Reset search
Norwegen
  • Simon Keiser
  • Nina Achermann
  • Simon Keiser
  • Nina Achermann

Norwegen

A 27-day adventure by Simon & Nina Read more
FollowInsightsInsightsCalendarCalendarPhotosPhotosShareShareBucket list
Newest first
  • Trip start
    May 17, 2025
    Norwegen

    Fughafen Zürich

    May 17 in Switzerland ⋅ ☀️ 9 °C

    Am Vorabig hemmer no fertig packt und sind denn mit Vorfreud is Bett. Nachere zügige Fahrt an Flughafe simmer zu de Gepäckufgab. Leider heds euses Zuesatz-/Sportgepäck nümme uf eusne Tickets azeigt. Es hed denn neu und türer dezue buecht werde müsse. Am Ticketshop wo mer hätted müsse zahle, hend eus dank de vorhandene Email-Bestätigung en Rappat geh. Well s Zahligssystem ned richtig funktioniert hed hemmer den au nur s Gepäck für de Rückflug müsse/chönne zahle. Nochher ischs ohni astah dur Sicherheitskontrolle bis is Flugi gange.Read more

    See translation
  • Norwegen
    1

    Hamburg

    May 17 in Germany ⋅ ☁️ 13 °C

    De Flug isch schnel dure gange. Hend beid en Rundi pfused, das i de Nacht ja ned ganz so vell Schlaf geh hed.
    Mit em Taxi simmer zu de Roadsurf Vermietig und hend euses Büssli abgholt.
    Nach de Übergab simmer losdüsed und hend eus zerst mal es schnells Zmittag gholt. Aschlüssend ischs losgange mit de Fahrt richtig Norde. In Schlesswig hemmer euse stopp gmacht und sind de Grundstock go ichaufe. Spannend gsie was mer da alles i dem EDEKA gfunde hend. Denn ischs wiiter gange bis uf Dänemark. In Dänemark hemmer gesse und sind denn wiiter Richtig Camping.Read more

    See translation
  • Norwegen
    11

    Børsmose Camping

    May 17 in Denmark ⋅ 🌙 13 °C

    Uf em weg zum Camping simmer dur Militärtrainings gländ. Nebe Mensche in Tarnazüg hemmer doch no es paar Tier gseh. Hirsche, Fasane und en riese Has.
    De Camping isch zwüsche de Düne bim Wattmeer. Perfekt uf de Sunne undergang simmer acho.
    Nach em Büssli irume simmer go pfuse. Am morge bi schönstem Wetter simmer ufgstande und hend ZmiZmörgeled.    Read more

    See translation
  • Norwegen
    1

    Skodbjerge Nordsee

    May 18 in Denmark ⋅ ☀️ 16 °C

    Nach dem usgibige Zmorge hemmer eus en Überland-Strecki mit Maps.me zämegstellt. Bimene Zwüschestop hemmer em mystisch Stei entdeckt. Dur bewaldeti Strasse simmer wiiter de Küste druf. Bimenere einsamere Strand hemmer parkiert und sind chle verchrampft i die iischalt nordsee go bade.Read more

    See translation
  • Norwegen
    1

    Havens Røgeri

    May 18 in Denmark ⋅ ☀️ 16 °C

    Wo mer go Znacht poste sind hemmer eus no en Imbiss gnehmigt bi de Havens Røgeri in Hvide Sande. Zwei Fischbrötli spöter simmer weder wiiter. Im Büsli isch de au no en Waffle mitgfahre.

    See translation
  • Norwegen
    1
    1

    Camping Hirtshals

    May 18 in Denmark ⋅ ☁️ 13 °C

    Das mer am nächste Morge uf d Fähri uf Norwege chönd, simmer bis uf Hirtshals gfahre. 10 Minute nebem Hafe simmer det uf en Campingplatz. Nüt speziells aber en schöne Sunneundergang heds weder geh. Köcherled hemmer natürli au no.Read more

    See translation
  • Norwegen
    1

    Schwimme i de erste Bucht

    May 19 in Norway ⋅ ☀️ 18 °C

    Dur Strasse wie i de Schwiizer Berge simmer vo Kristiansand weg gfahre. Inere Bucht hemmer aghalte und hend welle go bade. Für d Nina heds am Afang chle vell Seegras gha. Mer hend denn länger mit emene Iheimische geredet wo eus denn no es bessers Badeplätzli uf de andere Site vo de Strass zeigt hed.Read more

    See translation
  • Norwegen
    1

    Hidra - Kirkehamn Camping

    May 19 in Norway ⋅ ☀️ 17 °C

    Dur Tunnel, über Bruge und kurvigi Strasse isch es wiiter gange. Schlussendli simmer Dank de Helena und am Ernesto ihrem Tip simmer mit ere chline Fähri uf d Insle Hidra. Det simmer zum Hafe Campingplatz. Verwached simmer weder bi schönsten Sunneschin. Bim Zmorge ischs denn Richtig mystisch worde mit em Nebel.Read more

    See translation
  • Norwegen
    1

    Hidra - Militär Festung

    May 20 in Norway ⋅ ☀️ 16 °C

    Nach em Zmorge hemmer eus parat gmacht um zum Ussichtspunkt z laufe.
    Es isch en rechte Stutz duruf gange. Uf de Höchi acho, wos am Grat entlang zum Ussichtdpunkt gaht, heds en alti Militärfestig. Sie isch vom 2. Weltchrieg und isch vo de Dütsche gnutz worde. Höhlene, Stolle, zrugbauti Gebäude und en Kommandoposte hed mer chönne aluege. Dur alles dure sind Schaff und Lämmli gsprunge.Read more

    See translation
  • Norwegen
    1211

    Hidra - Aussichtspunkt Kirkehamn

    May 20 in Norway ⋅ ☀️ 17 °C

    Uf em weg zur Festig hemmer scho en supper Ussicht gha. Es paar Hüttli heds au gha wo mer übernachte hetti chönne.
    Vo de Festig ischs am Grat entlang zum Ussichtspunkt mit Beobachtigsposte gange. Vo det us hed mer en wunderbare rundum Blick gha. Biz Pause, en Snack und de hemmer eus uf de Rückweg gmacht.Read more

    See translation
  • Norwegen
    21

    Oltedalsvatnet

    May 20 in Norway ⋅ ☀️ 15 °C

    Nach de Fähri simmer Richtig Preikestolen gfahre. Det würed mer, wenns Wetter nomal so guet isch Morn en Wanderig mache. Uf em Weg simmer weder a beeidruckender Landschaft verbicho. Es Highlight au de Nina ihres Outfit gsie. Nachemene churze Ikaufsstop hemmer es schöns Plätzli gfunde. Det hemmer no es paar Typs vo iheimische becho für Sehenswürdigkeite.
    Nach em Znacht hemmer d Fischerruete no uspackt. Und euses Glück im Stausee probiert. Leider ohni Erfolg.    Read more

    See translation
  • Norwegen
    22

    Lysefjord

    May 21 in Norway ⋅ ☀️ 12 °C

    Nach de erst Nacht Wildcampiere heds zum Zmorge es feins Poridge mit Beeri geh und hend eus de no Brote gschmiered für de spöteri Usfluug.
    Den simmer losgfahre Richtig Preikestolen Parkplatz. Uf em Weg hemmer weder en chlini Fähri gno. D Wartezit isch vo gwüssne lüüt mit bizli Yoga überbrückt wurde. Uf de Fähri isches sogar biz Eng worde, da no en Lastwage sich sehr passend iezirklet hed...milimeterarbet. Vo de Fähri us isch es den am Lysefjord entlang wiiter gange.Read more

    See translation
  • Norwegen
    1111

    Preikestolen

    May 21 in Norway ⋅ 🌬 10 °C

    Vom Parkplatz us ischs den stetig duruf gange. Es hed Lüt gha, aber nüt im Verglich mit dem wo mer uf de Fottene vo de Hauptsaison gseh hed.
    Mit de ziit hend sich Astieg mit flächer Flächene abgwechslet. De Usblick isch uf em Weg scho genial gsie, aber ned z vergliche was mer oberhalb vom Fjord z gsicht becho hed. Idrücklich und au biz beängstigend. Mer hend es paar Fottis gmacht und lah mache lah, eusi Sandwich zum Zmittag gesse und hend eus den uf de Rückweg gmacht. Mer hend die ganz Wanderig sehr gmüetlich gno, trotzdem gege Endi eusi Bei langsam immer meh gmerkt. S Wetter isch wechselhaft gsie. De Wind hed gege Endi dütlich zuegno und üs um d'Ohre blased.Read more

    See translation
  • Norwegen
    111

    Tysdale Camping

    May 21 in Norway ⋅ 🌬 8 °C

    De Wind isch immer meh worde und sött morn au wenn nümme ganz so starch no wiiter sis unwäse triebe. Mit 23+km/h heds eus entgege blased. Drum hemmer eusi Plän für en Fjord erkundig mit em Schiff für de nächst Tag mal uf Iis gleid. Mer hend den en mega schöne Camping gfunde. De Wind isch au da sehr starch gsie. Abgrunded hemmer de Tag mit emene fein köcherlete Butter Chicken Curry und ere erholsame warme Duschii.
    Zmörgeled hemmer ohni Wind und bi schönstem Sunneschin.    Read more

    See translation
  • Norwegen
    11

    Driving Norway

    May 22 in Norway ⋅ ☁️ 11 °C

    Vom Camping us simmer nach em Zmorge los. En churze abstecher uf en chlini Insle spöter simmer weder mal uf en Fähri. Das mal mit Selbstbedienigskiosk. De simmer chle unschlüssig gsie wo mer würki gnau dure wend. Bi de einte Wanderige wo mer eigentli vorgha hätted z mache hemmer usegfunde das es no Schnee chan ha und mer drum ned chan gah. Mer hend eus den en Weg und es paar Pünkt zum aluege usegsuecht gha. Dur Tunnel, über Päss und kurvigi Strasse ischs wiiter gange. Zmittag hemmer bimene Wintersportort gesse und hend nochher en churze Spaziergang gmacht.Read more

    See translation
  • Norwegen
    1

    Flesefossen

    May 22 in Norway ⋅ ⛅ 5 °C

    Bim erste Wasserfall Flesefossen heds bim herefahre ea biz gregelet gha. Chum simmer det gsie, isch Wolkedecki genau überem Wasserfall ufgrisse und d Sunne isch fürecho. Fast chle magisch gsie.

    See translation
  • Norwegen

    Røldal

    May 22 in Norway ⋅ ⛅ 4 °C

    Røldal isch en Ski-Ort uf knapp 800 Meter über Meer. Det hemmer eigentlich vorgha z übernachte. De Wetterbricht hed jedoch für d Nacht knapp -4 Grad azeigt. Mer hend ned umbedingt eusi Heizig welle bruche und hend eus drum entschiede no chle wiiter z gah. Über Tunnel ischs no es Stuck witer ufe uf de Pass gange wos den Schnee gha hed. Es polnischs Päärli hed eus de no verzellt, dass sie grad ihri Wanderig hüt hend müsse abbreche well sie chnü tüf no Schnee atroffe hend.Read more

    See translation
  • Norwegen
    1
    121

    Camping Sunndal

    May 22 in Norway ⋅ ☀️ 6 °C

    Zum Znacht hed d Nina es Menu zaubered wo sie früehner scho immer mal weder bim campiere vo ihrem Mami serviert hed becho. Noch em Abwasch hemmer eus nomal as Fische here gwagt. D Nina isch nachemene Ziitli go lese. Gad am Schluss hed de Simon de doch no was drah gha. En schöbe Atlantische Kabeljau oder Dorsch. Zmorge weder bi schönstem Sunneschin. Bis jetzt hemmer richtigs Wetterglück, holz alangeRead more

    See translation
  • Norwegen
    1
    12

    See Bondhusvatnet

    May 23 in Norway ⋅ ☁️ 6 °C

    Gester simmer leider nümme go poste gsie, well mer denkt gha hend das es da sicher au es paar Läde ume hed. Leider isch de nächst Lade 30 Kilometer weg gsie. Wohl oder übel simmer halt gschwind det higfahre, well au de Campingplatz kei Brot gha hed für zum Sandwich mache zum go wandere. Noch üsem Ichaufstürli simmer de zum Parkplatz gfahre, wo mer nochher losglofe sind. De Weg isch am Fluss entlang zumene schöne See wo vo Gletscherwasser gspiese worde isch. Am See hemmer Zmittag gesse gha und d Ussicht gnosse.Read more

    See translation
  • Norwegen
    1

    Gletscher Folgefonna

    May 23 in Norway ⋅ ☁️ 6 °C

    Mer sind nach em Zmittag um de See umegloffe und den Richtig Gletscherzunge. De Weg wo mer schlussendlich gno hend isch den immer überwachsniger und unübersichtlicher worde. In Kombination das sich die Gletscherzunge vom Folgefonna wiiter zrugzoge hed, hemmer denkt das mer en eh nümme würdi gseh und hend umkehrt. Am zwoite Weg wo mer gfolgt sind, hed anere usgwäschnige Schrägwand gendet. Det hemmer den es paar Amerikaner troffe wo de vorherig Weg gange sind und jetzt det durab klettert gsie sind. Sie hend gmeint mer söll besser da duruf, as ene ume wells det obe würki kei weg meh gha heig und de Rückweg fast ned möglich gsie sig. Drum siged sie jetzt da durab. Da s Wetter langsam eher zuegmacht hed, hemmer eus uf de Rückweg gmacht und hend üs halt mit de Ussicht vo wiitem uf d Gletscherzunge müsse begnüege. Uf em Rückweg simmer defür vonere Herde Geise begleitet worde als Entschädigung.Read more

    See translation
  • Norwegen
    11

    Camping Rosendal

    May 23 in Norway ⋅ ⛅ 12 °C

    Mer sind noch eusere Wanderig no zwoi Dörfer am gliche Fjord wiiter gfahre. Amene schöne Wasserfall simmer no verbi cho, bevor mer zum Camping abboge hend. Wildcampe gstalted sich da dütlich schwieriger, usser mer wot grad direkt a de Strass ah ufemene Chisplatz übernachte.
    Uf em Camping simmer das mal vor em Znacht go fische. De zwoit Wurf hed scho es chlises Fischli bracht. Das hed natürli zrug is Meer döffe. De Nina ihri Würf sind leider ned so vo Erfolg prägt gsie. Defür hed denn nochher de Simi wortwörtlich s Znacht a Land zoge. Ned riesig, hed aber mit Herdöpfel und Salat guet glanged fürs Znacht. Und s Popcorn als Dessert hemmer natürli au no gha.    Read more

    See translation
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice