Zandvoort erkunden

Da dr Wätterbricht hütt het gseit es wöui nid so schön, si mir Zandvoort chli ga erkunde. Im Gägesatz zu Blankenberge si mir itze nid im Zäntrum, das heisst 20min spaziere. Ar Bailey het das natürli mega gfaue. Ungerwägs hei mir de ou grad usegfunge wie mir de mau d Rennstecki chöi aluege wesi am fahre si. Dr Gian fingts aber nid cool, das d F1 nid da isch...
Z Stedtli isch mega cool und mir hei no lang nid aues gse. Aber das chunt no, si ja no ne Wuche da. Wo mir de si hei gloffe hetts üs de noch chli verrägnet, drfür hetts de no es Pommes gä mit Parmesan und Trüffelmayo (ömu für mi).
D Jung si de no ga bade und nachem Znacht si d Sanda, Bailey und ig no chli a Strand und hei ä Rägeboge dörfe gse.Read more