Suche zurücksetzen
Latin america
  • Simon Keiser
Jan. – März 2020

Latin america

Start in Samara costa rica Weiterlesen
FolgenÜbersichtKalenderTeilenTeilenBucket List
Neuste zuerst
  • Beginn der Reise
    5. Januar 2020
  • Simon KeiserLatin americaReisender

    1. Zwischenstopp

    5. Januar 2020 in Costa Rica ⋅ 🌧 17 °C

    Nach emene ruhige aber lange Flug in San Jose acho. Transfer zu de Gastfamilie woni für ei Nacht han hed klapped. Und die erste Schwiizer wo nochher z Samara sind au scho troffe.
    Gastmuetter isch extra no mit mer go poste dasi für d Nacht und d Busfahrt morn mis ztrinke han.

    Vo San Jose hani no ned wüki was gseh. Aber gseht recht chaotisch us. Autofahre chönds öppe ned aber es funktioniert im verchehr eifach.
    S wetter isch agneh warm, aber recht füecht.
    De ersti riese tuusigfüssler hemmer au scho gseh 💪👍    Weiterlesen

  • Simon KeiserLatin americaReisender

    Gastfamilie

    6. Januar 2020 in Costa Rica ⋅ ⛅ 27 °C

    Hüt meh oder weniger de ganz tag im bus verbracht. Andauernd müsse nüse und d nase lauft wie blöd. Das ganze natürli schwitzend imene bus bi 35 grad ohni klima, yay.

    Schlussendlich in Samara vo minere Gastmuetter abgholt worde und en churze spaziergang zu ihrem hus gmacht.

    Sie isch mega nett, ihri muetter wohnt au no dette.
    Zerst mal dusched und denn mal igrumed, esse und jetzt mal go pfuse    Weiterlesen

  • Simon KeiserLatin americaReisender

    Weder mal en 1. Schueltag

    7. Januar 2020 in Costa Rica ⋅ 🌙 27 °C

    Zum zmorge heds richtig früschi frücht geh. Sie hed glaub s gfühl gha ich esse für 3, so vell hed sie uf min teller biege. Han de es bizzeli chönne abgeh 🤷‍♀️

    De beni mal dur das doch sehr chline und recht verschöpfte dörfli zu de schuel trottet.
    Es hed en recht spezielle charm, en mischig us ustieger oase und touriste hochburg.

    Bim interview am morge zur iteilig hani voll verseit (aso wie mers nimmt). Sie hend mi grad weder heigschickt.... da mini klass erst hüt nomittag schuel hed. Sie hend mi zu de paola (lehrerin) gsteckt. Ben denn schön brav i mis zimmer und han mich richtig seriös bemüeht und doch fast 1.5h no glernt. 💪

    Zmittag han mer de imene resti am strand gholt und ben den pünktlich i de schuel gsie.
    De erst woni troffe han isch en schwiizer, heisst patrick, chund per zuefall us zug (unterägeri), per zuefall grad no i minere klass und en richtig guete typ (er isch am waldstock amigs, hed mer halt gad pluspünkt bi mir)
    De rest vo de klass sind studente vo chicago, au sehr flotti.

    De unterricht bi de paola isch spannend, verstah noni ganz alles. Aber scho recht vell glernt.

    Noch de schuel an strand mit und nomal en ganzi schwetti schwiizer troffe. Wunderbare strand mit wunderbarem meer, pura vida!

    Jetzt gids de mal znacht und den machi natürli schön brav mini husi. Hüt nimmis nomal gmüetlich, so das komische umegehueste von flüge nache öppe verschwindet    Weiterlesen

  • Simon KeiserLatin americaReisender
    11

    Monte verde

    12. Januar 2020 in Costa Rica ⋅ ⛅ 21 °C

    D wuche super überstande. Hufe gramatik und neui wörter i de schuel glernt. As Abschluss vo de wuche d prüefig guet gmacht, aso han ja nümme wiiter ab chönne gheie vo de stufe.

    D nomitäg und d äbig hemmer am strand verbracht, richtig gueti fründschafte chönne schlüsse.

    Samstig und sunntig simmer z 12te (11 schwiizer und 1 dütschi) uf santa helena. Vo det us simmer monte verde go aluege.

    Am samstig ischs am 7.30 mit emene büssli vo samara losgange. Um die 11 simmer z santa helena acho. Go fein zmittagesse, det hemmer chle es puff gha mit zahle. Aber pura vida halt. Aschlüssend hemmer en spaziergang i schönstem sunneschiin zumene alte baum gmacht. Nach es paar fötteli simmer de go d ussicht gnüsse.
    Zrug im hostel hemmer eus für eusi buechti nachtwanderigstour ready gmacht. Sind denn abholt worde und nach em taschelampe fasse 2h mit em guide dur de wald gloffe. Nebe huffe insekte und spinne, hemmer affe, frösch, vogelspinne und schlafendi vögel gseh.
    Nach emene leckere znacht ischs denn ab is nest gange. S hostel (monte verde backpackers) in santa helena isch sehr z empfehle.

    Am sunntig bi ziite ufe. Nachere warme duschi (die erst sit de schwiiz) simmer dick imene kaffi go zmörgele. Mit biz stress simmer ready für die nexti tour im cloud forest vo monte verde gsie.
    S wetter hed jetzt total ungschlage und es hed für d region typisch immer weder gregnet und böheartig gwindet.
    Daher hemmer eus bi de akunft im park dezue entschiede, nur d walking tour z mache und d zipline tour wortwörtlich is wasser falle z lah.
    D walking tour isch schön gsie. Es isch über mehreri hängebrugge (bis 35 m über bode) gmüetlich dur de weg gange. Leider hemmer ned so wükli tier gseh, aber d pflanzevielfalt isch extrem beidruckend gsie

    Nach emene spötere zmittag simmer weder zrug uf samara und no churz an es konzert wos spende für d strassehünd gsamled hend    Weiterlesen

  • Simon KeiserLatin americaReisender

    Delfin tour

    16. Januar 2020, Nordpazifik ⋅ ☀️ 29 °C

    Am morge am achti ischs los gange. De sinmer vo de schuel us es stückli durab am stand gfahre.
    Det simmer uf euses boot und is meer use zum delfin beobachte.

    As ersts hemmer (ich als einzige ned, han uf die falsch siite gluegt) en manta gseh us em wasser gumpe. Denn en erste einzelne delfin entdeckt und denn über einigi minute en gruppe vo ca 20 delfin beobachtet. Die gruppe isch us junge und ältere bestande. Delfin hend sich anschienend ned grossartig a eus gstört, sind immer weder uftaucht und au immer weder en meter zwoi us em wasser gumped.
    Uf einisch hed sich no en schildchrot dzue gsellt wo ad oberflächi go luft hole cho isch.

    Nach de delfin simmer no amene chline, eher bescheidene riff go schnorchle. Hed doch es paaf fisch gha und han mer en rechte schrecke igholt woni en seeschlange gseh han.    Weiterlesen

  • Simon KeiserLatin americaReisender

    Rodeo Santa Cruz

    18. Januar 2020 in Costa Rica ⋅ ☀️ 33 °C

    Hüt am nomi am 3 simmer uf santa cruz gfahre. Det findet i dere wuche es traditionells fest mit rodeo statt.

    D arena vom rodeo isch komplett us holz baut und hed uf de räng öppe platz für 10000 lüt. Quelle sind da es paar iheimischi gsie. Für d abigvorstellig simmer uf die räng go zueluege und d idrück gnüsse. Am nomittag simmer dur d mänschemengi rundume gschlendered, hend gesse und d idrück i eus ufgsoge. D stimmig isch sehr usglasse gsie, überall hed live musig gspellt und d lüt hend tanzed. Zwüschedure simmer under d räng am rodeo go zueluege.

    D stier hend eus allne leid dah. Aber sie sind ussert em riise stress ned verletzt worde. Neb em rodeo heda no es spiel geh wo mer en flagge vomene wilde stier sim horn hed müsse neh.    Weiterlesen

  • Simon KeiserLatin americaReisender

    Schildchröttli am morge früeh

    21. Januar 2020 in Costa Rica ⋅ ⛅ 25 °C

    Am morge am 03:30 ufgstande und im dunkle zu de schuel tschumpled. Vo det us simmer mit 3 büs an strand vo ostional gfahre. Uf em weg heds chle problem geh, well mer flüss wo chle meh wasser gha hend als normal durquere hend müsse.

    Det acho ischs langsam hell worde und mir sind in 8er gruppe mit emene lokale guide an strand. Üse guide isch meh oder weniger motiviert gsie, hed eus aber doch no es paar sache erklärt.

    Denn hemmer chönne zueluege wie d schildchrotte es loch mached, d eier legged, s ganze zuebudlid, tarnid und sich weder zrug is wasser müehid.

    Speziell isch, das die iheimische 1 bis 10 %, aso jeh nach jahresziit, döffed usgrabe. Die döffeds denn bhalte oder verchaufe. Defür beschützed sie d schildchrotte und ihri junge. Plus luegeds dafür das gnueg platz hed das all schildchrotte chönd ihri eier legge.    Weiterlesen

  • Simon KeiserLatin americaReisender

    El arenal?

    25. Januar 2020 in Costa Rica ⋅ ⛅ 26 °C

    Am morge am 5i uf zum treffpunkt gwatschlet. Uf DE EINTI wo verpennt hed und DIE ANDERI wo dihei d tür ned ufbracht hed gwartet. De isch s los gange richtig la fortuna. D stadt (tourismus pur) nebem vulkan el arenal.

    Zwüschestopp hemmer wie au scho bim kaffi mit de papagei gmacht. Das mal hemmer sie sogar so guet gseh, das mer es paar mässigi fötteli hend chönne mache.

    Denn simmer ohni wiitere stopp nach la fortuna gfahre. Debi amene stausee, wasserturm und andere ganze schwetti windräder verbi gfahre. Üse guide hed gmeint sie heiged 90 bis 98% erneuerbari energie.

    Bi la fortuna simmer zerst zumene wasserfall. Zum zu dem here z cho simmer mal gschwind 500 stegetritt abgloffe. Nätürli de au weder ohni usser atem z cho frischfröhlich durufgsprunge.
    Direkt bim wasserfall hemmer leider wege z starcher strömig ned döffe go bade, aber direkt unde drah sind 3 vo 8 no is wasser ghüpft. Recht früsch gsie, gwüssi sache sind eher chle gschrumpft.

    Vo dette us simmer zumere fuultiertour imene zentralere waldstück. Bi de afahrt bisher hed sich de el arenal vo de sinere bekannte siitee zeigt; in wolken verborgen.

    Bi dere fuultiertour hemmer zwoi verschiedeni arte vo fuultier gseh. D 2 kralle fuultier und 3 kralle fuultier, sehr kreativi namensgebig.
    Debi hemmer au no es paar jungi gseh wo ah ihre mamis umeturned sind. Nebe den hemmet no en tukan, schildchrott, frosch und ameisi gseh. Vo all dene hend eus d ameisi am meiste fasziniert. Mer hend sie länger bim verschniede und abtransport vomene riese blatt beobachtet.
    De guide isch sehr guet gsie, hed üs ganz e huufe über d flora und d faune verzellt.

    Nach de tour ischs wiiter zu de hotsprings und em esse gange. Das ganze isch imene 5 stern hotel inne gsie. Det simmer amene guete buffet (usserts dessert, aber wer brucht das scho) go zmittag esse und denn i dene verschiedene pools go bädele. Die oberste sind so heiss gsie, das mers ned dinne usghalte hend. Zudem hemmer die ned sehrspannend ussehende wasserrutsche usprobiert und sind eines besseren belehrt worde. Nach chopf und weichteilabralle (bi de männer) hemmer sie als ned suva-konform abgstepflet. Daher simmer wiiter go bädele.

    Hend eus de uf 3.5 h rückweg gmacht ohni en würkliche blick uf de wolke verdeckti el arenal werfe z chönne. Schad, aber mer chan ned alles ha. Hend emel weder en heide spass gha    Weiterlesen

  • Simon KeiserLatin americaReisender

    Kayak ahoi

    29. Januar 2020 in Costa Rica ⋅ 🌧 28 °C

    Nach ere churze fahrt mit em büsli simmer bimene chiisbett i d kajak ineghüpft. Ich vore, ehrewerti herr jurt hinde. De guid hed ergendwas verzellt gha das de stercher vore muss sie, oder doch umgekehrt?

    A eusem guid folgend dur de gmüetlich dahi plätscherndi fluss bis zum meer gfahre. Uf em weg hemmer einigi vögel und affe gseh. De guid hed üs ganz e hufe über die verschidene mangrove bäum erklärt.

    Am meer hemmer am strand en pause gmacht. De iheimische fischer zuegluegt und znüni gno. D fischer sind direkt im wasser, i de welle inne gstande (siehe video)

    Weder top motiviert simmer nach dere stächig weder is kanu ineghüpft. Da ich e biz z vell motivation gha han und bei biz z fest debi gspreizt han, hend gad mini badhose einisch längs duregrisse. De ehrewerti herr jurt heds sehr amusant gfunde.
    De rückweg hemmer ohni wiiteri problem überstande und sind churz vor em rege dihei acho.
    Mini gastmuetter hed per zuefall gad d nähmaschine divore gha und sich mine badhose agnoh.    Weiterlesen

  • Simon KeiserLatin americaReisender

    Trampel Tapir im Rio Celeste

    1. Februar 2020 in Costa Rica ⋅ 🌙 22 °C

    Los ischs gange am morge am 6i. Da am sunntig en neui studentin i mis zimmer chund hani scho alles packt und bi minere hostmom chönne understelle. Sie hed mer zum abschluss nomal ws zmorge gmacht, bevor ich id schuel zum büsli ben.

    Mer sind mit einere churze pause, 3 stund direkt zum parque nacional volcán tenorio, zum igang vom rio celeste gfahre.

    S wetter isch bewölkt gsie wo mer mit de chline wanderig zu de verschidene pünkt gstartet sind.
    Mer hend extrem glück gha, de fluss isch extrem blau gsie. Sogar euse guide isch extrem begeistert gsie und hed immer weder fötteli gmacht. Bim einte punkt heds dur en lava strom s wasser zum blubere bracht, hed debi au extrem nach schwefel gschmöckt. De fluss isch ufgrund vo mineralie so extrem blau. De wald isch ebefalls extrem idrücklich gsie, sehr füecht mit liane und vell moos.

    Bim hinderste punkt, wo s normale wasser zum blaue wird, isch de grossi uftritt vo eusem überraschigs gast cho.
    Es hed afe krache und trample uf de andere fluss siite. Uf einisch isch es tapir durs unterholz broche und in fluss ine ghüpft. De cheib isch grösser als mir gsie und meh als doppled so schwer. Im fluss hed er churz sich churz entleert, eus en blick zuegworfe und isch weder verschwunde.
    Anschinend sind tapir sehr selte z gseh, da ned mal all parkwächter oder guids eine gseh hend. Am meiste freud hed glaub sogar euse guid gha. Er hed s video voller stolz allne zeigt.

    Bim zruglaufe simmer de wasserfall go aluege und hend vor em usgang denn de überraschigsgast nummer zwoi troffe. En chlini schlange wo am wegrand posiert hed.

    Vo det simmer über en eher kriminelli, ned suva-komformi strass zu de finca (burehof/hotel) gfahre wo mer übernachted. As erst heds grad mal meh as gnueg zmittag geh. En churzi, sehr idrücklichi führig dur de bluemegarte, de gmüesgarte, en mit für-beheizbare-pool hed üs en guete idruck geh. Die finca isch meh oder weniger selbstversorgend. Denn heds en usritt bi rege dur d finca geh. Aschlüssend simmer in chalti fluss und in sehr warmi pool ghüpft. Jetzt heds gad es mega leckers costa rica znacht geh. Somit chund eine vo de idrückiste täg vo dere reis langsam zumene end.

    Am sunntig heds no en massag mit flussrusche geh und de simmer zrug uf samara gfahre    Weiterlesen

  • Simon KeiserLatin americaReisender

    Lets go. Roadtrip

    8. Februar 2020 in Costa Rica ⋅ ☀️ 29 °C

    Nach 5 wuche ischs jetzt fertig mit Samara. Gester simmer no all zäme go esse. Hüt morge no fertig packt und jetzt simmer am auto hole.

    Next stop: finca la amistad, en cacao farm vo schwiizer

  • Simon KeiserLatin americaReisender

    Finca la amistad

    8. Februar 2020 in Costa Rica ⋅ ☀️ 24 °C

    Nachdem mer s auto gholt hend ischs losgange. Sehr agnehm zum fahre gsie.
    Gege endi isch die schön strass zunere guete schotterpiste worde. Das isch amusant gsie, ussert für die wo dringenst ufs wc hed müsse.

    Auf der finca la amistad acho hemmer gad zerst mal en chalti oder heissi schoggi becho. Sie isch mit reinem cacao vo da gmacht, mit stückli und ned gsüesst.

    De hemmer en führig dur d finca (farm/hof) gmacht. De prozess und die verschiedene bäum agluegt. Und immer weder chönne probiere oder drah schmöcke. Sehr idrücklich gsie

    Im aschluss a die tour hemmer zäme eusi eigni schoggi hergstellt.

    Die finca isch vomene schwiizer päärli ufbaut worde. Sie liefered a felchlin id schwiiz. D finca isch um 95 hektar gross. Ca 50 hektar sind für de cacao. En teil vom rest wird zur ufforstig gnutzt.
    http://www.finca-amistad.com/
    D führig isch vomene mitarbeiter vo nicaragua gmacht worde. Sehr interessant und cool    Weiterlesen

  • Simon KeiserLatin americaReisender

    Fahrt nach tortugero

    9. Februar 2020 in Costa Rica ⋅ 🌙 26 °C

    Nach ere bizzli unruhige nacht under muggenetz simmer no meh schoggi go abhole und den los gfahre.

    D fahrt hed sich chle hizoge, aber sehr agneh gsie.

    Uf em parkplartz hemmer s auto abgstellt und sinf mit emene böötli 50 minute de fluss nach tortugero gfahre. Debi vögel und kaiman gseh. Nach es bizzli müeh bim hostel sueche hemmer denn agfange d ziit uf de halbinsel z gnüsse.Weiterlesen

  • Simon KeiserLatin americaReisender

    Tortugero

    10. Februar 2020 in Costa Rica ⋅ ☀️ 30 °C

    Am morge am 5i ufgstande zum die plant kanutour zmache. Hend denn fast en stund uf de guid gwartet wo mer tour buecht hend.
    De hed eus denn zum nationalparkigang bracht.
    Der simmer mit emene ruhige aber super guid los.

    Hend vögel, chrebse, echse, fisch und kaiman gseh im fluss. D pflanzewelt isch wiederum sehr beeidruckend gsie.

    Zrug zu eusere unterkunft go zmorge esse.
    Und denn uf die zwoiti walking tour gwartet.
    Mit wederum 40 minute verspötig ischs weder mit emene andere guid losgange.

    Bi dere tour hemmer affe, fuultier, echse und en ameisebär gseh.
    I de nöchi heds einigi jaguars. Keine gseh leider.    Weiterlesen

  • Simon KeiserLatin americaReisender

    Puerto viejo

    12. Februar 2020 in Costa Rica ⋅ ⛅ 25 °C

    Üses hostel isch super. Hend die erst nacht gnosse.

    Hüt am morge hemmer s auto zrugbracht und hend denn velos gmietet. De simmer de verschiedene stränd entlanggfahre.

    Bim jaguar tier rescue center hemmer welle für de next tag en privat tour bueche. Leider sind die für zwoi wuche scho usbuecht. Daher gömmer morn uf die normal tour.

    Wells de afe regne hed. Simmer uf de andere strassesiite ines argentinischs restaurant. De hani en pizza gno. Z vorspies es choripán, sehr lecker gsie. Händ den gmüetlich gesse und chle charte gspielt.

    Wiiter ischs mit de strandtour gange. Sind de no chorz halbwegs is wasser. D welle und strömig sind jedoch sehr starch gsie, daher simmer schnell dusse gsie.

    Zrug is hostel gradled und no es paar surfer beobachtet.

    Znacht gmacht und de letscht abig afange gnüsse bevor die andere zwoi ladies zrug uf samara gönd    Weiterlesen

  • Simon KeiserLatin americaReisender

    Jaguar rescue center

    13. Februar 2020 in Costa Rica ⋅ ⛅ 28 °C

    Nach dem eus die zwoi ladies wo die wuche mit eus underwegs gsie sind gange sind, simmer go velos hole. Mit dene simmer de zum jaguar rescue center düssed.

    Det hemmer mal as usnahm weder en dütschi tour gno, wells weniger lüt bi dere hed.

    Mer hend en sehr guete iblick becho.
    Sie probiered all tier wo sie bechömed oder gfindet weder zrug id wildniss z tue.
    Leider schaffeds es halt ned bi allne und en teil stirbt au am afang. Sind würklich herti gschichte wo hindere dene einte tierschicksal stönd.

    https://www.jaguarrescue.foundation/en-us/

    Ursprünglich gründet vo emene tierpflegerpäärli wo da d rente hed welle gnüsse. Well all lüt ihne die verletzte tier bracht hend.    Weiterlesen

  • Simon KeiserLatin americaReisender

    Fahrt nach bocas del toro

    14. Februar 2020 in Panama ⋅ 🌙 24 °C

    Am morge biz länger gschlafe. Go poste und alles für d usreis nach panama parat gmacht.

    Am 1200 vom caribe shuttel abgholt worde und mit em erste eher luxurieösere bus ad grenze gfahre.
    Det bi de brug vo costa rica uschecke und zahle das mer s land hend döffe verlah.
    Bim afang vo de brug hemmer denn dur de zoll müsse und überbrug müsse laufe. Wo mer de erst schritt uf d brug gmacht hend, heds i ströme afe regne. Daher simmer pflotschnass z panama acho. Dur de zoll und denn in definitiv weniger luxuriöser bus, defür mit film, igstege.
    Mit dem simmer en stund richtig bocas gfahre und denn mit em speedige speedboot uf d insle gfahre.

    Det mit bit müeh de euses apartment gfunde, de nachtbus uf panama buecht und en tour für de next tag. Debi simmer no vomene taxifahrer abzockt worde.    Weiterlesen

  • Simon KeiserLatin americaReisender
    111

    Bocas del toro

    15. Februar 2020 in Panama ⋅ ⛅ 27 °C

    Am morge am 10i ischs losgange mit eusere böötli tour.

    1. Punkt isch en ort mit delfine gsie. Hend einzelni wenigi gseh.

    2. De simmmer zunere insle gfahre wo en hufe fuultier lebed. Wells jetzt de s gfühlte 50igste fuultier gsie isch, isch das ganze ergendwie nümme so beeidruckend gsie.

    3. Simmer zum resti gfahre zmitz im niergendwo zwüsche all dene insle. Det hemmer es recht türs zmittah chönne uswähle, aber noni esse. Chömed i 3 stund nach em bade/schnorchelstrand weder det hi zum esse.

    4. Simmer zumene klischehafte karibik strand (hellblaus wasser und wiise strand) gfahre. Det hemmer zwoi stund chönne si, chille und schnorchle.
    Die ganz paradisstimmig isch chle trüebt worde, dur das nebe eusem boot no öppe 20 anderi mit öppe 200 touriste gsie sind.
    Mer sind denn bis as endi gange und hend chrebsli beobachtet und gsünneled.

    5. Zrug zum resti euses übertürte mahl go esse. De simmer de plötzli in stress cho. Well die einte dütsche uf de tour gmerkt hend, das jetzt ihres taxi für de nachtbus fahre würd.

    6. Send de recht tiffig zruggfahre, mit emene churze abstecher über d seesterninsle.    Weiterlesen

  • Simon KeiserLatin americaReisender

    Abenteuer busfahrt

    16. Februar 2020 in Panama ⋅ ⛅ 18 °C

    De morge hemmer gmüetlich verbracht. Hend fertig packt und hend de uf de mittag hi s zimmer abgeh.

    Nach dem mer zmittaggesse hend simmer no chle dur d läde gschuened und hend no chle charte gspielt.

    Am 4.45 isch s de losgange mit eusere reis nach panama city. Mit em boot dur unruhigs wasser as festland. Det simmer vomene büsli abgholt worde und zum busterminal bracht worde.

    Det hed de euses chlini abentür agfange. Nach dem mers gepäck us em büsli gholt hend, isch de fahrer zu eus cho und hed gmeint das es kei platz meh im grosse bus (en art car) hed. Sie aber alles organisiered das mer uf panama city chömed.
    Mer hend denn döffe imene andere büsli döffe platz neh.
    Mer drei (dario, manu und ich) hends gschafft je nebe de drü massigste persone en platz z becho. De isch d fahrt los gange, zerst mal uf "david" oder so. Solang mer i einigermasse bewohntem gebiet gsie sind, sind immer weder lüt is halbfahrende büssli ih- und usgatiege.
    Nach ere pause hemmers de gschafft d rückbank z sichere, hend leider immerno eini vo de massigste persone an bord nebe eus gha.
    De isch d fahrt wiiter gange in dunkle. Das ganze dur meh oder weniger suva komformi strasse. Wenns durufgange isch eher langsam, bim durabgah sehr tiffig. Da s büssli usser eus und ere dütsch voll iheimische gsie isch, wo völlig entspannt gschlafe hend, hemmer eus au sehr beruhgt gfühlt.

    Z david acho hed eus de chauffeur zu de kasse begleitet und s geld für de bus geh. Mer hend z vierte s billet glöst und de en stund gwartet bis de bus in grössi vomene car ready gsie isch. A dem terminal isch am abig am elfi immerno hochbetrieb gsie.
    D sitz richtig schön gross und bequem i dem car. Alles top organisiert. Chüehl isch blos de vorname i dem fahrzüg, klimalag isch über die ganz fahrziit uf volle tuure gloffe. Mässig agnehm gsie zum schlafe.
    Sind de am 4.30 z panama city acho, aso ca 1.5h frühner.

    Hen de es uber zum hotel gno. Chöne ichecke und ligged jetzt no en rundi here    Weiterlesen

  • Simon KeiserLatin americaReisender

    Panama city/kanal

    17. Februar 2020 in Panama ⋅ ⛅ 31 °C

    Am morge simmer zumene outlet zenter, da mer no es paar sache für ufs schiff und nachher brucht hend. Aber ussert boxershorts hemmer det nüt gfunde.

    De simmee wiiter zumene andere zenter und chle im mittagsverchehr mit em taxi stecke blube. Bi dere mall hemmer de regejagge, pulli, hose und hemmli kauft.

    Nach em zmittag simmer zum visitorcenter vom panamakanal gfahre und hend det vo de platform obe abe gluegt. Debi hemmer chönne beobachte wie die eher grössere schiff (aso tanker) dure gschleust worde sind. Mit de schleuse hends d höheunterschied vom kanal usgliche.
    Lustig z gseh isch au die zwoit schleuse wiiter obe vom kanal. Es gseht us als wär eifach en riese tanker zmitz im land usse.

    Nach em schiff beobachte simmer no churz durs chline museum ghuscht.

    Bim zrugfahre zum hotel simmer frühner usgstiege und no chle de promenade entlangspaziert. Die stadt hed en sehr beeidruckendi skyline.

    Abig gmüetlich mit esse und packe verbracht. Morn gahts los mit segle.    Weiterlesen

  • Simon KeiserLatin americaReisender
    1

    Start segeltour aka tag 1

    18. Februar 2020 in Panama ⋅ ⛅ 27 °C

    Mit en auto simmer abgholt worde und über autobahn plus schotterstrasse zum speedboat gfahre. Schotterstrasse sind meh oder weniger wie achterbahnfahre gsie. Speedboat isch de nomal ganz en starch holprigi aglegeheit gsi.

    S boot isch grümiger asi denkt han. D crew macht en mega coole idruck.
    De captain isch de mit eusne päss zum zoll.
    Mer hend ipuffed, sind zu de insle nebedrah gschwumme, gschnorchled und zmittag gesse. De choch isch argentinier und hed bi dem begrenzte platz es richtig guets gulasch gmacht. Bim schnorchle hemmer en recht grosse roche und en sternfisch gseh. Leider ischs wetter scho noni top.
    D crew hed bi iheimische auno es paar lobster/hummer gekauft.

    De simmer zu de nexte insle gfahre. Sind das mal mit em boot übere. Uf de Insle es paar fötteli gmacht. Nach dem hed sich d anna (dütschi psychologin) anerbote mit eus en yoga lektion z mache. Sie macht sowieso täglich und isch yoga lehrerin. Recht cool gsie am strand.

    Weder uf em boot hemmers sehr gmüetlich gno. Zum znacht simmer weder zrug uf die insle wo d crew d lobster grilliert hed. Dezue heds herdöpfelstock und salat geh. An aschluss simmer uf d insle nebedrah, wos en bar geh hed.

    I eusere gruppe isch nebe eus drü schwiizer, 2 dütschi, 3 franzose (devo eis älters päärli), es päärli vo wales und es pärli vo holland.
    D crew bestaht us zwoi columbianer und zwoi argentinier.    Weiterlesen

  • 2025© FindPenguins
  • Start
  • Über uns
  • Gruppen-Tracking
  • Presse
  • Nutzungsbedingungen
  • Datenschutz & Cookies
  • Hilfe-Center
  • Impressum