Serengeti 2 Black and White

D zebras sind sehr elegant immer weder i chlinere gruppe vor eus gstande. Da i de serengeti hemmer au grösseri gruppe vo ihne gseh.
Am mittag hed eus en guide wo in usbildig isch, bim offizielle media zenter vo de serengeti no einiges dezue verzellt.
Zum biespiel das d zebras und gnus sich ergenzid. Gnuss schmöcked guet und zebras gsehnd defür besser. Demit schützed sie sich gegesitig vor feinde. So ischs vell das sich herdene vo beidne tier nebenand bewegid und wenn die einte flüchted au die andere flüchted. Beidi tier wanderid in herde im uhrzeigersinn imene jahr i de serengeti ume. So sind sie zu de richtige ziit am richtige ort für die trägende oder gebärende tier oder die richtige grasarte. D zebras frissed vorallem die oberhälfti vom grass und d gnues de rest. Gnus hemmer bis jetzt no kei gseh. De guide hed gmeint sie siged no z wiit nördlich i ihrer uhrzeigerwanderig.Read more