Morgen Pfui Abend Hui

Nachdäm d Sandra und dr Stefan am morge si ga spaziere mit dr Bailey, hetts de Eier und Speck gä zum zmorge. Ja und de ischs cho 🌧️💨. So hei mir dr Morge mit läse und chille verbracht. Am Namittag isch de besser worde u mir si ab ads Meer. D Jungs ga bade und Bailey ga schwümme oder so. Bis de d Polizei mit em Ross isch cho und gseit het das d Jungs da eigentli nid dörfe bade 😂. Easy hei mir haut Pouse gmacht. Am Abe isch de wider mau Märit gsi. Natürli si mir dert ga schländere hei Donuts kouft äs Drinkli gno u zum Apero Belgischi Pomes, was wott me meh. Am heiloufe si de d jungs no id Spiuhöll, natürli heisi nüt gwunne 😂. Itze hei mir gässe u höckle ufem Balkon bimene Zigarettli und äre Zigarre und luege ar Sunne zue wi si langsam Fürobe macht.Read more