Schweden 2.0

A 17-day adventure by Simon & Nina Read more

Follow Insights Calendar Photos Share

Trip start
June 6, 2024
Schweden 2.0
Flughafe zürich
June 6, 2024 in Switzerland ⋅ ⛅ 22 °C
Mit emene biz z schwere und ere biz z liechte teste ischs losgange richtig schwede
See translation
9 likes
Schweden 2.0
Flughafen Stockholm
June 6, 2024 in Sweden ⋅ ⛅ 18 °C
Es biz windig aber guet simmer nachemne ruhige flug in stockholm glandet
See translation
10 likes
Schweden 2.0
Hellstens Malmgård
June 6, 2024 in Sweden ⋅ ☁️ 17 °C
Nach em gepäck abhole hemmer eus es uber pfiffe und sind mit dem zu eusem hotel gfahre.

So hotel isch chli und mit vell charm. Es herzigs rot gstrichnigs zimmer mit emene weiche bett hemmer becho.
See translation
TravelerUihhhhh. Wäri ned mini Farb zum.schlofe 😜
6/6/24ReplyTranslate
9 likes
Schweden 2.0
Stockholm evening
June 6, 2024 in Sweden ⋅ ⛅ 16 °C
Nachemene churze powernap simmer no biz dur d stadt gschlenderet. D schwede isch hüt gad no en nationale fiirtig gsie. Drum sind au überall lüt underwegs gsie. Bi schönem aber biz windigem wetter hemmer no tapas gesse bevor mer zrug is hotel sind.Read more
See translation
TravelerSuper u s ässe gseht fein us.... au d stadt😄
6/7/24ReplyTranslate
10 likes
Schweden 2.0
Vasa Museum
June 7, 2024 in Sweden ⋅ ☁️ 16 °C
Nachemene feine und usgibige zmorge simmer is vasa museum.

I dem riese gebäude isch es vor über 300 jahr gsunknigs chriegsschiff usgstellt. Es isch i de 60er jah as ganzes borge worde, konserviert und für d öffentlichkeit usgstellt worde.

Schiff isch nur churzi ziit uf em wasser gsie und bi de jungfrenfahrt direkt gsunke. Ea isch en fehlkonstruktion gsie, vell z höch, z schmal, mit zwenig gwicht under de wasseroberflächiRead more
See translation
6 likes
Schweden 2.0
Cafe Lusknäppen
June 7, 2024 in Sweden ⋅ ☁️ 17 °C
Nach em vasa museum simmer imene kaffi nebedrah üs go verköstige. Nocher simmer no chle dur en park gloffe bevor mer mit em e-trotti id altstadt gfahre sind.
See translation
7 likes
Schweden 2.0
1
Gamla stan
June 7, 2024 in Sweden ⋅ ☁️ 17 °C
Dur de königspalast mit uniformierte soldate, am nobel pris museum verbi simmer i de altstadt dur did alte, teilwiis enge gässli gschlenderet. Es paar mal dur läde dure gloffe, waffle und znacht gesse.

Nach em znacht hemmer eus weder uf d e-trottis gschwunge.Mer chund scho schneller vorah as zfuess zum nächste punkt und isch chle flexibler as mit de ÖVs. Sind den über en ussichtspunkt wo mer nomal uf gamla stan gseh hed zrug zum hotel gfahre.Read more
See translation
Traveler Mhhhhhh da wäri derbi
6/7/24ReplyTranslate
TravelerSchöni Stadt mit viel Wasser....
6/7/24ReplyTranslate
TravelerSuper mol öpis anders mit e trotty stadtbesichtigung
6/7/24ReplyTranslate
8 likes
Schweden 2.0
2 1 1 1 1
Nygård
June 8, 2024 in Sweden ⋅ ☁️ 15 °C
Hüt hemmers am morge gmüetlich gno. Feim zmörgeled und s weiche bett no gnosse.

Mit em uber simmer denn zur camping vermietig gfahre, hend euse van in empfang gno und en kontrolliert. En fehlendi schrube hends eus no gschwind ersetzt so das mer euse tisch au hend chönne uszieh.

Im aschluss und simmer go pöstele. As sterchig heds im aschluss falavel und en art wurstbrötel geh. Irgend en art chle schwedische kebab, aber mit ere wurst, speck, crevette, gmües und herdöpfelstock dinne.

Nach dem simmer wortwörtlich zum nächste camping gfahre und hend eus mal richitig afe irichte.

En gmüetliche abig mit spaziergang, minigolf und apero hef de tag abgrundet.Read more
See translation
Traveler ♥️🥰 gnüsseds ihr zwei!
6/8/24ReplyTranslate
Traveler ❤️❤️❤️
6/8/24Reply
TravelerVell Spass und gniessets 😘
6/9/24ReplyTranslate
4 more comments
8 likes
Schweden 2.0
1
MAX Burger
June 9, 2024 in Sweden ⋅ ☁️ 14 °C
Zum zmittag simmer in MAX bruger. De hemmer scho chle vermisst gha sit eus em letschte ufenthalt. Defentiv en besseri version vo mc und burgerking uf schwedischi art halt
See translation
TravelerHoi zäme mehr sind immer am Trinke u ihr öfters am Ässe 😍😂😂
6/9/24ReplyTranslate
Traveler Hau inne Simi en guete zäme
6/9/24ReplyTranslate
Traveler😍 oh wie ich de vermisse
6/9/24ReplyTranslate
TravelerHend für dich mitgnosse🥰
6/13/24ReplyTranslate
6 likes
Schweden 2.0
1 1
Gamla Uppsala
June 9, 2024 in Sweden ⋅ ☁️ 13 °C
In Gamla Uppsala simmer d königsgrab hügel und die erst kathedrale vo de provinz go aluege. Zwüsche de hügel inne hed de wind denn de rege sehr schnell zu eus here treid, das mer is kaffi gflüched sind.Read more
See translation
Traveler Ganz en lustige Baum😁
6/9/24ReplyTranslate
Traveler S gseht aber nach chüelem Wätter us?
6/9/24ReplyTranslate
7 likes
Schweden 2.0
Uppsala domkyrka
June 9, 2024 in Sweden ⋅ ☁️ 12 °C
Nach em alte uppsala simmer zum dom im neur upsala. Es sehr beidruckends bauwerch mit sehr vell gschicht.

D rettigswäge sind au chle offroad tauglicher usbaut hemmer usegfunde.

Wells wetter wiiterhin ned so mitgspielt hed zum dusse inere stadt umeschländere hemmer eus weder wiiter uf d socke gmachtRead more
See translation
7 likes
Schweden 2.0
1 1
Camping 2
June 9, 2024 in Sweden ⋅ ☁️ 11 °C
Richtig norde simmer uf de autobahn trotz chle verkehr und baustelle guet voracho. Vo sunneschii zu weltuntergangstimmig hed s wetter grad alles ufbote.
Mer hend eus de en schöne spot für d nacht gsuecht. Sind am badestrand no gschwind is wasser ghüpft und hend den fein köcherled.Read more
See translation
Traveler ❤️
6/9/24Reply
Traveler ❤️❤️❤️
6/9/24Reply
TravelerVerkehr und baustelle???? 🤔
6/9/24ReplyTranslate
2 more comments
7 likes
Schweden 2.0
Skuleberget Havscamping
June 10, 2024 in Sweden ⋅ ☁️ 9 °C
Hüt heds nur einisch gregnet. Mal meh mal weniger, mal richtig heftig. Mer hend eus uf grund vo dem wetter entschiede wiiter nordwärts z fahre, no es paar ichäuf z mache und zum skuleskogens nationalpark z fahre.
Es paar chlini zwüschestöpp hemmer no gmachtRead more
See translation
9 likes
Schweden 2.0
1 1
Skuleberget
June 11, 2024 in Sweden ⋅ ☁️ 13 °C
Bim abwäsche hemmer no chle mit emene umereisende schwed gspröchled. Aschlüssend isch es losgange zum skuleberget. Det simmer mit em sessellift im schritttempo ufe tuckerled. Dope hemmer d ussicht gnosse, sind chle ume gloffe und hend d regechleider agleid. Well de lift so langsam gsie isch simmer de selber obeneabe gloffe. Elch hemmet leider no keini gseh, nur ihri hinterlasseschafte. Uf em parkplatz hemmer eus den bi sunneschii eusi vorbereitete brötli gesse und d rege sache tröchned.Read more
See translation
Traveler Sooooo schön das Luppine Feld 😁
6/11/24ReplyTranslate
Traveler Gseht genial us de Park mit de Bäume
6/11/24ReplyTranslate
7 likes
Schweden 2.0
1
Slattdalsskrevan
June 11, 2024 in Sweden ⋅ ☁️ 14 °C
Nachemene churze abstecher zum infocenter vo de high coast region simmet zum skuleskogen nationalpark gfahre. Det simmer dur mystischi wälder, über holzsteg wägli zunere schlucht gloffe. Die schlucht döff mer leider weg de steischlaggfahre nümme durquere, gseht aber trotzdem sehr beidruckend us, au de usblick vom ned ganz legale abespienzle isch super gsie.Read more
See translation
TravelerGsed super us🤩
6/11/24Reply
Traveler Uiiiih die Geniale Schlucht!!!!!😲
6/11/24ReplyTranslate
TravelerGanz tolli Bilder 🥰
6/11/24ReplyTranslate
9 likes
Schweden 2.0
1
Slatrdalsberget
June 11, 2024 in Sweden ⋅ ☁️ 14 °C
Vo de schlucht us isch es den en chlini chletterpartie ufwärts zum bergli nebedrah. Pünktli zu de erste schritt uf em gipfel obe heds natürli weder afe regne. De abstieg isch uf de andere site abegange, zum glück nümme so steil. Defür ischs dank em rege recht rutschig worde und die blaue wegmarkierigspünkt hetted au chle zahlriecher chönne sie. Mer sind emel ned die einzige gsie wo es paar meter weder zrug chragsle hend müsse. Bim zruglaufe dur de wald isch d sunne de weder fürecho, de weg aber immerno nass und eher rutschig blube.
Mer sind denn nach eusem chline abentür nomal zum gliche zeltplatz mit de guete duschi und hend eus es tikka masala koched.Read more
See translation
Traveler Ganz schöni bilder u au iidrücklich de kletterpark wunderschön de üpig wald mit dem viele grüen.
6/12/24ReplyTranslate
TravelerGlg mumeli
6/12/24Reply
9 likes
Schweden 2.0
1
Ülvön
June 12, 2024 in Sweden ⋅ ⛅ 14 °C
Hüt simmer um de mittag ume mit em schiff uf d insle ulvö gfahre. Es herzigs fischerdörfli. Velles isch no zue gsie, da d saison erst um mitsomer afad. Mer sind zumene versteckte ussichtspunkt gwandered und hend weder e hufe elch hinterlasseschafte gfunde. En iheimischi hed eus den no verzellt das sie elche uf de insle hend und öpper vo zwoi wuche en bär gseh hed. Das sie übereschwimmed oder über s iis gloffe sind wo sie das jahr gha hend.
Nachemene chräbsbrötli isch es denn au scho weder zrug gange richtig festland.Read more
See translation
Traveler Mhhhhhh das hätte ich au gern gässe 🤪🤪
6/12/24ReplyTranslate
8 likes
Schweden 2.0
Camping killingsanden
June 12, 2024 in Sweden ⋅ 🌙 10 °C
Nach de insle simmer go dumpe und go poste. Sind den no es guets stuck nach norde gfahre und hend au no biz nebestössli erkundet um eventuell doch no en elch z gseh. Hend aber leider nur es paar kraniche gfunde gha.

Dur en windpark simmer den as meer abegfahre, hend det de ewigs langi und spati sunnenuntergang gnosse und en chline "nacht" spaziergang gmacht.Read more
See translation
TravelerDe cheib Elch … 🫎🤣👌
6/14/24ReplyTranslate
9 likes
Schweden 2.0
1 1
Killingsanden morgen
June 13, 2024 in Sweden ⋅ ⛅ 15 °C
Hüt hemmer en gmüetliche morge gmacht mit usschlafe. Nach em ufstah simmer den an strand füre und schnell is ischalte wasser ghüpft. Nach em ufwärme und tröchne bi schönstem sunneschiin hemmer eus es usgibigs zmizmo gmacht.
D nina hed im aschluss chle glernt und de simon isch go fische. Ussert nassi füess isch debi aber nüt usecho.
Am nomittag hemmer eus uf de weg richtig lulea gmacht.Read more
See translation
Traveler Ganz en schöne friedliche Strand für eu allei 🤩
6/13/24ReplyTranslate
Traveler Nina Habbermotor bem zmi/Zmorge 😂🥰
6/13/24ReplyTranslate
TravelerWunderschöni Landschaft & de Strand😍
6/13/24ReplyTranslate
8 likes
Schweden 2.0
1 2
Laxede camping
June 13, 2024 in Sweden ⋅ ⛅ 14 °C
Mer sind a lulea verbi und chle weggfahre, da mer kei schöne camping gfunde hend und anschienend chle vell klaut wird dette.
Mer sind zumene camping direkt nebemene stausee mit chraftwerk gfahre.
Znacht hemmer chle reste verwertig gmacht.Read more
See translation
Traveler Heee was isch denn das? Sauna Programm? 🤔
6/14/24ReplyTranslate
Traveler Gseht doch guet us Reste Verwertung tip top
6/14/24ReplyTranslate
Traveler 🤔öppä Temperaturregler? Zeiger zeigt uf null, also tote hose 😉
6/15/24ReplyTranslate
8 likes
Schweden 2.0
Polarkreis
June 14, 2024 in Sweden ⋅ 🌩️ 17 °C
Nachemene zmorge mit speck und ere rundi fische simmer los richtig jokkmokk.
Am polarkreis hemmer halt gmacht und euses auto chle usglüftet wells so en speckwürfel gsie ischo.
See translation
TravelerRecht wiit obe jetzt😳 u wo isch de Fisch vom Simi???? Weder nüt gfange🤪
6/14/24ReplyTranslate
8 likes
Schweden 2.0
Jokkmokk
June 14, 2024 in Sweden ⋅ 🌩️ 16 °C
Z jokkmokk simmer is samen/lappland museum. Aschlüssend hemmer tortelini und en salat mit traditionel gräuchert und gsalzetem rentierfleisch gesse.
Nachemene churze blick uf d chile simmer au scho weder wiiter düsed.Read more
See translation
7 likes
Schweden 2.0
1 1
Kvikkjokk
June 14, 2024 in Sweden ⋅ ☁️ 12 °C
Vo jokkmokk us simmmer dur wunderschöni wälder a see und flüss entlang uf kvikkjokk gfahre. Det führt de königsweg dure und es isch en "igangspforte" zum sarek nationalpark. D nina hed uf em weg die erste rentier gseh, abgseh vo dem wo mer zum zmittag gesse hend Mer hend den mit es paar bootsführer no gredet gha, wo eus zu irgendwelche trips und wanderige hend welle überrede.
Sind den es stuck zruggfahre, das kei churzi wanderige für am spötere nomittag geh hed. Hend den ufemene chline camping ufere insle halt gmacht. Znacht köchereled und eus den gmüetlich gmacht. Wetterabhängig mached mer wie mer morn wiiter mached, öb wandere oder wiiter fahre.
Am abig hemmer no länger bi wechselnedem wetter mit euse nachbare us dütschland pläuderlet
Noch em zmorge hed d nina chle glernt und de simon isch go fische. Endlich mal was gfange. Leider ned richtig is netz bracht und de hecht hed sich möge befreie.Read more
See translation
TravelerWunderschöni gägend, nächschtsmol klappts mit em fisch & velleicht mit de elchsichtig😍
6/15/24ReplyTranslate
TravelerSuper simi de 1. Fisch aber leider ned it Pfanne 🤪🫣👍 s nächscht mol. Isch sicher Schöni Gegend für eu u au s plauderne mit Nachbar. Glg mami Annette 😘
6/15/24ReplyTranslate
Traveler Schöne rägeboge☺️
6/15/24ReplyTranslate
Traveler Ohjeeeeee das wäri en grosse fang gsi u es üpigs Znacht 🤗
6/15/24ReplyTranslate
7 likes
Schweden 2.0
1 1
Mückenplage und Fluss camping
June 15, 2024 in Sweden ⋅ ☁️ 12 °C
Nochemene zmittag und de verabschiedig vo eusne camping nachbare simmer uf kvikkjokk gfahre. Det hemmer uf en berg welle laufe zum in sarek nationalpark zluege. Nachere churze querfeld ein strecki mit hunderte vo mugge ischs de strass durs dörfli entlang gange. Vo det us den wiiter de wanderweg duruf. Die ganz aktion hemmer nach knapp 2 kilometer denn abbroche. D mugge sind ned weniger worde und extrem aggressiv gsie.
Zrug bim auto simmer den richtig jokkmokk gflüchtet. Det schnell posted und zumene plätzli für d nacht am fluss gfahre. Nachemen feine znacht, hed sich de simon nomal im fische am fluss probiert, das mal weder erfolglos.
De weg zu de steiziitgräber am flussufer durab hemmer eus für de nächst tag ufgspart. Um mitternacht heds den während em ewige sunneuntergang en dopplete regeboge geh.Read more
See translation
TravelerIhr sind dä muggä halt sympathisch gsi 😉
6/16/24ReplyTranslate
TravelerWahnsinn die mückenplage!!!!! 🫣🫣😵
6/16/24ReplyTranslate
TravelerSüesses bluet: veeel mugge🙂🙃🙂
6/16/24ReplyTranslate
2 more comments
8 likes
Schweden 2.0
1
1
Steinzeit grab
June 16, 2024 in Sweden ⋅ ⛅ 17 °C
Nachemene feine zmorge mit rüehrei simmer zum steiziitgrab gwanderet. A de tafele isch gstande das s grab en steihufe isch wos noni examaniert hend. Vo dem hemmer nüt gseh gha, d sies gad am untersueche sind. Leider isch am sunntig niemert ume gsie.Read more
See translation
Traveler Hoi zäme u schöns wätter händ er!!!
6/16/24ReplyTranslate
Traveler Irgendein Pilz.... essbar??
6/16/24ReplyTranslate
TravelerCoole wald & de pilz würdi ned choche😬
6/16/24ReplyTranslate
TravelerSpannendi grabstell
6/16/24ReplyTranslate
6 likes