Tarangire View Camp Lion King Show

Bimene mega feine znacht hed eus de eint chelner verzellt das sie hüt uf em hügel gegenüber en leu gseh hend. Woner de nach em suppe serviere mit ere taschelampe chle umezündet hed sind de knapp 10 meter vor de terasse 3 leue im gras ghocked. Es sig s erst mal gsid wo d leue so nöch cho sind. Und demenstprechend ufgregt sind d lüt vo de lodge gsie. S znacht isch au für en moment vergesse gsie, da all mit handy und taschelampe dusse gstande sind, iheimisch wie au touriste.
En guide hed den all beruhigt, das die leue nix mached und nur weg em wasser da siged. Währed em wiitere znacht hed mer d leue immer wieder ghört und gseh. Wells nach em after diner drink immerno da gsie sind, hends glich entschiedd gha alli gäst mit em auto über zuefahrtsweg zu de zelt zbringe.もっと詳しく