Peninsula Valdes

Viar ganzi Täg hämmer uf dr Peninsula Valdes verbrocht, stationiart simmer in Pueto Piramides ksi.
As sind 4 Täg voller Erläbnis ksi, eis vom gröschta isch d Walbeobachtig vom Boot us ksi. Miar händ d Wal jo scho am Tag vorhär vom Strand us kseh, aber do gad nomol nöcher. Iidrücklich wia sich dia grossa Tiar so ruig durch z Wasser bewegent mit irna sanfta Tön.
Miar sind mim Jumpy uf dr Ripio zu Caleta Valdes gfahra, kurz vorhär bi da süassa Pinguins hämmer wella zmörgala, aber oje z Gas isch nüm gloffa... So isches ohni Kaffi wiiter.
Kurz spöter häts dr Papi mit am Thomas ama tütscha könna lösa as was a sicherig wo bim rumpla usglöst worda isch😅
Wiiter zum Punte Norte, au döt hämer nomol ganz viil Seelöwa und Seeelefanta kseh, a fula hufa dia liggent wia tot am strand und ab und zua schüttens a kli sand uf da Buch... Was hämer susch no kseh: Guanacos, Gürteltiar, a Meerschwiili, Hasa und zu guter letscht no a Orca vo wiitem.
Eifach wunderschön ksi😊Read more