Tetapkan semula carian
Latin america
  • Simon Keiser

Latin america

Start in Samara costa rica Baca lagi
IkutiRingkasanKalendarKongsiKongsiSenarai baldi
Terbaru dahulu
  • Simon KeiserLatin americaPengembara

    Segeltour tag 2

    19 Februari 2020, Panama ⋅ ⛅ 27 °C

    Guet gschlafe, de ankerplatz isch schön ruhig gsie.
    Zmorge heda rüehrei, toast unf frücht geh. Eini vo de beste ananas gsie woni bis jetzt gha han.

    Churz en schwumm gnacht zum verwache. De ischs losgange mit segle zu de nächste insle. Debi hani de fehler gmacht dasi debi glese han. De isch mer ned grad schlecht worde, aber au ned grad wohl gsie.

    Bi de insle heds recht extrem strömig gha drum simmer mit em chline böötli gange. Det chli umegloffe und gschnorchled/gschwumme. Isch en schöni karibik insel gsie.

    Zum zmittag heds pasta mit bolognes geh. Während em mittagsschlöffli ischs de zu fr nächste insle gange.
    Det simmer weder übergschwumme, scho biz is kämpfe cho. De simmer um d insle gloffe und hend kokosnüss gsammled.
    De simmer zrug zum schiff mit em böötli. Denn han ich und de dario de captain begleitet zum fische. Hed einigi fisch zum znacht usezoge.

    Biz charte gspielt, netflix und gschnorres bis de leckeri fisch zum znacht geh hed. Aschlüssend simmer uf d insle wos es grosses füür gmacht hend. So isch de tag gmüetlich z end gange.    Baca lagi

    Lihat terjemahan
  • Simon KeiserLatin americaPengembara

    Segeltour tag 3

    20 Februari 2020, Panama ⋅ ⛅ 26 °C

    Weder en gueti nacht gha. Hed e chli meh gschaukled da de wind zuegno hed.

    Nach em leckere zmorge mit rührei, schinke, toast, chäs und frücht hed de captain gseid das mer da bi dere insle blibed. De grund isch das sie da no guete empfang hend und so s wetter chönd chegge für d überfahrt. Momentan gsehts no recht stürmisch us. Usserden hends müsse de anker flicke well eis seil grisse hed.
    Die einte sind denn weder zu de insle. Ich hans mer uf em boot gmüetlich gmacht und ben zwüschedure is meer ghüpft.

    Nach em mittagesse simmer zu de nächste insle. Det wot de captain luege wie d welle usgsehnd da nachher s offne meer afaht. Bini scho biz nervös worde.
    Denn plötzlich isch de eint vo de crew cho und hed gseid das mer jetzt zrug uf panama gönd. De transmission vo motor isch kaputz gange. Sie organisiert alles das mer uf kolumbie flüge chönd.

    Vellecht au gaf guet gsie. D welle sind immerno riesig gsie anschienend und mit em maste hed öppis au ned zu hundertprozent gstumme.
    Mer hend de agfange zrug richtig küste vo panama z segle. Gad chle abentür.

    Bim zrugfahrer hed sich den de bsitzer vom boot gmeldet. Er wür eus 100$ geh und de transport nach panama city organisiere. Das isch eus chle zwenig gsie und mer sind all zämeghocked zum überlegge was mer wend mache. Mer hend denn bluesailing gschriebe und gseid mer wend 300$ plus de transport. Das hed de captain au so am bsitzer gseid. Hed de chli diskusione gehs, am schluss hemmer eus geinigt das mer 250$ bechömed und de transport uf panama organisiert isch. De bsitzer vom boot hed recht dumm tah und de crew hed recht angst gha das sie jetzt kei lohn meh bechömed.

    Han no länger mit em marty (crewmitglied us argentinie) gredet, de chan recht guet englisch. Sehr interessant gsie was er so macht und so gmacht hed.    Baca lagi

    Lihat terjemahan
  • Simon KeiserLatin americaPengembara

    Segeltour tag 4 back to panama city

    21 Februari 2020, Panama ⋅ ⛅ 26 °C

    Recht guet gschlafe obwohls nomal so windig gsie isch.

    Am morge heds cornflakes und frücht geh. De no churz is wasser ghüpft. Denn packt so das mer ready sind für d überfahrt.

    Sind de mit em speedboot abgholt worde und zäme mit em captain as festland gfahre. Det hend d fahre uf eus gwartet. Mer hend weder de glich fahrer verwütsch wie bi de hifahrt. Und de ischs losgange mit de achterbahnfahrt dur de jungel richtig hauptstrass. Mer sind z sibte im auto gsie, all is gliche hostel wo die einte gschafft hend vom boot us z bueche.

    In panama hend denn all autos wo eus bim hafe abgholt hend bi eim hostel ghalte und mer sind weder all zäme imene büsli ghocked wo eus uf d hostel verteilt. Euses hostel isch as letscht drah cho. Dank em carneval wo hüt in panama city stattfindet isch es riese verchehrschaos gsie uf em weg zum hostel.    Baca lagi

    Lihat terjemahan
  • Simon KeiserLatin americaPengembara

    Panama city

    22 Februari 2020, Panama ⋅ ⛅ 31 °C

    Gege de mittag simmer uf de hügel neb em hostel gloffe. Recht warm gsie, de weg hed sich jedoch super glohnt. Hend dobe en super ussicht über d stadt und de panamakanal gha.

    Zäme zmittag gesse im hostel und denn hed sich de mr. Dario nach kolunbie verabschiedet. Somit sind nur no ich und de manu vo de ursprüngliche gruppe übrig.

    Gmüetliche nomi gha, gege abig simmer den an carneval de panama gange. D hauptstrass am meer isch gsperrt und es isch es riese fest mit parade.
    Ich han no nie so vell poliziste und militär gseh wie a dem fest. Bim igang bisch vo obe bis und kontrolliert worde und ohni pass bisch gar ned ine cho.
    Extrem vell foodständ gha wo mer chle sache probiert hend. De schluss vo de parade gluegt und de de konzert uf de zwoi grosse bühnene. Sehr en cooli stimmig gsie.

    Am aschluss simmer nomal uf en rooftopbar und de mit uber zrug zum hostel.    Baca lagi

    Lihat terjemahan
  • Simon KeiserLatin americaPengembara

    Panama city

    28 Februari 2020, Panama ⋅ ⛅ 26 °C

    Die letschte paar täg i panama city verbracht.

    Debi hani die schön altstadt erkundet und eifach chle d ziit gnosse.
    Zu de zwoi chline inseli vor panama city simmer au no gange und a dem tag woni elleige gsie ben hani no s museum erkundet.
    Well mini haar chle lang worde sind han ich mer no en neue haarschnitt gönnt.

    S stadt isch wüki sehr agnehm. D altstadt extrem schön und d skyline sehe beeidruckend. Hed en huffe gueti restaurant, isch leider eifach velles eher sehr tüür.

    Horrorstory: am abig, uf em dunkle weg zum hostel isch mer plötzlich en dunkel agleite döff fahrere entgege cho. Scho biz unheimlich gsie, da de weg zum hostel recht nebedusse gsie isch. De halted de cheib zwoi meter vor mer am strasserand ah und zieht en revolver us de hosetäsche. Isch mer mal churz s herz id hose grutscht. Er nimmt sin revolver und steckt en sich i sini brusttäsche. I dem moment merki das en polizist isch. Jetzt isch dem cheib bim töfffahre die waffe fast us de hose gheit und er hed sie mal churz anderst müsse versorge. Er hed den min blick gseh, hed afe lache, sich entschuldigt und isch den wiitergfahre. Ich ben de mit chlopfendem herz heigloffe.

    Jetzt beni uf em weg an flughafe und flüge nach bogota.
    Und morn chund endlich Nina 😍    Baca lagi

    Lihat terjemahan
  • Simon KeiserLatin americaPengembara

    Hello colombia

    28 Februari 2020, Colombia ⋅ 🌧 13 °C

    En ruhige und agnehme flug nach bogota gha. Hed chle vell lüt mit mundschütz umegha.

    Z bogota hends eifach kontrolliert öb mer us asiatische länder oder italie chund. Ben ja zum glück die letschte paar täg ned gsie.

    Han den s taxi zum hotel gno. Leider gids das hotel wo mer buecht hend sit emene jahr nümme. Das isch jetzt es selina hostel. Zum glück hends mini buechig glich becho und han i mis zimmer chönne. Isch eifach im erste moment chle komisch gsie wenn de taxifahrer halte und seid mer sind da, es aber völlig es anders hotel isch.    Baca lagi

    Lihat terjemahan
  • Simon KeiserLatin americaPengembara

    Bogotá

    3 Mac 2020, Colombia ⋅ 🌧 14 °C

    Nach dem d nina leider ohni gepäck acho isch, simmer 3 täg z bogota underwegs gsie.

    Mer sind de alti teil vo de stadt go aluege und hend det en führig gmacht. Sind is gold museum die kunstwerk go bestuhne. Immer weder sehr fein gesse und neus usprobiert. Bi de chile uf em berg uf 3100 meter über meer d ussicht über d stadt gnosse.
    D stadt selber isch uf 2600 meter über meer, merkt mer scho biz bim stegelaufe. Vorallem da ich die letschte wuche am meer verbracht hed.
    D stadt selber hed 7.4 millione iwohner und erstreckt sich über en riese flächi.

    Super isch au gsie, das mer d valeria troffe hend. Das isch en kolumbianerin wo ich dazumal in australie zäme i de englisch schuel gsie ben. De dario isch denn au no churz verbi cho.

    Morn gahts wiiter uf cartagena. Weder chle meh wärmi und meer.    Baca lagi

    Lihat terjemahan
  • Simon KeiserLatin americaPengembara
    1

    Cartagena

    4 Mac 2020, Colombia ⋅ ⛅ 27 °C

    Mit biz verspötig simmer vo bogotá nach cartagena gfloge. De flug isch ruhig gsie und mer sind mit nur no minimer verspötig acho. Mit em taxi dur stau zu eusem hostel gfahre.

    Mer hend eus bim bueche für richtigi spaarfüchs ghalte. Jetzt hemmer es 2.30m uf 2.5m chammerli mit emene 1.4m bett. Natürli mit emene enge eigene bad. S ganze isch suber und agnehm, halt eifach recht eng.

    Nach em iquartiere simmer richtig meer gloffe und d nina isch no chorz is wasser ghüpft.
    Aschlüssend simmer dur d altstadt gschlenderet und go poste. Für morn hemmer en tour buecht mit schnorchle und emene schöne karibische strand.    Baca lagi

    Lihat terjemahan
  • Simon KeiserLatin americaPengembara

    Playa blanca und so

    5 Mac 2020, Colombia ⋅ 🌙 25 °C

    Am morge simmer vomene bus abgholt worde und zum playa blanca gfahre. Wärend de fahrt hed
    de guid eus e hufe sache verzellt. De cheib hed aber so schnell spanisch gschnorred das mer nur s nötigste verstande hend. Er isch de no zu eus cho und hed alles uf englisch verzellt.

    Am strand zerst ligistühl und sunneschirm gmietet. Richtig schöne strand mit wiisem sand und blauem wasser gsie.
    Vo det us simmer de mit emene speedboot zunere insle gfahre wo mer sind go schnorchle.
    Mer hend es paar schöni fisch gseh, leider hed s riff recht mitgno und teilwiis abgstorbe usgseh.
    Bim schnorchle isch öpper vo eus zwoi no vo chline fischli bisse worde, ich bens ned gsie....

    De zrug zum strand, det heds es leckers zmittag geh. Hend eusi skills im frittierte fisch usenand neh chönne üebe. Aschlüssend hemmer de strand gnosse.
    Zrug i de stadt hemmer alles organisiert für de nächsti tag und sind go leckeri selbergmachti pasta esse. Nachher dur d stadt gschländered und mojito trunke.    Baca lagi

    Lihat terjemahan
  • Simon KeiserLatin americaPengembara

    Cartagena to santa marta

    6 Mac 2020, Colombia ⋅ ☀️ 30 °C

    Am morge us eusem zimmerli und s gepäck bimene andere hostel deponiert wo mer am abig de bus nimmed.

    Mer sind denn uf en free walking tour dur d altstadt. Üse guide hed vell über d gschicht vo dem ort verzellt und ganz e hufe verschiedeni plätzli zeigt.
    Entdeckt hemmer au no de typ mit de längste rastas, er hed sie müsse in hosesack neh dass ned a bode cho sind.
    Aschlüssend simmer fein go esse imene chline resti.
    Am nomittag simmer nomal selber chle umeghühnered

    Vom hostel wo mer s gepäck deponiert hend simmer vom bus abgholt worde und hend eus uf de weg nach santa marta gmacht.

    Nachere agnehme busfahrt mit filmli luege simmer z santa marta acho. D fahrt isch trotz klima ned mal so chalt gsie. Üses neue zimmer isch noni riesig aber um einiges grösser. Mit klima und tv isch sogar vorhanden.    Baca lagi

    Lihat terjemahan
  • Simon KeiserLatin americaPengembara

    Tayrona NP

    7 Mac 2020, Colombia ⋅ ⛅ 26 °C

    Am morge hemmer eus uf de weg gmacht zum markt. Det fahrt de bus in tayrona national park.
    Uf wm weg dur d gasse vo dere stadt hemmer zmorge gesse und en tour uf minca für se nächst tag buecht.

    Bim märt simmer no churz go poste und denn uf de bus. Bim märt rundume heds nur iheimischi gha und es isch mega chaos gsie. Sehr interessant zum beobachte.
    De bus isch tiffig aber agnehm zum parkigang gfahre. Während de fahrt sine ohni halte immer weder lüt i und usgstiege.

    Bim park hemmer denn en versicherig müsse abschlüsse und s billet chaufe. Mer sind denn vom igang us gloffe. Hend kei shuttel gno. So nachere 1h simmer i de erste bucht gsie. Det heds au gad no en campingplatz. Sind fast ellei det gsie, well d shuttel vell wiiter fahred. Det hemmer de strand gnosse und sind uf d felse klettered.

    Wiiter ischs gange zum nächste strand es biz nach em punkt wo d shuttel aghalte hend. Wirklich schöni karibik stränd. Bin letschte hemmer denn endlich chönne go bade. Aber au nur imene eggeli vom strand, hinder de felse. Hed da extrem strömi gha.

    Zwüsche de stränd simmer immer weder dur de wald gloffe. Extrem grossi und beidruckendi bäum. Leider ned so vell tierli gseh ussert dene 7 millione eidechsli am wegrand

    Mit em shuttel simmer de zrug an igang und de mit em bus uf santa marta. Det bim markt a de foodständ zwüsche verpflegt

    Im hotel hemmer den alles organisiert das mer am nächste tag nach minca uf medellin chömed.
    Ich ben ned so z schlag cho mit dene dumme apps und de fluggsellschaft. Hani grad chle nerve brucht.    Baca lagi

    Lihat terjemahan
  • Simon KeiserLatin americaPengembara

    Minca

    8 Mac 2020, Colombia ⋅ ⛅ 25 °C

    Am morge simmer langsam ufgstande und hends sehr gmüetlich gno. Sind de plötzli in stress cho well mer ned überleid gha hend das mer s zimmer münd abgeh und all euses zeugs no münd packe.

    Hends natürli wie mir schwiizer sind, mit biz vorwärtsmache pünktlich zum treffpunkt vo de tour nach minca gschafft. Leider ohni kaffi und öppis zmorge. Kaffi hemmer denn bimene strasseverchäufer ergattered und ich han no en proteinrigel gha wo mer eus teilt hend. Mer hend denn wie in latinamerika üblich einigi minute gwartet bis mer abgholt worde sind.

    Mitemene taxi simmer id usläuf vo de sierra nevada nach minca gfahre. Det hemmer denn weder es paar minüteli imene kaffi gwartet das eusi tour afaht.
    Met zwoi junge aber sehr guete guids hemmer eus denn uf de weg gmacht.
    Sind öppe en stund dur d wälder gloffe, flüss überquert und sind denn uf ere chline kaffifarm glandet. Det hemmer kaffi probiert und agluegt wie das ganze ablauft. Vo det us simmer weder es wiili dur d wildniss gloffe und d chlettered. Langsam hed de hunger weder igsetzt und mer hend eus mit suure haribo würmli bi de stange ghalte. De nächsti stopp isch de en verhältnissmässig chline wasserfall gsie wo mer chle umeklättered und bädeled hend. Sehr amusant isch gsie zum luege wie d amis (vo new york city) umeklettered sind. Hed recht guet gmerkt das i de stadt ufgwachse sind...

    Aschlüssend hemmer eus uf de weg zum zmittag gmacht. Üss sind debi üsi würmli usgange. Bi de letschte fluss überquerig über d stei, isch zum zwoite mal öpper is wasser gheit. Debi hed sie sich s chnü verletzt. Sie isch denn vomene töfftaxi abholt worde und zum zmittag bracht worde. Mir sind gloffe.

    S zmittag isch sehr guet und gross gsie, genau das wo mer brucht hend. Im aschluss heds en präsentation von chef über kolumbie geh. Denn en präsentation über de iheimisch bambus, stabiler und biegsamer als stahl. S ganze hed gendet mit erklärig und em probiere vo cacao.

    Mer sind denn zrug zum hotel düsed. Hend debi es super gspröch mit emene ältere päärli us uruguay vo de tour gha. Im hotel churz packt und los zum flughafe für de flug uf medellin.    Baca lagi

    Lihat terjemahan
  • Simon KeiserLatin americaPengembara

    Medellín: Graffiti und de pablo

    9 Mac 2020, Colombia ⋅ 🌧 18 °C

    Am morge simmer ane graffiti tour i de comuna 13. Das isch mal eis vo de ärmste und gwalttägiste viertel gsie in medellín. Isch idrücklich gsie, vorallem d gschichte wo de jungi iheimish guid verzellt hed. Er hed de ganz umschwung mit erlebt und eus zu sinere grosmuetter mit hei gno. Sie isch recht am afang, illegal i die siidlig cho.

    Nach de tour simmer bim hotel go zmittag esse und den hemmer en pablo escobar tour gmacht. Hend einigi plätz besichtigt wo im zämehang mit im stönd. Unter anderem sis grab und de ort wo er erschosse worde isch. Mer hend ned so en guete guid gha. Er hed eus einges verzellt, aber es hätti sicher no meh zum verzelle geh.

    Am abig hemmer mal wege lustig uber eat usprobiert und die nächste schritt vo de reis planed.    Baca lagi

    Lihat terjemahan
  • Simon KeiserLatin americaPengembara
    11

    Peñón de guatapé

    10 Mac 2020, Colombia ⋅ ☁️ 22 °C

    Am morge uf und neb em hotel was zmorge gholt. De mit em uber zum treffpubkt für d tour nach guatapé gfahre.

    De ischs los gange. Mer hend de best guid troffe wo ich bis jetzt gha han. Jung, motiviert, vell wüsse und sehr lustig.
    Mit em car simmer de richtig emene alte dörfli gfahre, uf em weg heds es zmorge binere raststette geh.
    Im dörfli heds en churzi walking tour und es gratis museum zum aluege geh. Nach es biz freiziit is denn wiiter zum peñón de guatapé gange. De fels wo zmitz im nüt staht. Er ghöt anere familie wo das ganze kontrolliert und für alles geld verlanged.

    De ufstieg isch mit über 700 stägetritt recht astrengend gsie. Trotz em dunstige wetter isch d ussicht atemberaubend gsie.

    Aschlüssend simmer de uf guatapé gfahre und hend det es typischs zmittag für die gegend becho. Mega gross und mega fein gsie.

    Denn heds weder en walking tour geh. Guatapé zellt zu de farbigste städt uf de welt. Sehr gmüetlich gsie. Nach es biz freiziit ischs weder zrug nach medellín gange. Det simmer direkt vom car us go poste, das mer ready sind für die nächsti tour.    Baca lagi

    Lihat terjemahan
  • Simon KeiserLatin americaPengembara

    Leticia, amazonas

    11 Mac 2020, Colombia ⋅ ⛅ 29 °C

    Am morge simmer bi ziit uf und mit emene uber zum flughafe düsed. Debi simmer dur de längsti tunnel vo südamerika gfahre.

    Vo medellín simmer nach bogota gfloge. Det mit es biz stress was z esse gholt und in flüger nach leticia ghüpft.

    Bim aflug uf leticia hed mer chönne gseh wie gross das waldgebiet und de fluss wüki isch. Mer heds aber trotzdem ned wüki chönne begriffe.

    I eusem schöne apartment hemmers eus gmüetlich gmacht. Sind nomal chorz go poste und hend eus den uf euse 3 tagestrip in amazonas vorbereitet. S wetter isch gad weder chle en umstellig gsie. Da ischs halt weder richtig heiss und tüppig.    Baca lagi

  • Simon KeiserLatin americaPengembara

    Jungel 1, puerto nariño

    12 Mac 2020, Colombia ⋅ 🌧 30 °C

    Am morge simmer vom gliche taxifahrer wie vom flughafe abgholt worde. Mer sind direkt in es kaffi go zmorge neh. Vo det us simmerb am hafe und hend es speedboot gno uf puerto nariño. Nach mehrere hält und mehrere powenaps simmer öppe nach 1.5h acho.

    Det simmer vo eusem guid, em jonny abgholt worde. De simmer zerst mal is hotel go d sache deponiere und is büro vo de agentur go zahle. Det hemmer au gad no d gummi stiefel becho. Vo det us simmer de in es museum und de go zmittagesse.

    Nach em zmittag hemmer gummistiefel agleid und sine in wald. De jungel isch mega beeidruckend, aber warm und füecht. Eus isch de schweiss nur no abgeloffe. Mer hend defür affe, vögel, frösch und tarantulas. Am meiste freud hed euse guid bim einte vogel gha, em amazonas truthahn gha.
    Wo mer us em wald usecho sind simmer ufere farm gsie. Det simmer en kaiman go füettere und hend de grössti fisch vom amazonas beobachtet.
    Schildchröttli hend i dem seeli ned döffe fehle.
    D chef vo de farm hed eus de no voller stolz d schlange zeigt wos gfange hend und jetzt es grosses teraium am baue sind. D schlange isch bi ihrne hüser ume gschliche und de hends gfunde das es sie bhalted.

    Churz zrug is hotel und de simmer scho uf d nachttour. Isch recht unheimlich gsie. Euse guid hed eus weder mega vell verzellt und zeigt, genau wie uf de tour am nomi. Mer hend skorpion, insekte, tarantulas, frösch und jäger gseh.
    Im aschluss simmer go znacht esse und jetzt mal is bett.    Baca lagi

    Lihat terjemahan
  • Simon KeiserLatin americaPengembara

    Jungel 2, santa clara

    13 Mac 2020, Colombia ⋅ ☁️ 24 °C

    Am morge simmer ufgstande und zum resti go zmorge esse. Leckers rührei mit tomate, arepa, frücht und emene brötli heds geh.
    Vo det us simmer dem zum hafe abe und hend es boot mit em guid gno. Ich und d nina hend euses könne de mit emene traditionelle kanu unter bewiis gstellt. Sind ned emel kenteret.
    Nachher simmer mit em motoboot es biz gfahre und imene siite arm vom einte hauptfloss go bade. Recht unheimlich gsie, da s wasser extrem dunkel isch. Nach em bade simmer vo es paar rosa delfin überrascht worde. Sie sind immer weder nebe eus uftaucht.

    Zmittag heds weder im resti geh. De heds es chlises powernap und en duschi geh. De simmer mit em boot zumene chline dörfli vo iheimische gfahre, santa clara. Es ghört zum tycuna stamm Det heds en jungelführig mit de erklärig vo e hufe pflatze geh. Das ganze mit tarzanhaftem lianeschwinge. Zum abschluss hemmer no made probiert.

    Mit de restliche made simmer de ine naheglägne fluss abschnitt go piranhia fische.
    Zerst hemmer mit de made d köder für piranhia gfisched und denn die im wasser tünkled. Mer hend am schluss 8 fisch zum fritiere gha.

    Zum znacht heds unteranderem die piranhias geh bi de iheimische. Nach dem simmer den go kaimane sueche. I de nacht im dunkle simmer uf em fluss umedüsed und hend nach de auge im taschelampeliecht gsuecht. Hend mehreri gfunde und im dunkle chönne beobachte. Uf em rückweg hemmer no en schlange i de bäum gseh.
    Zrug im iheimische dörfli simmer de gli mal under eusi muggenetzt go pfuse.    Baca lagi

    Lihat terjemahan
  • Simon KeiserLatin americaPengembara

    Jungel 3, back to leticia

    14 Mac 2020, Colombia ⋅ ⛅ 31 °C

    Nachere ruhige nacht under em mugenetz hani en duschi gno. De simmer all zäme go zmorge neh. Vo dem chline dörfli mit öppe 50 lüt simmer de weder zrug uf puerto nariño gfahre.

    Vo det us simmer de go fuultier aluege, zu de iguanas gfahre und denn bim delfin beobachte nomal is wasser ghüpft.

    In puerto nariño heds de zmittag geh und mer sind no ines hostel i de nöchi mitemene halb zahme äffli go fötteli mache.

    Nach dem isch euses jungelabentür leider scho weder verbi gsie und mer sind zrug uf leticia.    Baca lagi

    Lihat terjemahan
  • Simon KeiserLatin americaPengembara

    Leticia -> bogota -> home

    17 Mac 2020, Sepanyol ⋅ ☁️ 13 °C

    Mer sind z leticia am hafe weder vo eusem taxifahrer angholt worde und zu eusem hotel bracht worde.
    Wo mer endlich weder internet gha hend, hemmer ganz e hufe nachrichte vo anderne becho wo au am reise sind.
    Überall hends afe grenze schlüsse und d lüt sind nümme wiiter cho. D grenze zu ecuador, eusem nächste ziel isch zue gsie. Mer hend eus denn dezue entschiede nach bogota z gah, well mer det meh optione und bessers wlan hend. Flug bueched und öppe go schlafe.

    Am nächste tag simmer de uf bogota gfloge und is hotel a einere vo de hauptstrasse. Die strass isch im verglich zum letschte mal extrem leer gsie. Mit em bessere wlan hemmer eus über d situation ins latinamerika informiert und eusi optione abgwoge. Mer hend eus schlussendli schwerem herzns entschiede eusi reis abzbreche.
    Mit hilf vo tui hemmer den en rückflug chönne organisiere am nächste tag.
    Znacht hemmer chlr müeh gha zgfinde, well i de umgäbig alles zue gsie isch. Nebem esse hemmers eus im 4stern hotelzimmer gmüetlich gmacht.

    Am nächste morge hemmer den s zimmer nur zum esse verlah und schlussendlich zum an flughafe z gah.

    Vo bogota ischs de uf barcelona gange.    Baca lagi

    Lihat terjemahan
  • Tamat perjalanan
    17 Mac 2020
  • 2025© FindPenguins
  • Utama
  • Mengenai kami
  • Penjejakan kumpulan
  • Akhbar
  • Terma
  • Privasi & Cookies
  • Pusat Bantuan
  • Cetakan