Reimposta ricerca
Norwegen
  • Simon Keiser
  • Nina Achermann
  • Simon Keiser
  • Nina Achermann

Norwegen

Un’avventura di 27 giorni di Simon & Nina Leggi altro
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
PanoramicaCalendarioFotografie
  • Norwegen
    2

    Driving Norway

    24 maggio 2025, Norvegia ⋅ ☁️ 8 °C

    Da s Wetter hüt nümme ganz so sunnig usgseh hed, hemmer eus uf em direktiste Weg uf nach Bergen gmacht. Über Brugge, mit Fähre und dur zahlrichi Tunnel simmer zu de regeriichste Stadt europas gfahre. Uf de Fähriüberfahrt hends sogar no en Putzshow bote und eusi Schiebe defür gratis gwäsche. Uf em Weg hemmer Zmitag gholt. Einisch en grollti warmi Hackfleisch Pizza us em Spar, de Simon behauptet immerno das es eifach en Taco gsie isch, und en Hamburger vo de Tankstell für de Simon. Überraschenderwiis isch de früsch gmachti Tankstelleburger öppe de besti kaufti Burger sit fast immer gsie. Das Burgeresse isch dank de hufe Toppings und de guete Sauce zunere richtige Attraktion mit Sauerei worde, dass de Simon mit tropfendem Burger und dreckige Hose us em Büssli hed müsse hüpfe.Leggi altro

    Guarda la traduzione
  • Norwegen
    11

    Bergen

    24 maggio 2025, Norvegia ⋅ ☁️ 10 °C

    In Bergen hemmer s engste Parkhus gfunde wos gid und gfühlt in 20 Stock müsse fahre. D Nina hed die Ufgab mit bravur gmeisteret.
    Nochher simmer dur de Fischmarkt gloffe und dur de aschlüssendi Buuremarkt gschlendered. D Nina hed nach ihrer Pizza-Taco-Rolle no lust uf en Hotdog gha. Da heds eine mit Rentierwürstli geh. Aschlüssend hemmer zäme no en Pancake mit Konfi vomene Buurestand gno. Nach dere Stärchig simmer dur d Stadt gschländered. Hend die bekannte Bryggen bestuhnt, sind im Wiehnachtslade gsie, Chilbi hends au no gha und sind den no mit de Fløibanen d Ussicht uf d Stadt go gnüsse. D Sunne hed mal füre glueged und sich den weder versteckt und em Wind de vortritt glah.
    Zum Abschluss hemmer eus im Fischmärt en Tisch ergatteret und es leckers Znacht gnosse.    Leggi altro

    Guarda la traduzione
  • Norwegen

    Camping Syltøyna

    24 maggio 2025, Norvegia ⋅ ☁️ 10 °C

    Vo Bergen us simmer über hügligi und kurvigi Strasse zum gfühlt üsserste Inseli gfahre wo mer euse Plätzli für d Nacht gha hend. Nach em Zmorge heds afange Regne und Winde. Drum hemmer eus entschiede ned wiiter de Küste nah z gah sondern weder meh Landes iwärts z gah. Euses s Ziel womer debi is Auggfasst hend sind es Paar Wasserfäll i de nöchi vo Voss gsie.Leggi altro

    Guarda la traduzione
  • Norwegen
    2
    111111

    Skjervsfossen

    25 maggio 2025, Norvegia ⋅ 🌧 10 °C

    Nacheme Zmittagszwüschestopp binere ominöse amerikanische Schnellimbisschetti simmer zum erst Wasserfall cho, em Skjervsfossen. Neb dm schöne Wasserfall wo mer im strömende Rege ganz ellei hend chönne bestune heds es schöns und speziells Wc gha. Mer hed wortwötlich mit Ussicht uf d Schüssle chönne.Leggi altro

    Guarda la traduzione
  • Norwegen

    Tvindefossen

    25 maggio 2025, Norvegia ⋅ 🌧 10 °C

    De Zwoiti Wasserall isch ebefalls sehr beeidruckend gsie. Isch direkt a de Strass ah gsie und direkt mit eigenem Campingplatz. Au da simmer weder ellei vor dene Wassermasse gastande. Erst wo mer am gah gsie sind, isch en Car mit Touriste ahcho.Leggi altro

    Guarda la traduzione
  • Norwegen
    1

    Stahlheimfossen

    25 maggio 2025, Norvegia ⋅ 🌧 9 °C

    Bim dritte Wasserfall simmer au weder ganz ellei gsie. Hed aber au ned würklich en Parkmöglichkeit gha und d Strass dezue isch gsperrt gsie für Autos. Nocheme chline Spaziergang hemmer den aber de grössti und wasserrichsti Wasserfall vom Tag chönne bestuhne. Profifotografin Nina hed nomal alles geh. Bi dem hed mer au ned so nöch here chönne wie bi de andere.Leggi altro

    Guarda la traduzione
  • Norwegen
    11

    Camping Nœrøyfjord

    25 maggio 2025, Norvegia ⋅ 🌧 7 °C

    De Weg zu eusem Camping isch no zumene chline Abentür worde. Dur es Chiswärch hed mer müsse abbiege, dur en Tunnel wo meh nach Minetunnel usgseh hed und mit Tor hed gege Stürm verschlosse werde hed chönne, über en engi Strass am Fjord entlang, und überall Warnige und Zeiche vo Steischläg.
    Aber es hed sich definitiv glohnt für de schön Camping direkt am Wasser. Einzig Wehmuetstropfe isch gsie das d Sauna leider kaputt gsie isch. Und au de Rege isch nachhere Pause zrug cho.    Leggi altro

    Guarda la traduzione
  • Norwegen

    Flåm

    26 maggio 2025, Norvegia ⋅ ☁️ 6 °C

    Nach em Zmorge und em Abwasch simmer wiiter gfahre. S Ziel hüt wär en Gletscher, mit es paar Zwüshestops. Zrug über die abentürlich Strass isch es zu de Hauptstrass gange und den dur es paar Tunnel uf Flåm. Das isch am Fjordendi wo die grosse Chrüzfahrtsschiff hifahred und en bizli touristischi Bahn chasch neh, wo dich a jede sehenswerti Hotspot bringt. Dank dem grosse Schiff heds au dementsprechend Touriste gha... Drum ischs zügig weder wiitergange.Leggi altro

    Guarda la traduzione
  • Norwegen
    11

    Lærdaltunnel

    26 maggio 2025, Norvegia ⋅ ☁️ 7 °C

    De nächsti Stopp hemmer eus länger drin ufghalte. Es isch de Lærdaltunnel gsie. Er isch mit 24.51 km de längsti Strassetunnel vo de Welt. Spezielli Liechtinstallatione hend uf dene knapp 25km Eitönigkeit für biz Abwechslig gsorgt.Leggi altro

    Guarda la traduzione
  • Norwegen
    11

    Stabkirche Borgund

    26 maggio 2025, Norvegia ⋅ ⛅ 6 °C

    Neb em Gletscher euses Hauptziel hüt isch die hölzerni Stabkirche vo Borgund gsie. Sie isch die best erhaltnigsti Stabkriche. Vo ehemalig ca. 1000 Stabkirche gids hüt no 24. Mer sind grad acho wo en Car abgfahre isch und bevor 2 Neui uf de Parkplatz gfahre sind. Drum heds ned ganz so vell Lüt gha, aber definitiv au weder en Touriste Hotspot gsie. De Bau und d Gschicht isch im Museum nebedrah guet und idrücklich erklärt worde.Leggi altro

    Guarda la traduzione
  • Norwegen
    21

    Norsk Bremuseum

    26 maggio 2025, Norvegia ⋅ 🌧 7 °C

    Uf em Weg zum Gletscher hemmer s Gletschermuseum entdeckt. Nebemene interaktive 3D Film (de Nina isch's wie 4D vorcho u ischere biz schwummrig wurde) über de Gletscher Jostedalsbreen und dezueghörig Nationalpark heds sehr vell guet erklärti Infos zu Gletscher gha. De Jostedalsbreen isch de grössti Gletscher uf em Europäische Festland. Euses Ziel isch gsi, die verschiedene und sehr unterschiedliche Gletscherzunge azluege.Leggi altro

    Guarda la traduzione
  • Norwegen
    11111

    Supphellebreem

    26 maggio 2025, Norvegia ⋅ ☁️ 4 °C

    Churz nach em Museum hemmer weder per Zuefall de Abzwieger zu de tüfst glägnigste Gletscherzunge entdeckt. De Abzwieger isch sehr unschienbar und fast chle versteckt gsie. Gnauso isch au de Weg bis zum Parkplatz gsie. Umso idrücklicher isch den aber de Usblick uf de Gletscher gsie. Es sind nur zwoi anderi Grüppli umegschuened. Ganz so nöch here wie die einte simmer de au ned, da mer nie chan sege wenn weder was würd abbreche. De Jostedalsbreem bewegt sich 2 Meter vorwärts im Tag.
    Am Schluss hemmer Glegeheit no gnutzt und sind is Gletscherwasser ineghockt.    Leggi altro

    Guarda la traduzione
  • Norwegen
    111

    Bøyabreen

    26 maggio 2025, Norvegia ⋅ ☁️ 4 °C

    Euses eigentliche Tagesziel hemmer den doch au no erreicht. Leider simmet grad mit emene Car zäme acho. Die hufe Lüt sind aber zum Glück ned so lang det gsie und mer hend de See mit Gletscher schnell weder fast ellei gha.Leggi altro

    Guarda la traduzione
  • Norwegen
    1

    Camping Gåsemyr

    26 maggio 2025, Norvegia ⋅ ☁️ 4 °C

    Ned wit weg hemmer zum Übernachte en chline herzige Camping nebenem Buurehof agfahre. Dete acho, hemmer üs schnell platziert währends richtig fest abegschüttet hed und üs es feins SweetSauerPoulet zauberet und d'Mäge voll gschlage. De Abig hemmer de binere Rookie-Serie u Popcorn usklinge lah.Leggi altro

    Guarda la traduzione
  • Norwegen
    1

    Briksdalsbreen

    27 maggio 2025, Norvegia ⋅ 🌧 4 °C

    Nach em Zmorge hemmer für de nächsti Tag im Jostedalsbreen Nationalpark no en Wandertour uf de Gletscher bi Nigardsbreen bueched. Das isch au die einzig Möglichkeit gsi so nöch zu dere Jahreszit zu dem Gletscher z'cho.
    Für hüt isch erst mal aber de westlich Nebearm vo dem Gletscher namens Briksdalsbreen oben uf de Liste gsi. Nach dem mer üses Picknick im Auto samt Regechleidig ipackt hend, hemmer üs uf die 45min langi Wanderig gmacht.
    Nebed eus heds sehr sehr viel Touriste gha, wo wahrschinlich gad mitm Chrützfahrtschiff acho sind und massenabgfertigt uf dene schmale Strössli mit vielne Car's ufezfahre cho sind.
    Uf de Wanderig hed eus den d'Sunne chli im Stich glah u hed immer meh afange regne. Mir hend eusi Regeschutzsache natürli debi gha. Voll ipackt simmer den bim Gletschersee acho, hend eus den entschiede erst zrug z laufe, bevor mer denn Zmittag essed. Für es paar Erinnerigsfötteli hemmer glich no ziit gha. Euses Büssli hemmer denn zum Chleiderständer umfunktioniert und debi Zmittag gesse.    Leggi altro

    Guarda la traduzione
  • Norwegen

    Camping Gjerde

    27 maggio 2025, Norvegia ⋅ 🌧 4 °C

    Wie scho gseid isch d'Tour uf em Gletscher nur a eim Ort möglich gsie. Leider hed das gheisse das mer weder de glich Weg retour ums Gletschermasiv hend müsse fahre wo mer scho her cho sind. Uf em Camping acho hemmer eus igrichtet und gwartet. Aber gwartet uf was? Per zuefall hemmer mal usegfunde gha das no zwoi anderi Steihuser da obe underwegs sind. Mer hends jetzt aso tatsächlich planerisch und routetechnisch fertigbracht uf em gliche Camping z lande. Es guets Znacht und einigi Reisestories spöter simmer im Bett glandet. En richtig früsche Morge hed ohni Rege gstartet. Bim Zmorge parat mache heds de weder agfange. Hoffed mer uf es paar trochnigi Stunde für de Gletscher.Leggi altro

    Guarda la traduzione
  • Norwegen
    1

    Nigradabreen

    28 maggio 2025, Norvegia ⋅ 🌫 3 °C

    En churzi Fahrt vo es paar Minute hend eus zum Parkplatz vom Nigradsbreen bracht. Det hed eus en Guide erwartet. Stiegiise und Iisbickel sind verteilt worde. De Weg zum Gletscher isch über Stock und Stei gange, mer hend mehreri chlini Pause gmacht. S Wetter hed guet mitgspielt, es hed immer weder chle gregelet, aber nümme so abegschütted wie die Täg zuvor. Am Gletscherfuess acho isch de zwoiti Guide dezue gstosse, wo no am Stegetriit in Gletscher schlah gsie isch für eus. Es sind Gställti verteilt, mer sind instruiert worde wie mer alles münd alegge und schlussemend isches as aseile gange. Die erste Schritt sind no sehr unsicher gsie mit de Stigiise a de Füess. Nach es paar Meter und es paar Instruktione spöter ischs den mit de Gletscherwanderig losgange. De Guide hed immer weder churzi Stopps gmacht. Bi dene Stops hed er Sache zu de Gletscher, ihrere Entstehig und ihrere Fortbewegig verzellt. Uf em höchste Punkt vo de Wanderig hemmer Zmittag gesse. Für die einte heds selber gmachti Sandwich geh, anderi hend Brot mit Chäs gha. De Dominic und Linda sind neb de beide Guides die einzige gsie wo sich scho mal uf emene Gletscher bewegt hend. Nach em Zmittag ischs weder durab gange dur die idrücklichi verklüfteti Felslandschaft. Am Gletscherfuess hemmer eus weder vo eusem Equipment befreit und zrug ischs gange zum Auto. Au das mal isch de Weg weder chle en Rutschpartie gsie.Leggi altro

    Guarda la traduzione
  • Norwegen
    13

    Sognesfjell Pass

    28 maggio 2025, Norvegia ⋅ ☁️ 2 °C

    Nach de Tour hends sich d Weg vo de zwoi Steihuse Päärli weder (vorerst) trennt. Die Einte sind links, die Andere rechts um de Josdedal Gletscher und Nationalpark gfahre. Vellecht gsehmer eus ja z Norwege nomal und sust laufed mer eus spötistens am Waldstock weder über de Weg. Mer sind rechts, also östlich duruf. Hend debi en Pass erklumme und debi die nächste idrückliche Szenerie atroffe. Hed grad no chle Schnee gha, vorallem ned emal 1400 m.ü.M.Leggi altro

    Guarda la traduzione
  • Norwegen

    Camping Gjeilo

    28 maggio 2025, Norvegia ⋅ ⛅ 2 °C

    Nach em Pass simmer zum Camping Gjeilo i de nöchi vo witere schöne, grosse Nationalpärk. Er lied wunderschön anem Fluss. Zudem isch er grad direkt amene Naturreservoir wo all Jahr unzähligi Arte vo Zugvögel Rast mached. Dementsprechend hemmer au immer weder Gezwitscher und anderi Vogelluut ghört gha. I de Chuchi vom Camping hemmer de Tag mitemene feine Znacht abgrundet und mit em einzige andere Camper uf dem Platz no chle gspröchled.
    Am Morge simmer vo de Sunne und kuckuck Grüsch gweckt worde und dusse hend dusse bi Sunneschii brunched.    Leggi altro

    Guarda la traduzione
  • Norwegen

    Stabkirche Lom

    29 maggio 2025, Norvegia ⋅ ☁️ 8 °C

    In Lom simmer is Visitor Center vo de Nationalpärk. Det hemmer welle in erfahrig bringe wies im Dovre Nationalpark usgseht, um eus den für de wiiteri Weg chönne z entscheide.
    Debi hemmer no en chle meh as 800 Jahr alti Stabchile entdeckt. Hed mer leider ned vo inne chönne aluege, isch aber au vo usse schön gsie.Leggi altro

    Guarda la traduzione
  • Norwegen
    11

    Camping Furuhauglie

    29 maggio 2025, Norvegia ⋅ ☁️ 7 °C

    Nach es paar Stops und ere chlinere Platzsuechi hemmer eus für de Camping Furuhauglie entschiede. De Campinh hed en mega schöne Usblick über s Land. Nach dem mer euses Büsli installiert hend und d Nina en leckere Eintopf gmacht hed simmer no biz dene Strössli nah gloffe. Bim Bsitzer vom Camping hemmer für de nächsti Tag no en Moschusochse Safari buecht.Leggi altro

    Guarda la traduzione
  • Norwegen
    11

    Moschus ochs

    30 maggio 2025, Norvegia ⋅ ☁️ 5 °C

    Am Morge hemmer Zmorge in Büsli gesse und eusi Zmittag-Sandwich gmacht. Bim Treffpunkt hed de Guide Kinge eus in Empfang gno. Nebe eus sind nomal 2 Schwizer, 3 Norweger und 4 Holländer uf de Tour gsie. Uf em Weg zum Parkplatz wo mer eusi Tour z Fuess los gaht, isch de Guide bi eim vo eusne Autos mitgfahre. Er hed gmeint sust folged eus Lüt sobalds sis Auto gsehnd. Er macht das sit über 20 Jahr und isch ursprünglich reine Wildtierfotograf gsie. Da er das so lang macht und d Ranger alli kennt, chan und döff er biz meh. De Normal Abstand zu de Moschus-Rinder sött ned chliner als 200 Meter si. Er chan teilwis bis zu 20 Meter a sie here. Er sig debi erst 3 Mal agriffe worde. En Agriff vo somene Tier gseht so us, das 200 kg wollebepackte Masse mit 60km/h probiert dich z treffe. De Letschi Agriff sig Vorgester gsie, vonere "crazy Cow" wo wahrschiendlich ihres Kalb verlore hed.
    Bi de Fahrt hemmer scho de ersti Bull gseh. Isch aber anere sehr unübersichtliche Stell a de Hauptstrass gsie, das mer ned aghalte hend. D Ranger hend am Guide nochher verzellt das es mega gföhrlich worde isch und sie de Bull hend müsse wegtriebe das Touriste kei Umfall gmacht hend. Nach em parkiere hemmer als erst ums Gitter vonere Versperrte Brug müsse Chlettere.
    Und denn ischs endlich los gange.
    De Guid vorus, teilwiis mit sehr vell Abstand bi unübersichtlichem Gländ. Immerwieder mit Stops, so das er überall hed chönne luege ned das zwüsche zwei Tier gstande wäred. Wenn mer gwartet hend, hed er eus zeigt gha wo mer d Wolle chan Sammle vo dene Rinder. Es Kilo isch 1000 Dollar wert, und halted eim dütlich besser warm als normali wulle.
    Die erst gruppe wo mer gseh hend sind 4 Küh, 1 eijährigs und 3 chälbli gsie. Idrücklich und doch au beängstigend es biz. Will genau die Crazy Cow au det gsie isch simmer wiiter. Uf em Rück weg hemmer die den au nomal gseh und leider immernoni nöcher als 100 Meter here chönne. Bi de Lunch-Pause hemmer nomal en Chueh und es Kalb gseh und en grosse Bull, leider amene Hang wo mer ned nöchher here cho isch.
    Vellecht hemmer ja bim zwoite Spot no chle meh glück.    Leggi altro

    Guarda la traduzione
  • Norwegen

    Ochse und wasserfall

    30 maggio 2025, Norvegia ⋅ ☁️ 4 °C

    Bim Zwoite Spot hemmer vo wiitem en grosse Bull gseh. Leider heds no anderi Lüt gah und mer hend ned zu ihm chönne laufe. D Abmachig vom Guide mit de Ranger isch, das er nöchher here döff mit sine Gruppe, aber nur wenns kei anderi Lüt gsehnd. So das es kei Nachahmer gid wo d Tier ned chönd ischätze. De Guid hef eus au immer erklärt uf was das er bim Verhalte vo de Tier luegt und wieso das mer i de verschiedene Fäll ned nöchher sind. Mer sind den en Umweg gloffe, hend Wulle gsammled und en Wasserfall gseh. Wo mer den schlussendlich de Bull weder gseh hend isch er direkt ind tüfer Wald gloffe, wo er sich zumene Zwoite gsellt hed. Aber kei Chance zum folge für eus. Uf de Rückfahrt hemmer nomal eine am Strasserand gseh. Super Guide, geniali Natur (vorallem das Querfelld ein Laufen ohni Weg) und trotz wenige Kilometer sehr astrengende Tag gsieLeggi altro

    Guarda la traduzione
  • Norwegen
    112

    Fokstumyra Naturreservat

    30 maggio 2025, Norvegia ⋅ ☁️ 5 °C

    Uf en Tip vom Guide simmer nomal es Stuck zrug gfahre. Det hemmer tatsächlich Elch gseh, zwar ned bim Spaziergang wo mer gmacht hend, sondern nur vom Auto us. Znacht hemmer chle asiatisch köcherled ufemene Parkplatz binere Schafsfarm zue. Nochher hemmer eus en Schlafplatz gsuecht.Leggi altro

    Guarda la traduzione