŸ€— Hoffe eu all bald mal wieder id Arme schlüsse chöne.
    Read more

  • Explore, what other travelers do in:
  • Day142

    Let's go HOME

    July 21 in the United Arab Emirates β‹… β›… 40 Β°C

    Mini Heimreis isch nöd so direkt wieni mir das gwünscht han, flüge zerst ih die anderi Richtig nach Melbourne und vo det us chani den defür Business nach Abu Dhabi und den uf ZüriβœˆπŸ‡¨πŸ‡­

    Ich chans nanig glaube und vorallem wettis gar nöd glaube dasi jetzt muen Tschüss sege πŸ˜₯πŸ‘‹

    Mit ganz viel Gepäck πŸ˜‚πŸ˜‚ hani mich am Zistig uf de Heimweg begeh. De Kurt het nur glachet und denkt ich heg nameh Gepäck. πŸ˜‹ Han nämli min Rücksack eifach in Koffer packt, zum Glück hets grad Platz gha πŸ˜‚πŸ™ˆ Abr mis Surfboard umeschleppe isch scho gnueg gsi πŸ„‍♀️
    Han 40kg Gepäck inklusive gha und denkt das sött ja keis Problem si wenn eis biz schwerer isch als s'andere. Solangs total nöd über 40kg isch 🀷‍♀️ ja denkste...sie hend mi voll umpacke lah will min Koffer 26kg gsi isch πŸ˜πŸ˜… ABER Surfboard nur 15kg. Naja also hani halt umpackt 😊

    Da ich zerst en Domestic Flug gha han het er bis as Gate chöne cho. Hets nöd eifach gmacht zum sich det den verabschiede, aber so hemer die letzti Stund au no chöne zeme gnüsse πŸ€— Und wies witergat mit eus wüssedmer beidi nöd πŸ˜… isch nöd eh eifachi Situation mit dem Coronadings und mer wüssed somit nöd wenn mer eus s'nöchsti Mal chönd gseh. Aber wie mer ja so schön seit - mer trifft sich immer zweimal im Lebe😍 und da er sich vorstelle chan ide Schwiz z'lebe, wer weiss wie alles chunt 😊

    Ich freu mich jetzt uf mini Liebste diheime ❀ Chans chum erwarte nach 5 Mönet allne wieder id Arme falle.

    S'erste Mal das ih dene 5 Mönet muen eh Maske träge 😷 wie oft hani si wegneh wele bim schwätze will denkt ha de anderi verstaht mich susch nöd πŸ˜‚πŸ™ˆ Wird als Isszapfe in Züri lande πŸ˜‚ In Abu Dhabi chüeleds wiedrmal wie die pickte, bin schier verfrorre am Flughafe debi isch dusse 47 Grad πŸ™ˆ Nach 2h Ufenthalt gats endli uf ZüriπŸ™‚ uf allne Flüg wird bim Ihstiege is Flugzüg zerst mal Temperatur gmesse πŸ€’ glück gha isch alles guet gsi und sodemit chan ez nütmeh im Weg stah hei z'cho πŸ™‚
    Read more

  • Day141

    Time to say goodbye

    July 20 in Australia β‹… β˜€οΈ 17 Β°C

    Mer sind na ih mini Lieblingsbäckerei gfahre zum Zimtschnegge hole und hend den en Spaziergang am Meer gmacht 🏝 de letzti Tag isch sehr emotional gsi und ich bin so oft de Träne nöch gsi πŸ˜₯ uf ein Schlag sött eifach mis mega Abentüür es Endi neh 😊 Es isch die besti Zit vo mim Lebe gsi und ich wird jedi Erinnerig ih mim Herze bhalte.

    Isch scho crazy die Distanze ide Stadt selber, zu dere Bäckerei hemer 40 Minute Autofahrt gha und den an Strand wo de Kurt het wele nomale 40 Minute eifach ih die anderi Richtig πŸ˜‚ ide Schwiz würsch nie sowit fahre nur füre Zimtschnegg πŸ˜„

    Zum Znacht simer na s'letzti Mal zeme go Pizza esse πŸ• mer beidi chönted jede Tag Pizza esse πŸ˜‚ dasmal isches es italienisches Resti gsi am Wasser zue und so hemer au no min letzte Sunneuntergang chöne zeme gnüsse πŸŒ…πŸ˜ es het sogar Dessertpizza gha mit Vanillecreme, Glace druff und Schoggisauce ohhhh😊 typisch Sabi; han nur wenig normali Pizza gesse und den bini voll gsi, abr sobalds Dessert geh het hani plötzlich wieder hunger gha πŸ˜‚πŸ˜‚ Dessert gat immer haha
    Read more

  • Day139

    Back in Perth

    July 18 in Australia β‹… β›… 16 Β°C

    Wie guet es sich ahfühlt nach 6 1/2 Wuche wieder imne Bett z'pfuse πŸ˜ŠπŸ˜„

    Immerhin hemer ufem Heiwäg nöd immer nur wege mir müesse eh WC Pause ihlegge πŸ˜‚πŸ˜‹ wenn mer beidi ufem Sitz am umetanze gsi sind, will mer dringendst ufs WC hend müesse isches zit gsi gli mal z'stoppe πŸ˜„

    Min Poo tuet mer scho recht weh. Das isch s'längste an Stuck woni jeh gfahre bin und z'krass isch, mer isch immerno im gliche Land, im gliche Staat πŸ˜… Nach 10h hani nüm gwüsst wie sitze πŸš™ Z'Nacht am halbi 11i simer müed aber guet in Perth ahcho. Das doofe App zeigt ah das mir gfloge sind will's meh als 1000km sind, aber mir sind ALLES gfahre mitem Auto haha

    Am nöchste Tag isches ums ufrume und putze gange. Mini Site vs. sini Site πŸ˜‚ ich weiss nöd wasi falsch mache, abr es isch immer offesichtlich weles das mini Site isch πŸ™ˆ Freu mich uf min Chleiderschrank diheime, han echt gnueg vom usem Rucksack lebe πŸ˜… eimal die Erfahrig gmacht und ez hanis gseh πŸ˜‚πŸ˜‚ entweder findi nie das wasi sueche oder es isch immer z'underst πŸ˜‹

    Endli...dasmal hani alli Zuetate gha zum en feine Zopf z'mache 😊 mjammiii!! Danke Trochehefe! πŸ™‚

    En Koffer hani ez au kauft, so naiv wieni mengisch bin hani denkt ev. bringi ja doch alles in Rucksack abr forget it πŸ™ˆ zero chance πŸ˜‚πŸ˜‚ also hani halt na en Koffer kauft.

    Wenn alles klappet den sötti am Mittwuch in Züri lande πŸ‡¨πŸ‡­πŸ˜Š Min einzige Standbyflug woni chan bueche isch Perth- Melbourne- Abu Dhabi- Züri ✈ hoffe das chunt alles guet 😊
    Read more

  • Day137

    Letzti Wanderig

    July 16 in Australia β‹… β›… 25 Β°C

    S'letzti Mal alles zemepacke, dass isch scho es komisches Gfühl πŸ™ˆ jetzt hemer 6 Wuche campet und mer gwöhnt sich u mega drah 😊 Ich wirds vermisse (nie denkt dasi das jemals sege πŸ˜‚)
    Vorallem euse kuschelige SWAG 😊 ich glaub ich muen mer so eine zuetue wenni ide Schwiz mal go campe gane, bin eifach fasziniert vo dere Matrazze πŸ˜„

    Eusi letzti Aktivität bevors zrugg uf Perth gat isch eh Wanderig dur de Canyon 🏞 d'Wanderig isch ganz okay gsi πŸ™ˆ mer sind 4h gloffe und d'Ussicht isch immer die glichi gsi d.h. mer het nüt vom Canyon gseh bis mer endli vorem Abgrund ahcho sind und au det isches nur okay gsi πŸ˜… es isch 30 Grad gsi und ide pralle Sunne go wandere isch nöd so mis haha

    Endli chanis sege, jetzt woni ide Zivilisation zrugg bin - ich han zum Glück kei Schlange gseh 😊🐍und eh Riesespinne πŸ•· au nöd. De Kurt het uf de Wanderig zwei Schlange gseh, zum Glück isch er 100m vor mir gloffe (für eimal bini dankbar gsi) πŸ˜‚

    Zum Znacht hemer eus nomale eh Pizza gönnt, die besti woni in Australie gha han 😊 Da kenneds nöd so normali Pizzas wie mir das kenned, nei sie hend immer so komisches zügs druff πŸ˜…πŸ™ˆ die z.b isch en Mix us Vegetariana mit Feta und Olive

    Tuen mich na seelisch uf morn vorbreite - 14h Autofahre und 1246 km 😱🧘‍♀️
    Read more

  • Day136

    Tauche von Jetski us

    July 15 in Australia β‹… β˜€οΈ 24 Β°C

    Wiedrmal en MEEEGGGAAAA Tag gsi 😊 Chan au nöd jede sege, dasser vom Jetski us goge Tauche isch πŸ˜„ Kollege vom Kurt sind mitem Boot use und mir sind mitem Jetski gfolgt.
    Er het d'Fläschene am Endi vom Jetski befestiget und mer hend fest ghofft dases hebet, da es au sis ersti Mal vom Jet ski us gsi isch πŸ˜‚ S'meer isch hüt seeeehr unruhig gsi πŸ˜… riesigi Welle und mer isch echt schlecht worde 😨🀒 aber den hani plötzlich alles um mich ume vergesse, will mer en Buckelwal gseh hend - nödmal 100m vom Jetski entfernt πŸ‹πŸ˜ de ganzi Tag hemer öpe 8 verschiedeni Wal gseh 😊

    Nach 1h ufem Jetski und voll duregschüttlet simer endli am Reef ahcho πŸ˜„ gottefroh bini gsi will mit dene imensgrosse Welle isch mer scho biz mumlig gsi. Zum Glück sind Kollege vo ihm sehr erfahreni Taucher und hend de glichi Tauchgang en Tag vorher scho gmacht.
    Churz bevor mer abtaucht sind, hend die vom Boot es mulmigs Gfühl gha dass de Anker nöd würkli sitzt und s'Boot sich innert dene 10 Minute bereits verschobe het. Also isch de Tauchort für hüt nöd s'beste, will wäri na dumm wenn mer vom Tauche zruggchämted und euses Boot nüm da weri πŸ˜…πŸ˜¬

    Sind den 30km nördlich zumne andere Tauchort düset 🚀 min Popo het langsam weh tah- Jet ski isch scho cool füres paar Stund abr nach 4h tuet eim echt alles weh πŸ˜‚πŸ˜… am andere Ort simer den is Wasser gumpet und abtaucht- leider nöd sone hervorragendi Sicht gsi, aber mer het unter Wasser d'Wal ghört - verglichbar als wür öpert summe πŸ‹πŸ˜Š

    Ufem Heiwäg hemer den nomale en mega schöne Sunneuntergang gnosse πŸŒ…

    Und wie mer so schön seit, wenns am Schönste isch söll mer ufhöre πŸ˜₯ die letzti Wuche in Australie isch jetzt ahbroche πŸ‡¦πŸ‡Ί plant isch dasi nöchsti Wuche ide Schwiiz lande πŸ‡¨πŸ‡­
    Read more

  • Day133

    Camping im NP

    July 12 in Australia β‹… β˜€οΈ 24 Β°C

    Es isch nöd eifach gsi in Exmouth en freie Campingplatz z'finde, da Schuelferie sind und d'Aussies Ferie im eigene Land müend mache (Corona πŸ˜…) Hend praktisch jedi 2ti Nächt müesse alles wieder zemepacke und de Campingplatz wechsle wills nur immer freie Platz gha hend für max. 2 Nächt πŸ™ˆ so sind mer (bzw. ich) nöd us de Üebig cho s'Zelt uf und abbaue πŸ˜… Au hemer immer eh schnelleri Methode gfunde wies eifach gat 😁

    Ganzen schöne Campingplatz isch im Nationalpark gsi, unmittelbar am Meer 🏝😊 und es het nur wenigi Plätz gha und ca. 20 Meter Abstand βœŒπŸ˜‹

    De Tag dur simer nomale goge Schnorchle🐒🐟🐬🦈🐚 so unglaublich schöni Unterwasserwält und eifach chli am Strand verwile und d'Ussicht uf das schöne azurblaue Wasser gnüsse 🏝😍

    S'absolute Highlight isch währedem Sunneuntergang passiert 😊 De Kurt isch ufem Standup Paddle gsi und ich am Strand ames Buech lese. Und plötzlich gumpt en Wal usem Wasser πŸ‹ OMG!! bin mer zerst nöd sicher gsi obi mine Auge traue chan, wills vom Reef her so höchi Welle gha het, aber bim zweite Mal bini mir den sicher gsi. Wow 😊😍 bin sprachlos gsi!
    Read more

  • Day131

    Wildcamping 2. Nacht

    July 10 in Australia β‹… β›… 28 Β°C

    Usem nüt seit er so ich muen EV. go schaffe. Ich han denkt ich han mich verhört πŸ˜‚ abe nei, er het das voll ernst gmeint. Mir sind im Juhe use gsi und sini Firma het gfröget ob er ih 2 Täg det (de Ort isch 4h entfernt vo eus, abr ih die entgegegsetzti Richtig wo mir eigentli müend für de Heiwäg) chönt für 3 Täg go schaffe. Ich han denkt wenn ich standby han isch das müehsam abr bi ihm isch das immer so πŸ˜±βœŒπŸ™ˆ Welcome to Australia, spezifisch Lüüt wo ih Mine schaffed πŸ˜…

    Da sie ihn nöd 100% hend chöne zuesäge ob er ez muen go schaffe odr nöd hemer müesse de Tag ih de Gegend verbringe und sind drum an Küsteort Onslow gfahre.
    Han es pfüsi gmacht währedem er wiedrmal 30km uf sonere shit Strass gfahre isch - zum schlafe sehr ahgnehm, het schön gschaucklet πŸ˜‹πŸ˜‚ de Strass het eus zude Altstadt gfüehrt --> FAIL πŸ™ˆ 1. hets 1000igi vo Flüge gha wo um eim umedüsset sind und sogar ufd Lippe ghocket sind - Mistficher 😬 und 2tens isch die Altstadt echt nüt speziells gsi πŸ™ˆ mano man...für nüt und nomale nüt und brutal heiss isches au gsi.

    Immerhin hets am Endi vom Tag gheisse, dass er doch nöd go schaffe muen und so simer den Richtig Exmouth gfahre und hend eh witeri Nacht Wildcampiert πŸ˜β›ΊπŸ‡¦πŸ‡Ί dasmal simer die einzige uf den Campingplatz gsi 😊 Hend es Lagerfüür gmacht und d'Marshmellow hend au nöd gfehlt 😍 De unglaublichi Sternehimmel isch so ihdrücklich gsi! ✨ einigi Sternschnuppe und am 11i z'Abig isch den endli de Mond am Himmel ersichtlich gsi 😊
    S'zmorge am andere Morge hani as Bett serviert becho inkl. Kaffi β˜•πŸžπŸ˜
    Read more

  • Day129

    Slowly ufem HeiwΓ€g

    July 8 in Australia β‹… β˜€οΈ 29 Β°C

    Nach 11h und 1036km hani eifach nüm chöne πŸ™ˆ Total simer ca. 13h unterwägs gsi mit all mine WC Stopps πŸ˜‚

    Bevor mer losdüset sind hemer zum x-te Mal euses Auto useputzt und ufgrumt. Au hemer es neus System gfunde wies am beste wäri alles ih Boxe verpacke 😊 Ei z'morgebox und eini mit allem Reste πŸ˜‚βœŒ Sabi-LogikπŸ’πŸΌ‍♀️ Hauptsach ich weiss jetzt wo was zfinde isch.

    Campet hemer direkt nebed de Hauptstrass (biz luut gsi will die Monstertrucks - 60m lang au ide Nacht fahred) aber halt am praktischte. Han nur 3h chöne schlafe wills so hert gsi isch uf dem SteibodeπŸ˜… d'Madame isch verwöhnt immer uf Gras chöne z'schlafe πŸ’πŸΌ‍♀️ Defür hani mini Schlaflosestunde unterem unglaubliche Sternehimmel chöne gnüsse ✨😍

    Kei Duschi, keis WC πŸ™ˆπŸ˜… WC isch okay aber nach 2x Freicampiere und nöd dusche hani mi sooo dreckig gfühlt. Sabi - Willkomme bim real campe πŸ˜‚πŸ˜‚πŸ˜… Mini Haar hend usgseh, zum Glück hani nur de Rückspiegel im Auto zum mich selber gseh πŸ˜‹ Danke Trocheshampoo πŸ™Œ

    Esse chan mini Lune um sooooviel verbessere πŸ˜‚βœŒπŸ’πŸΌ‍β™€οΈπŸ˜Š
    Read more

  • Day128

    Wakeboarding

    July 7 in Australia β‹… β˜€οΈ 27 Β°C

    De shit Cooler 🀦‍β™€οΈπŸ˜‚ immer bini im Sand ihgsunke und eusi nette Kollege wo zuegseit hend das sie au chömed und den doch nöd cho sind πŸ™. Naja Spass hemer ufjedefall gha 😁 Hetedmer aber vo ahfang ah gewüsst das die nöd chömed hetedmer eusi Küehltrueh mit Bier und Proviant gar nöd erst mitgno uf de Jetski und den müesstedmer de au nöd am Strand deponiere. πŸ™ˆ 100m gschwumme mit dem schwere Teil und den im Sand ihgsunke - Sabi live βœŒπŸ˜‚ jetzt simer ready zum wakeboarde 🌊

    Es het mi ja schier verbässet vor Lache er gheit vom Wakeboard und ich fahre witter ufem Jet ski willi am Flüger zueluegget han wie de landet πŸ˜‚πŸ›¬β€ Es het grad en Flughafe nebedem Strand. Er hets weniger lässig gfunde hahahha πŸ™ˆ
    De Ahflug isch schön über's Meer und wenn ich amigs vom Wakeboard gheit bin und den im Wasser glegge bin hani d'Flugis gseh und mis Herzli het pöpperlet 😊😍

    S'Wasser isch soooo ruhig gsi, kei Welle hets gha ussert natürli die wo mer selber kriiert hend vom Jetski 😎 sind also richtig dur sWasser düsset πŸ˜„ Mit filme vode Gopro bini immerno regelrecht überforderetπŸ˜… muen uf soviel Sache glichzitig luegge, wie Speed, was vor mir isch und ob er na staht πŸ™ˆπŸ€¦‍♀️ vorallem dademit hani amigs müeh gha und er isch scho vor 100m umgheit upsi πŸ˜‚πŸ˜‚

    Eimal seit er so; Sabi blieb ruhig abr chume so schnell wies gat uf de Jetski πŸ˜…πŸ˜¨πŸ˜¬πŸ˜± hetsch mich sölle gseh πŸ™ˆπŸ˜‚ Den seit er so, ja er hegi en meega tönder Fisch gseh usem Wasser gumpe, obi de au gseh han. NEI...ich bin am wakeboarde gsi πŸ™ˆ meega schiess hani gha dases en Hai odr so gsi isch - Schock fürs Lebe! Bin ah dem Tag nüm is WasserπŸ˜‹

    Praktisch jede zweiti Tag simer am Wakeboarde und jedesmal isches besser gange und het meh Spass gmacht πŸ˜„ sogar eh 360° Grad Drehig bringi ane βœŒπŸ’πŸΌ‍β™€οΈπŸ˜Š

    S'Bier und de Sunneuntergang isch de krönendi Abschluss 😊
    Read more

Never miss updates of Sabrina Gisler with our app:

FindPenguins for iOS FindPenguins for Android