Reimposta ricerca
Camping & Roadtripping
  • Simon Keiser
  • Simon Keiser

Camping & Roadtripping

Nina, ich und de fordtransit Leggi altro
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
Prima i più nuovi
  • Inizio del viaggio
    15 agosto 2020
  • Simon KeiserCamping & RoadtrippingViaggiatore

    Bädele

    17 agosto 2020, Svizzera ⋅ 🌧 11 °C

    Uf grund vo de eher schlechte wettervorhersag hemmer hüt morge usgschlafe. Nach em zmorge simmer uf scuol go bädele. Eingentlich hemmer welle römisch-irisch welle go wellnesse. Das isch leider volle gsie, aso heds normals bädele und sauniere geh.
    Im aschluss simmer go pöstele und jetzt is crusch alba go bündner spezialitäte esse    Leggi altro

    Guarda la traduzione
  • Simon KeiserCamping & RoadtrippingViaggiatore

    Margunet

    18 agosto 2020, Svizzera ⋅ ⛅ 10 °C

    Am morge ufgstande und weg em wetter eus dezue entschiede ned die ganz gross wanderig z mache. Nach em zmorge und em sandwich mache simmer zum parkplatz 8 gfahre und denn los tschumpled. Sind recht is schwitze cho und chle müsse chüche de stutz duruf. S wetter isch bewölkt gsie und hed recht chüehl kudet. Üsses sandwich hemmer mit ere super ussicht chönne gnüsse. Reh und gämsi heds vo wiitem au no zgseh geh. Und nach em sandwich esse sind de au no es paar murmeli umegsprunge.Leggi altro

    Guarda la traduzione
  • Simon KeiserCamping & RoadtrippingViaggiatore

    Meran

    19 agosto 2020, Italia ⋅ ☁️ 15 °C

    Nachemen chline spaziergang bi s-chanf mit zmittagesse im flussbetti simmer go poste. Vo zernez us simmer über de ofepass is südtirol düssed. Det dur elle langi öpfelplantage nach meran gfahre. Uf em weg hemmer per zuefall es resti gfunde wo buurespezialitäte abote hed. D nina hed nocken (spinat, rande, chäs und chürbis) und ich en buuretoast gha. Zum dessert hemmer denn no kaiserschmaren gschlemmed.
    In meran simmer uf en campingplatz vomene 5 stern hotel. Chle en umstellig gsie, nach eusne waldcampinplätz    Leggi altro

    Guarda la traduzione
  • Simon KeiserCamping & RoadtrippingViaggiatore

    Meran citytripping

    20 agosto 2020, Italia ⋅ 🌙 17 °C

    Hüt simmer uf meran chle dur d gasse gloffe und go shoppe. Han mi chle müsse zämerise dasi ned z vell poste. Es grosses plättli mit iheimische spezialitäte hemmer au no gesse und send denn no en chlini burg go aluege. Zum abchüehle heds es glace geh und nach em zrug cho simmer schnell in pool uf em dach vom hotel wo zum camping ghört ghüpft. I de öv und de läde isch maskepflicht, im generelle beweged sich d lüt da au uf de strasse mit de maske.Leggi altro

    Guarda la traduzione
  • Simon KeiserCamping & RoadtrippingViaggiatore

    In die berge von meran

    21 agosto 2020, Italia ⋅ ☀️ 21 °C

    Vor em mittag simmer mit de neu ufgangne meran 2000 bahn abghobe. Sind de vo de bergstation zum kratzenbergsee gloffe. Uf em weg hindere heds extrem vell lüt gha, richtig schöne massetourismus. Dementsprechend hed mer au alles gseh vo de profiwanderer, bis zu de hobbytouriste i de flipflops wo all 2 meter es fotti gmacht hend. Im see hinde ischs de eher chüehl gsie. Ich han de gfunde ich gumpe glich mit de badhose is iiischalte wasser, während d nina d füessli bädelet hed. Im see hinde und uf em weg zrug heds de weder vell weniger bis gar kei lüt gha, so das mer s wandere glich no entspannt hend chönne gnüsse. Bim zrug cho simmer weder go gmües poste bim buur gad nebem zeltplatz und hend de under eusem vorzelt entspannt.Leggi altro

    Guarda la traduzione
  • Simon KeiserCamping & RoadtrippingViaggiatore
    1

    Therme

    22 agosto 2020, Italia ⋅ ☀️ 25 °C

    Uf de mittag simmer nachemene leckere zmorge mit rührei uf meran. Det hemmer i de therme en ruggemassage buecht. Aschlüssend simmer i de recht volle therme go bädele. Isch definitiv nüt speziells gsie, vorallem heds es mega chaos geh wos es biz afe gwittere hed. S beste isch d pizza wo mer am spötere nomi gesse hend gsie.
    Das chlini gwitter hed sich denn als grosse hagel sturm usegstellt wo mer us de umkleide cho sind. Es hed de es rechts chaos geh, well d lüt i de igangshalle stagblube sind. Uf einisch hed denn s ganze dach afe lecke und es hed wasserfallmässig is ganze gebäude inegregnet. Mer hend eus denn d regejagge überzoge und sind sobald das mer zahlt gha hend devo gschuened zum esse poste.
    Uf em campingplatz hemmers vorzelt ufgstellt, da pföste dur de wind umgheit sind. Sust isch nüt passiert dur de sturm, ussert das eusi chuchitüechli nass worde sind. Mer hetted sie extra unders vorzelt da, das uf em wetterbricht gheisse hed das es es biz go regele chund.    Leggi altro

    Guarda la traduzione
  • Simon KeiserCamping & RoadtrippingViaggiatore

    Österreich Grubhof

    23 agosto 2020, Austria ⋅ ☁️ 18 °C

    Gester abig hend eus d platznachbare uf em camping vomene super camping in östrich verzellt. Nachdem mer bilder agluegt hend, hemmer eus entschlosse hüt det hi z fahre. Am morge hemmer no spezialitäte in meran posted und sind denn losdüsed. Recht vell verchehr und vell autobahn über de brenner, so hed hauptteil vom tag usgseh. De camping isch sehr gross, und doch gmüetlich, das hemmer gad am afang festgstellt. Er hed au zahlriichi uszeichnige becho und ghört lut dene zu de top (oder De besti) campingplatz vo europa. Mer hend eud schön igrichtet und de grad no all eusi zelltschnüer als wöschleine mitgnutz. Hend leider nach em wäsche gester de tumbler nie chönne bruche, da er immer gnutzt worde isch.Leggi altro

    Guarda la traduzione
  • Simon KeiserCamping & RoadtrippingViaggiatore

    Vorderkaserklamm

    24 agosto 2020, Austria ⋅ ☁️ 15 °C

    Üse ersti stopp isch bi de vorderkaserklamm gsie. Nach es biz ufelaufe ischs über en hufe stege und steg dur de usgwäschnig felse gange. Extrem idrücklich was d chraft vom wasser alles usrichtet über die jahrmillione. Glichziitig ischs no en orchideweg gsie und mer hend im aschluss am fluss zmittag gesse. Natürli au no biz im chalte wassee plantscht und mit de stei gspieltLeggi altro

    Guarda la traduzione
  • Simon KeiserCamping & RoadtrippingViaggiatore

    Monkeys drinks

    25 agosto 2020, Austria ⋅ ⛅ 25 °C

    Nach ere fahrt mit es bit umweg simmer denn uf em camping bi salzburg acho. De camping isch nüt speziells aber sehr zweckmässig vom standort grad bi salzburg. Nach em irichte und emere churze zmittag simmer mit em bus id altdstadt gfahre. Sind de grad mal en rundi z wiit düsed da mer bushalte verpasst hend und sind denn grad mal am fluss salzacher eis go trinke mit ussicht uf d burg.Leggi altro

    Guarda la traduzione
  • Simon KeiserCamping & RoadtrippingViaggiatore
    1

    Zipfer bierhaus

    25 agosto 2020, Austria ⋅ ⛅ 21 °C

    Znacht hemmer de im zipfer bierhaus gesse. Es wirtshus wo vo sich behauptet das es no es richtigs wirtshus isch. Isch weder sehr lecker gsie, hend richtig östrichisch gesse.

    Guarda la traduzione