FLUG ZRH - IST

Flug ZRH - IST

Gnueg früeh an Flughafe um es riese Chaos ahztreffe 😆 Grund: Usgfallene Flug noch Istanbul. D‘stimmig bi gwüsse lüt isch dementsprechend nid die best gsi.

Noch einere Stund isch denn au s‘gepäck abgeh gsi und i han erfahre dasi no kein Sitz han. Schnell durd Kontrolle und e Fahrt mit em Heidi-Bähnli um denn z’erfahre das Sie de Flüger mit rund 10 Lüt überbuecht hen und etz freiwilligi suechen wo morn flügen. Entschädigt mit 400€ + Hotel und Esse.

I han ihne denn ahbote, dass sie mi au uf en direktflug umbueche chönd und bi somit ufd Reserveliste grutscht 🥸 Aber het leider nid klappt und i han de Flug mit meh wie 1era Stund glich ahtrette.

Cool isch gsi, das D‘ Janine - mit ihre bini is Gspröch cho bir Gepächsabgob - de Sitz nebed mir ka het. Drum isch der Flug noch Istanbul schnell vergange und mir hen chli übers Reise etc. gredet. Sie isch e cooli Socke 🧦 und het mer denn die App empfohle – voila do isch min erste Footprint.

Glücklicherwiis (für mich) het der Flug noch Singapur au meh wie e Stund verspötig. Drum hani gnueg ziit ka zum wechsle und ich hoffe min Koffer hets au ins neue Flugzüg gschafft 😃Baca selengkapnya