Laundry service & island feeling

Da hie de Wöschservice glich tür isch wie mobili Date (2.50 CHF für es Paar Underhose resp. 100 CHF für 10 MB), hemmer halt vu Hand gwäsche... de Balkon vu eusem Bungalow het dernach usgseh wienen Marktstand :)
Mer sind hie zwar uf dr Hauptinsle Huahine (es git nur zwei Hotels uf dere Insle...), aber der Teil vu dr Insle isch nid durch Strasse erschlosse - somit chunnt mer nur mit Boot da ane. Vor dr Insle verlauft en schmale Riffgürtel, gsümt vu türkisblauem Wasser. Da use simmer hüt Mittag mim Kajak anepaddlet und sind ga schnorchle. Es het es paar vereinzelti chlini Koralleblöck mit chline Triggerfish und vilne gelbe Schoolers gha - aber nid gnueg zum eus allzu lang dusse zbhalte, eusi Liegestüehl hend grüeft! De restlich Tag hemmer sherrliche Wetter und dWärmi gnosse - bis zum schöne Sunneundergang womer sogar vum sehr warme Meer us beobachtet hend :)*Læs mere