Tag am Meer

Hütt hei mir d Ferie iglütet.
Am Morge si d'Sanda und ig ga spaziere. Näre hetts mau äs richtigs Zmorge gä.
Es isch scho wider Märit gsi hütt. Aber ou dä hei mir üs agluegt, si aber mit läre Häng wider use.
Mir si de Blankenberge ga erkunde. Vo sehr touristisch zu idylisch hets hie aues. Und d Hotel am Meer erinnere chli a Prora auf Rügen, nume das jedes angers usgseht.
Natürli het dr Sprung is Wasser nid dörfe fähle hütt.
Am Abe si mir de i eis vo de top Resti (gemäss TripAdvisor).
Hett auso nume Platz für 16 Persone, aber voila ou das gits.
Wo mir de si hei gloffe si mir no anes Konzärt häre gstoglet, wo grad Jugenderinnerige gweckt het bir Sandra.
Aues i auem ä runde Abschluss für dä Tag.Read more