Suche zurücksetzen
Norwegen
  • Simon Keiser
  • Nina Achermann
  • Simon Keiser
  • Nina Achermann

Norwegen

Ein 27-Tage Abenteuer von Simon & Nina Weiterlesen
FolgenÜbersichtÜbersichtKalenderKalenderFotosFotosTeilenTeilenBucket List
Neuste zuerst
  • Norwegen

    Vålåsjøen

    30. Mai in Norwegen ⋅ ☁️ 1 °C

    Übernachted hemmer amene gschütze Parkplatz hinder emene Hügel binere Strass. Nüt speziells, aber super gsie zum in Schlafsack kuschle nachemene so lange Tag.

  • Norwegen
    11

    Oppdal

    31. Mai in Norwegen ⋅ ☁️ 4 °C

    Zmorge hemmer eigentlich in Kaffi welle go esse, wo mer am Tag vorher eusi Tour gstartet hend. Leider hed das no zue gha. Drum simmer halt direkt richtig Trondheim gfahre. Uf em Weg hemmer nomal Usschau nach Moschus-Rinder ghalte. Leider das mal keis meh entdeckt. In Oppdal simmer go poste und hend det es wunderschöns und beliebts Cafe gfunde. Det hemmer zmörgeled und eus somit für de Tag gstärcht.Weiterlesen

  • Norwegen

    Trondheim

    31. Mai in Norwegen ⋅ ⛅ 11 °C

    Vo Oppdal simmer nach Trondheim gfahre. I de Stadt hemmer no es engers Parkhus als in Bergen gfunde. Nach dem d' Nina mit iklapte Sitespiegel parkiert gha hed, simmer los id Stadt. Wells am Afang no recht windig gsie isch und immer weder gregelet hed, simmer chle de Läddeli nah gange. D' Nina hed inem Schmucklädeli neui Ohrringli ergattered und de Simon zwoi T-Shirt. Zum sehr spate Zmittag (halbi d'Nina isch langsam gäzig) hemmer Pizza gesse. Wo s Wetter langsam besser worde isch, simmer zerst zu de zwoi grosse Chile und denn über die alt Stadtbrug i die alt Gammla. Nochemene chline Spaziergang simmer denn zrug zum Parkhus und weder us Trondheim usegfahre.Weiterlesen

  • Norwegen

    Fossem

    31. Mai in Norwegen ⋅ 🌙 6 °C

    Mer hend eus es paar Plätzli zum Wildcampe usegsuecht gha mit de Idee langsam richtig Norde z fahre. Bim de erste Plätz sind scho en Hufe Lüt gstande, das mer nümme dezue hend chöne. Bi de nächste isch den es sehr uffälligs Verbot Schild gsie oder s Parkiere isch ned möglich gsie. Das cheibe hi und her isch nervend und Ziit raubend gsie. Zum Glück hed sich denn d Nina verfahre, also eifach en Sitestrass anstatt d Hauptstrass gno. Det simmer uf en alti Chisgruebe gstosse wo mer eus perfekt und ruhig hend chönne iquartiere.
    Wells spat worde isch hemmer chalt Znacht gesse. Denn de grossi Hammer vom Tag, welle Tee choche und nach 10 Sekunde kei Gas meh. Bi de Übergab hends eus versichered, das s Gas gfüllt isch und locker für 4 Wuche langed.
    Dur das planenderig, mer fahred morn richtig die nächst grösser Stadt. So das mer am Mäntig eus dem Problem chönd witme. Euses büssli hed nämlich en Campinggas fläsche und en Aschluss wo mer z Norwege ned kennt und ned chan fülle.    Weiterlesen

  • Norwegen
    1

    E6

    1. Juni in Norwegen ⋅ ☁️ 11 °C

    Mer hend eus per Mail am Abig no a Roadsurfer gwendet, da nüt i de Infos zu eusem Gasproblem hinderleid gsi isch. Bi eusem schnelle Zmorge hend sie sich noni zrug gmeldet gha. So isches Richtig Richtig Bodø, dere grössere Stadt gange. Mer hend denkt mer fahred nöch drahere, das mer de am Mäntig Morge grad det sind. Während de fahrt hemmer um de Mittag ume Pause binere Tankstell gmacht, Kaffi trunke und de Simon hed sin 1. Hot Dog gesse vom Tag. Nochher ischs bi de wiiterfahrt immer bergiger worde. Det hemmer en chline Umweg zumene Zwüschestop gmacht. Dezue meh im nächste Post. Noch dem Stop ischs höcher und höcher gange, Längegrad mässig und Höhemeter. Mer sind den über en Pass mit Schnee und Regeboge gfahre. Debi hemmer au de Arctic Circel überschritte, bessergseid überfahre. As stärchig heds de Hot Dog nummer 2 geh für de Simon.Weiterlesen

  • Norwegen
    11

    Bjørns Plass

    1. Juni in Norwegen ⋅ ☁️ 12 °C

    De Zwüschestop hed Björns Plass gheisse. En Umweg wo sich glohnt hed und mer gern in chauf gno hend. Es isch en überdachti Fürstell mit Ussichtsplatform und emene Wc gsie. Wunderschön, gratis und öffentlich für jedermann. Erreichbar über en holprigi und kurvigi Schotterstrass. Vo det us simmer no es churzes Stuck zumene See abe und weder ufe gloffe. En super Pause gsie vo dere lange Fahrt.Weiterlesen

  • Norwegen
    1

    Camping Misvær

    1. Juni in Norwegen ⋅ ☁️ 7 °C

    Uf em Weg zum Campingplatz (hend ja nümme chönne choche, drum eine mit Chuchi usegsuecht) hed d Nina weder en Elch entdeckt. Nachhere schnelle Wendi hemmer das schöne Tier es guets wiili döffe beobachte. Wiiter ischs gange nomal über en Pass zumene schöne Camping. Ned mega speziell aber en mega netti Chefin. Leider isch d Chuchi ned in betrieb gsie. Drun simmer kreativ worde. Und es hed Würstli Nummer 3 geh a dem Tag für de Simon.Weiterlesen

  • Norwegen

    Saltstraumen

    2. Juni in Norwegen ⋅ 🌧 7 °C

    De Saltsrraumen isch de grössti Mahlstrom vo de Welt. Er isch genau uf eusem Weg nach Bodø gsie. Wo mer über d Brug gfahre sind, hed mer de Strom richtig Meer und die dur das usglöste Strudel gseh. Undrt de Brugg hemmer chönne parkiere und Zum Strom abelaufe. Vo nöchem isch s Usmass und Gschwindigkeit vo dene Wassermasse erst richtig z gseh gsie. De Strom chan Gschwindigkeite vo bis zu 37 km/h erreiche und wechsled ca. all 6 Stund d Richtig.Weiterlesen

  • Norwegen
    21

    Bodø nach Moskenes

    2. Juni in Norwegen ⋅ 🌬 9 °C

    Grad vo Bodø simmer zumene Camperverchäufer go frage weg em Gas. Er hed gmeint es sig möglich z Fülle, hed bi de Füllstell aglüte und eus denn det hi gschickt. Det acho hemmer eused Gad ohni Problem chönne Fülle. Mer sind en nomal go poste, tanke und hend was Zmittag gesse. Wo mer den bi de Fähri gsie sind, hemmer die erst ned verwütscht, well z vell Lüt agstande sind. Mer hend denn solang müsse warte, das mer denn halt sogar scho au no Znacht gesse hend.

    D Überfahrt isch chle schaukliger gsie as die Fährene wo mer bis jetzt gha hend. Trotzdem hemmer gmüetlich chönne pfüsele und Serie luege.    Weiterlesen

  • Norwegen
    11111

    Reinebringen

    3. Juni in Norwegen ⋅ ☁️ 7 °C

    Nach dem mer vo de Fähri gfahre sind, hemmer eus uf de Weg zum Parkplatz in Reine gmacht. Vo det us simmer den um die 23:00 Uhr abgloffe uf de Reinebringen ufe. S Wetterapp hed eus gseid sött guet Wetter si und mer hend eus ned ganz so vell Lüt wie dur de Tag erhofft gha. Es sind 1978 Stegetritt wo vo Sherpas gmacht worde sind bis ufe. De Obersti teil isch ned prepariert. En dütliche Unterschied zu dem wo de Simon vor 10 Jahr gseh hed, wo er i de Lofote gsie isch.
    Dobe acho heds no eis anders Päärli gha, wo vo eus no es Fotti gmacht hed. Mer hend euses Dessert wo mer in Bodo kauft gha hend mit der Ussicht gnosse. De Abstieg isch streng gsie und mer sind nochher gern is Bett.    Weiterlesen

  • Norwegen

    Reine

    3. Juni in Norwegen ⋅ 🌬 8 °C

    Mer hend z Reine grad uf em Parkplatz übernachted. Zum zmorge hemmer eus Poridge as stärchig gmacht. Nebem Parkplatz sind Gstell gsie mit em ufghänkte Fisch zum tröchne. Spannend aber auch chle stinkig.Weiterlesen

  • Norwegen
    1

    Å in Lofoten

    3. Juni in Norwegen ⋅ ☀️ 8 °C

    Noch eusem Zmorge simmer uf Å gfahre. En einzelne Buechstabe als Dorfname.
    Es ischs s letschte Dorf und s Endi vo de Strass. D Ussicht isch wunderschön gsi.

  • Norwegen
    1
    1

    Driving Lofoten

    3. Juni in Norwegen ⋅ ☀️ 10 °C

    Noch Å und eusne Fischerbrötli simmer losgfahre mit em Ziel id nöchi vo Svolvær z cho und uf em Weg no z Bade. In Svolvær hemmer am nächste Tag en Fischertour buecht.

  • Norwegen
    1

    Justnesvika Beach

    3. Juni in Norwegen ⋅ ☀️ 9 °C

    De Strand wo mer gfunde hend zum go bade z gha, isch per Zuefall de glich gsie wo de Simon vor 10 Jahr scho gsie isch. S Wasser isch also immerno mindestens glich chalt gsie wie dazumal. Das hed eus aber ned devor abghalte is 5 Grad Nordmeer Wasseebecki z'springe und wortwörtlich abztauche.Weiterlesen

  • Norwegen

    Unstad

    3. Juni in Norwegen ⋅ ☀️ 9 °C

    Bevor mer zu eusem Schlafplatu gfahre sind hemmer no en Abstecher uf Unstad gmacht. Das isch es chlises Dörfli, usnahmswiis keis Fischerdörli sondern en Surfer Hotspot. Mer isch dur es Tunnel wie chle in en eigeni Welt imene sust ned zuegängige Tal cho. D Welle und d Surfkünst hend eus aber ned us de Socke ghaue.Weiterlesen

  • Norwegen
    1
    111

    Camping Valbergsveien

    3. Juni in Norwegen ⋅ ☀️ 8 °C

    Da de Parkplatz letscht Nacht sehr tür gsie isch hemmer eus hüt es Plätzli anere Nebestrass gönnt. Trotzdem hemmer weder en tolli Ussicht us eusem Büssli Feister gha. Zu dem Usblick hemmer eus, eusi Fajitas schmöcke lah.Weiterlesen

  • Norwegen
    1

    Go2Lofoten Fishing Trip

    4. Juni in Norwegen ⋅ ☁️ 14 °C

    Nochemene schnelle Zmorge simmer vom eusem Übernachtigsplätzli direkt uf Svolvær düsed. Det hemmer nach churzer Suechi en Parkplatz gfunde und sind zum Büro vo Go2Lofoten-Tours. Mer sind mit emene schöne Boot los us em Hafe richtig offnigs Meer. Während de Fahrt hed de Captain eus Informatione über Fischerei und Waalfang in Norwege verzellt. Er hed den mithilf vom Echolot gluegt wos Fisch hed. Und denn hemmer euses Glück döffe probiere. Mer hend den es paar Fisch gfange. Am Simon sini Köder sind aber dütlich besser gsie.
    Wahrend em Fische hemmer sogar no es paar Delfin vo wiitem gseh. Nachdem mer zrug im Hafe gsie sind, hed eus de Captain zeigt wie mer d Fisch usnimmt und Filitiert. Hend also euses Znacht am Mittag scho ready gmacht.    Weiterlesen

  • Norwegen

    Driving Lofoten

    4. Juni in Norwegen ⋅ ☁️ 14 °C

    Vo Svolvær simmer nach Andenes gfahre. Zerst hemmer aber no im Ichaufszenter was Zmittag gesse. Isch es guets Stückli fahrt gsie. Hemmer bi dere schöne Landschaft und mit de Ussicht uf die morgig Walsafari gern uf eus gno.Weiterlesen

  • Norwegen
    2111

    Whale2See

    5. Juni in Norwegen ⋅ 🌧 9 °C

    Noch em Zmorge simmer no en churzi Strecki dur Andenes gfahre bis zum Office vo Whale2See. Det i de Garderobe hemmer Floating-Suits und Schwimmweste, so wie en churzi Instruktion zum Verhalte im Boot und Infos zu de Tier wo mer chönd gseh becho.
    Denn isch es dick ipackt use is Boot gange. Dur de Hafe isch es use is Meer gange. Bi de Usefahrt hemmer en Seeadler und Puffins (Papageitaucher) gseh. Andenes isch speziell, wells sehr nöch am Rand vo de Kontinentalplatte isch. Am Rand fallt de Meeresgrund schnell uf über 1000 Meter ab.
    Dusse acho simmer schnell fündig worde. Mehr hend mehreri Gruppe Orcas gseh. Zwüsche 3 und 5 Tier sind's als Familie underwegs gsie. Es Chalb, also en junge Orca hends au debi gha. Mer hend sie chönne beobachte wie sie gjagt hend und sich zwüsche de Boot bewegt hend. Sehr idrücklich gsie. D' Wal sind üs leider erspart blube, da sie insbesondere Orcas eher meidet. Während mir gfilmed, gfötteled und beobachted hend, hed sie wo d Tour gführt hed Infos verzellt.    Weiterlesen

  • Norwegen
    1

    Museum + Zmittag

    5. Juni in Norwegen ⋅ 🌧 9 °C

    Nach de Tour simmer no schnell is eigene Walfischmuseum vo de Tourabieter.
    Im Aschluss simmer go Zmittagesse und hend eus den welle mit de Fähri wiiter richtig Festland uf welle mache. Leider sind det so vell lüt agstande, dass mer eus entschiede hend das mer halt fahred.Weiterlesen

  • Norwegen
    1

    Norwegen - Schweden

    6. Juni in Norwegen ⋅ ☀️ 7 °C

    Mer sind Richtig Abisko gfahre. Das lied in Schwede und hemmer letscht Jahr scho welle bsueche. Euses Ziel isch es de Weg zrug uf Hamburg über Schwede z mache. Uf em Weg hemmer weder mal en Elch entdeckt, das mal hed en de Simon gseh. De Camping für d Nacht isch uf em Weg glege. I de super igrichtete chuchi hemmer eus Znacht köcherled und aschlüssend no en Folg Rookie gluegt. Am Morge simmer nachm Zmorge nach Abisko und em glichnamige Nationalpark gfahre. Debi simmer dur en idrücklichi Berglandschaft mit teilwis gfrorrne Bergsee gfahre. D grenze vo Norwege nach Schwede hemmer zäme mit es paar Rentier überquert.Weiterlesen

  • Norwegen
    111

    Abisko

    6. Juni in Schweden ⋅ ☁️ 10 °C

    In Abisko hemmer eus überleid en Nacht im Nationalpark z zelte. Da aber überall no chle Schnee glege isch und de Undergrund sehr sumpfig gwirkt hed, hemmer eus degege entschiede. Sind den kanpp zwoi Stund dur de Park go laufe. In Abisko isch au de Start vom Königsweg, wo 400 km dur die schwedisch Wildniss führt.Weiterlesen

  • 2025© FindPenguins
  • Start
  • Über uns
  • Gruppen-Tracking
  • Presse
  • Nutzungsbedingungen
  • Datenschutz & Cookies
  • Hilfe-Center
  • Impressum