Joined April 2021 Message
  • Day59

    Cancún

    June 16 in Mexico ⋅ 🌧 26 °C

    üse plan aus nächsts uf d insle holbox z gah het sech schnäll gänderet wo mir z wetter für di nächste täg hei gseh... räääge, räääge und nomau räge!
    Hei üs när entschide di rägnerische täg in Cancún z verbringe...
    nach dr tägliche jogging rundi zum strand, heimer ungeranderem d shoppingcenter usgrumt, z maya museum bsuecht und natürlich wi bi jedere reis ä günstig chinoabe mit fastfood gnosse! (Chinoticket 2.50.-)
    Cancún het für üs ni wück me z biete usser riisigi über kilometer anänandgreiti hotelkomplexä..
    das hiä fühelt sech sehr amerikanisch ah ds het nüme mit mexiko z‘düe!..

    witer geits iz mitere super wätterprognose für paar täg uf d insle holbox.

    Cheers kenneth & jess
    Read more

    Ines Thönen

    Jessica live 😂🥰

    Jessica Thönen

    Haha mam ässe isch läbe😍

    Kelly Joss

    geils Bärtli 🔥

     
  • Explore, what other travelers do in:
  • Day56

    Rio Lagartos

    June 13 in Mexico ⋅ ⛅ 29 °C

    Zwöi täg heimer im chline Fischerdörfli Rio lagartos (dr fluss vo de krokodil) verbracht. Am erste Tag heimer ä chlini Bootsrundfahrt gmacht. Mitem spanish sprächende Guide simer zu de Los Colarados gfahre. Bekannt si die gwässer dür iri pinkegi farb. Us dene riisige becki wird fins meerssauz gwunne. Näb dene becki ire grosse lagune läbä tuusigi vo flamingos.
    Schono idrücklech weme die tier ir wiudnis gseht u nid nume vorem igang iz däuhöuzli 🦩
    Nachem nachtässä im dörfli simer bim zrügg loufe vom nä iheimische fischer aquatscht worde. mir hei nur verstange das er üs öbis wot zeige u sinim nache glüffe. Im hafe ungerem nä stäg heter es 3m längs krokodil entdeckt. Gmüetlech isches umt fischerboot gschliche.
    Die iheimische heisech när ä spass drus gmacht u die wenige touriste ungerhaute 🐟

    Am Tag druf simer ahgmäudet gsi für ufz meer gaz fische. Da z wätter ide letschde paar täg nid so guet isch gsi heimer üs risig druf gfröit uf paar actionrichi stund.
    Bir besammlig am morge 05:20 het üs aber dr guide müesse entdüsche, sis wätterapp zeigi am 7i rägä ah, mir müesses leider lah si..
    So simer ume zrügg iz bett.. bim z morge am 8i het de t sunne wunderbar gschunne 🌈😩
    So heimer haut die 3,5h stündi outofahrt uf cancun uf üs gno.
    Churz nachem mittag simer ahcho ohni polizeikontrolle 🚔 Promt nachdäm mir z outo fürz ichecke vorem hotel parkiert hei, fahrt es taxi vis a vis rückwärts usem parkfäud u churz druf hez klempft..
    Nach 2 witere stung mit warte uft vermietig u securtity heimer de äntlech z zimmer bezoge.. veiächli ä schisstag gsi (isch haut o hie mänti😜)

    Shit happens, cheers kenneth & jess
    Read more

  • Day54

    Chichen Itza

    June 11 in Mexico ⋅ 🌧 27 °C

    Für ei nacht heimer üs iz hotel direkt näbe dr archäologische Zone vo eim vo dä moderne wäutwunder iquartiert. Z Hotel giz sit 1921 u so hez zum teu o usgseh. T alag isch so gross, dasmer mitem golfchäreli samt gepäck zum bungalow chauffiert si worde.
    Am Abe nach sunneuntergang 🌄 simer 2 vo dä wenige gest gsi wo i gnuss vore liechtshow si cho. Die über tuusig jahr auti mayastadt mit dr wäutberüemte Kukulkan Pyramide isch i verschidene farbe belüchtet worde. Es sehr magisches 🪄 erläbnis bi klarem stärnhimmu.
    Üs hez so guet gfaue, dasmer am tag druf z ganze no mau bi tagesliecht hei wöuä gseh. 5min vor parkeröffnig (🇨🇭er-ding), am 8i simer vor dä verschlossne Tor gstange. Am 10ab 8i si de t froue a de ticketschauter afah igrichtet gsi. Nach däm mir 2x mau dr schauter hei müesse wächslä wüu öppis nid funktioniert het simer de doch no ine cho.
    Chum vorsteubar, dass da ir hochsaison und „nid covid-zit“ pro tag 10‘000 lüt es ticket löse 😅

    Cheers kenneth & jess
    Read more

    Kelly Joss

    chicken pizza 🥳

     
  • Day52

    Merida

    June 9 in Mexico ⋅ ⛅ 26 °C

    Ufem wäg nach merida heimers doch no gschafft, d polizei het üs usegwunke!...
    Kenneth sig z schnäll gfahre, dr polizist het d päss und dr fühereruswiss verlangt.. vilich chli z‘schnäll gfahre aber ds si di angerä nid-touriste vor üs ou!🙈
    Dr polizist het sis natel fürä gno u ä nachricht gschribe u di englishi übersetzig kenneth vor d nase ka.
    Hiä weti no di chline finger mit de riise negu vom Polizist erwähne wo offäsichtlich zum schuflä vo gwüsse substanze sehr praktisch si..!😅
    Äs sigi hiä 60km/h, mir sige z schnäll ungerwägs u müesse 3000 Peso (150.-) bis am Fritig zrugg it stadt ufe polizeiposte ga zahle!
    Mir hei gfragt öb mir ds hiä chöi zahle. Jessica het z gäud füre gno u gseit mir heige 1800 peso (90.-)
    Jess het ke chance ka chöne z lüge da dr anger polizist genau i üse gäldbüttel het gseh. mir heis z gäld am polizist id hang drückt u er het gseit es sig ok u het üs lah witergfahre..
    willkomme im koruptä Mexiko, absolut unfassbar und truurig!
    Trotzdäm finge mir mexiko super und fühlä üs absolut sicher (ömu vo dä nid poliziste)

    In merida acho heimer gmüetlich äs bierli gno u si d stadt ga erkunde... merida isch d houptstadt vom bundesstaat yucantan. Oh hiä si d fassade bunt und fröhlich. Fasch chli magisch hinder jeder huustür verbirgt sech ä wunderschöne innehof. Am Tag druf simer früä los u zu dr Maya Stadt Uxmal gfahre, di rundig a dr pyramide isch einzigartig i dr maya-kultur.

    Gägä späte Namitag heimer nomau ä chochkurs bsuecht.
    die zwöi härzige iheimische chöch hei mit üs zämä es wunderbars z nacht härä zouberet.
    säubergmachti empenadas, guacamole mit früsche trotilla chips u grillte fisch mit diverse salsas heimer gnosse. Zum kröndä abschluss hez natürlech no es dessert gä.

    cheers Kenneth & Jessica
    Read more

    Mathias Kolb

    ouuu fein! 🥴

     
  • Day51

    San Francisco de Campeche

    June 8 in Mexico ⋅ ⛅ 26 °C

    Die Piratenstadt 🏴‍☠️ wäge wachsendem richtum isch campeche immer wieder vo seeräuber überfalle worde. Üs het die bunti u fröhlächi architektur vor altstadt mega überrascht. Es het fasch nur iheimischi touriste, da simer uf d prob gstellt worde u hei üses glerte spanisch müesse uspacke... 😅
    i dene zwöi Täg heimer z maya museum bsuecht u hei chli me über di verschidnä bouarte vo de mayas glert.
    I däm museum isch ou nach wältwiit langer ustelligsziit di bekannti maske vo calakmul z’gseh..
    d maya ruine Edzná het nis völlig us de socke ghoue, sehr guet erhalte und riisig! Es isch wi tag u nacht chum lüt bsueche di site vo mexico, mir finges super dr zouber blibt so erhalte..! Mir heis gschafft, sightseeing bi 37 grad. Es fühelt sech ah wi eim öber de ganz tag mitem heissluftfön ahblaset..

    iz geits witer nach mérida..

    Cheers Kenneth & Jess
    Read more

    Lea Dumont

    So schön, die Farbe! 😊

    Ines Thönen

    Vermissä nech🥰

    Barbara Joss

    🥰

    3 more comments
     
  • Day48

    Xpujil

    June 5 in Mexico ⋅ ⛅ 27 °C

    Hüt simer iz landesinnerä nach Xpujil düset☺️nachem nä churze abstächer bir maya-ruine in Xpujil heimer üsi unterkunft „in the middle of nowhere“ bezoge..

    Später simer erneut is dörfli Xpujil, d mission isch gsi öbis ässbars z finde.. Mit üsere usbütig und dä bierli vor minibar heimer de d umgäbig bi üsem hüsli gnosse..😀

    Morn geits witer nach Campeche

    Cheers Kenneth & Jess
    Read more

  • Day47

    Bacalar

    June 4 in Mexico ⋅ 🌙 28 °C

    Hüt heimer mitem Kajak d Lagune vo Bacalar überquert, oh bekannt als Lagune vo de sibä farbe! äs ungloublich schöns farbspiel.. D ahsträngig het sech glohnt..😅 Bacalar isch di chlini schwöster vo Tulum, es mega härzigs dörfli mit viu charme!

    Morn geits witer nach Xpujil...

    Cheers Kenneth & Jess
    Read more

    Martin Schneider

    kee Motor ??????🤣🤣🤣🤣

    Jessica Thönen

    d arme si dr motor🤙🏻

     
  • Day46

    Tulum

    June 3 in Mexico ⋅ ⛅ 27 °C

    Drü wunderbari Täg ir Hippi Town Tulum☀️
    Am erste Tag simer mitem Velo ga d Tulum Ruine besichtige. Zum glück heimer am vorabe no ä doku über d Mayas gluegt, so heimer besser chöne d Gschicht nachevollziä..Ohni d’Mayas gäbs hüt ke Mais...! Zrüg mit dä velo dür näs mega cools stadtviertel mit wandbemalige und lokalem streetfood! Es git nüt bessers aus dr gruch vo früsche tacos und mais.
    Am zwöite Tag simer zu dä ruinä vo coba ä ehemaligi Maya Stadt 70km2 gross, mitere über 40 meter höchä Pyramide! Es isch wahnsinnig heiss gsi, drum simer üs no bire cenote ga abchüele..
    dr letschd Tag het mit hockey gstartet schwiiz-dütschland! d emotione vo Kenneth het jede im umkreis vo paar blocks gspürt🌪🔥😅 nach därä schwiizer niderlag simer zur Lily hei..mit zwöi angerä päärli heimer ganzi 5h kochet! d’Lily het mit ganz viil passion u liäbi zum detail üs mega viu spannends über d‘Kultur und z ässe bibracht! zum glück heimer vorhär nüt gässe🙈 aus apero hets feinä mescal und tröchneti heugümper 🦗gä. Ersch nächär feini säubergmachti tacos und quesadillas mit scharfe salsas 🌶🤤
    t Lily het üs für nä abchüelig d Kaan Luum Lagunä empfohle, mir si hin und wäg gsi vo dem türkisfarbige wasser!

    witer geits nach Bacalar...

    Cheers Jess & Kenneth
    Read more

Join us:

FindPenguins for iOSFindPenguins for Android