Schweden 2.0 | FindPenguins

Newest first

Schweden 2.0
1 1 1 2
Muddus nationalpark
June 16, 2024 in Sweden ⋅ ⛅ 17 °C
Vo eusem schlafplatz us ischs wiiter über en schotterpiste durs holzfällergebiet zum muddus nationalpark gange.
Es isch de grösti bewaldeti nationalpark vo schwede. Über brüggli, steeg und stock und stei simmer zumene rastplatz 7km im innere gloffe. Hend debi weder mal elch gsuecht. Ussert spure vo dem sage umwobene ned existente tier hemmer es auer huhn und en forsch gseh. Top. Ah und a zwoi wasserfäll simmer no verbi cho. De rückweg hed sich den scho recht zoge. Mer hend schweeri bei und füess gha, wenigstens hend eus d mugge das mal einigermase in rueh glah.Read more
See translation
TravelerHey zäme was isch en forsch??????🤔🤔🤔🤔🫣
6/16/24ReplyTranslate
Traveler De Baum.gseht aber mega us!!!
6/16/24ReplyTranslate
Traveler Ahhhh das isch de sagenumwobene forsch!!!🤣🤣🤣
6/16/24ReplyTranslate
3 more comments
7 likes
Schweden 2.0
1 1 1 2 2
Piilijärvi camping
June 16, 2024 in Sweden ⋅ ☁️ 14 °C
Bim wegfahre hemmer gmerkt das d rentier ned die hellste gschöpf sind. Zwoi mal isch eis über mehreri hundert meter uf de strass vor eus her jogge. Die cheibe hends ned gschnallt das ab de strass münd, das nümme vo eus gjaggt werdet. Nachemene churze posti halt simmer mit müede bei ane camping gfahre, da mer hend welle dusche. Zum znacht heds butter chicken mit riis und salat geh.Read more
See translation
Traveler Gseht fein us eures menue!!!! 🤪😁
6/16/24ReplyTranslate
Traveler 😉🤔mi knuuuuscht än Elch 🫎 hihihihihihi
6/17/24ReplyTranslate
Traveler 🙈ou 🙈, aber hoffentli het dä Simone diä gweihs ned gseh, also nöd för ä ideee sorgt zum mit id schwyyyz znäh 🙈
6/17/24ReplyTranslate
4 more comments
8 likes
Schweden 2.0
1 1 1
Kiruna und mine
June 17, 2024 in Sweden ⋅ ⛅ 15 °C
Nach em zmorge simmer richtig kiruna düsed. Nach dem mer en parkplatz gfunde hend simmer uf en tour um d mine vo de LKAB azluege. Sehr interessant wie s eise i de mine abbaut wird und mit wellne fahrzüg das gmacht wird. Au wie sie versueched schritt für schritt nachhaltiger z werde.
Kiruna isch au bekannt worde, da en teil vo de stadt versetzt werde muss. Dur d mine senkt sich oberhalb d erde ab und d en teil vo de stadt isch gföhrdet und instabil worde. D LKAB hed für die betroffne neui hüser und wohnige baut, ganzi hüser sogar zugled. Momentan sinds am vorbereite, strasse und brugge umbaue, das d chile komplett chönd zügle.Read more
See translation
Traveler Heieieiei, het ja gar kä 💦….pegelstand gseeeeht 👀 zero uuuus🙈
6/17/24ReplyTranslate
Traveler Hey Simone, jetzt mach di ned chliiiiner als du besch😉
6/17/24ReplyTranslate
Traveler Nei händ ihr da würkli dä berg abooohrät?
6/17/24ReplyTranslate
5 likes
Schweden 2.0
1 1
LKAB Mine
June 17, 2024 in Sweden ⋅ ☁️ 17 °C
Teil zwei vo eusem mine abentür

Mithilf vo partner us de eisen- und elektrizitäts-industrie sind sie am carbon free eise z entwickle und ihri produktion bis 2024 uf das umzstelle
Nach de tour hed mer imene stolle abschnitt no gschicht chönne aluege vom minebau
LKAB beschäftgt ca 800 lüt unter tag und 1200 a de oberflächi. D sprengige werde immer zwüsche 01:20 und 01:30 duregführt. Denn sind am wenigste lüt i de mine und die wo no dinne sind gönd id sicherheitschabsle weg de gas und em staub.
Zum abschluss vo de tour isch denn no de füralarm losgange. Scho chle beunruhigend knapp 500 meter under de erde. De füralarm isch losgange wells bi de bauarbeite im kaffi vom bsuecherzentrum en uaversehe usglöst hend. Nachere churze warteziit hemmer den glich no döffe losfahre.Read more
See translation
TravelerZum glück nur en fehlalarm🙏
6/17/24ReplyTranslate
Traveler 😗facedance😗
6/17/24Reply
Traveler Nomol facedance
6/17/24Reply
6 likes
Schweden 2.0
1 1
Camping am Dårádisjávrrie
June 17, 2024 in Sweden ⋅ ☁️ 13 °C
In Kiruna simmer nach de Tour no was go esse. Den hemmer bereits agfange richtig süde fahre. Hend ja doch recht kilometer duruf gmacht vo stockholm her.
Bim durabfahre ischs mit de ziit chle regnerische worde, s wetter isch glaub au trurig das mer südwärts gönd.
Mer hend den nomal richtig schöni vell rentier gseh.
Und denn endlich. D nina hed de elch bim verbifahre am rand vonere liechtig entdeckt. Mer hend denn kehrt und sind zrug zu dere liechtig wo es schotterströssli dure gfüht hed. Hend en eus in aller ruhe chönne aluege und es fotti zwoi mache. Wo mers denn gwagt hend chle nöcher z rolle, isch er ab wies bisiwetter.
Nachere churze wiiterfahrt simmer ab de hauptstrass an see und hend znacht koched.Read more
See translation
Traveler Herzig die Rentierli....🥰
6/17/24ReplyTranslate
Traveler Ahaa u jetzt de Elch bravo 🤗🤗
6/17/24ReplyTranslate
TravelerSuper heds met em Elch no klappt😍
6/17/24ReplyTranslate
7 likes
Schweden 2.0
1 2 1
Langsele camping
June 18, 2024 in Sweden ⋅ ⛅ 17 °C
De tag hed a dem seeli ganz herbstlich und nebelverhange gstartet. Dur immer weder starchi regeschauer und zahlriche baustelle simmer richtig stockholm gfahre. Bi de baustelle ischs teilwiis zu längere warteziite cho und mer isch den vomene lotse auto dur d baustell gführt worde.
Mer sind den hüt zumene camping gfahre, direkt amene schöne flüssli.
Well d saison ja erst grad afahd sinds au da weder mal am renoviere gsie.
D nina hed de no chle afe lerne während de simon go fische isch. Und de heds endlich klappt. De simon hed en mini hecht uszoge. D nina hed den au wele probiere und prombt en grössere uszoge. Mit es biz überwindig hed sie en den au id hand gno. Wo den de simon weder hed döff, d nina heds fischerfieber scho biz packt, hed er denn no en grössere verwütscht.
Noch dere ufregig hemmer eus es eifachs und schnells znacht gmacht. Und ascglüssend ruhige abig ohni mugge verbracht.Read more
See translation
TravelerUihhhhhh super gueti Fischertag!!!! U sends ned i de Bratpfanne gelandet, oder eine devo? Alli weder in Fluss?
6/18/24ReplyTranslate
Traveler En Guete..... be eus hets nach em Velotürli Ebly - Nina ihres Lieblingsmenue - u Pouletfilet mit Kräuterrahmsauce gäh. 🤪
6/18/24ReplyTranslate
Traveler Bravo Simon.... en rächte Grosse Fisch!!!🤗🤗 u d nina au super de 1. Fischfang🥰
6/18/24ReplyTranslate
2 more comments
8 likes
Schweden 2.0
1
Sunnanö camping
June 19, 2024 in Sweden ⋅ ☀️ 17 °C
De hütig tag hed weder mit rege agfange, sich den aber zu wunderschönem summer und badewetter gsteigert. Trotzdem simmet nach em zmorge eigentlich de ganz tag, bis knapp 2 stund vor stockholm gfahre. Det simmer as meer uf en chlini halbinsle ufene herzige chline camping. Nach em bade und dusche hemmer no chle müsse packe und umbiege.
Nach em znacht simmer nomal gschwind as meer und hend es paar egli gfange. Nebe bi hemmer de möwe und andere vögel zuegluegt wie sie uf fischjagt gönd.
Nach em 10 letschte wurf vo de nina simmer de au gange.Read more
See translation
TravelerSuper scho weder z chlini egli u ab weder is Meer....🤪
6/19/24ReplyTranslate
TravelerSchöni stimmig & en wunderbare abschluss vo eure reis😍
6/20/24ReplyTranslate
Traveler ♥️
6/22/24Reply
7 likes
Schweden 2.0
Clarion
June 20, 2024 in Sweden ⋅ ☀️ 22 °C
Hüt morge hemmer no did letschte sache umbiege. Alles was mer nümme brucht hemmer gester abig scho es paar vo eusne nachbare verschenkt. De simmer abdüsed richtig van abgabestelle. Zmorge hemmer eus hüt mal was anere tankstell gholt. Nachere schnell und unkomplizierte übergab simmer mit em uber oder bolt wies da heisst zum hotel clarion gfahre.Read more
See translation
TravelerSuper het Alles klappt vo eurem Van Reisli. U nun no es bitz Sightseentour in Stockholm. Mehr si am ufe fahre im landesinnern vo Kroatien in Richtung Österreich faakersee - Mami s alti Heimat - 1x übernachte u denn morn heifahre uf cham.
6/20/24ReplyTranslate
TravelerEs schöns zimmer, gmüetlichs bett & en grossi duschi zum abschluss👍
6/20/24ReplyTranslate
8 likes
Schweden 2.0
Meatballs
June 20, 2024 in Sweden ⋅ ☀️ 22 °C
Zum zmittag simmer mit e-scooter zumene bekannte fleischbällchen restaurant gfahre. Hend det en uswahl ah meatballs (klassisch, wildschwein, chicken, rentier, usw) gesse. Sehr fein gsie und sehr guets ambiente. Nur uf em wc isch mer sich chle beobachtet vor cho.Read more
See translation
TravelerEn Guete 👍🤪
6/20/24Reply
TravelerNice 🥰👍
6/20/24Reply
TravelerLecker😋
6/20/24Reply
TravelerPs; das isch dass mer ned zlang sitze blibt🥳
6/20/24ReplyTranslate
9 likes
Schweden 2.0
OceanBus
June 20, 2024 in Sweden ⋅ 🌬 23 °C
Nach eusne feime meatballs simmer dur d stadt gloffe und d sunne gnosse. Am halbi 5i simmer den uf eusi tour mit em oceanbus. Mit em käpten und emene guide namens laura wo motiviert party gmacht hed, simmer im amphibie fahrzüg zerst dur d strasse und den durs wasser vo stockholm gfahre oder gschwumme.
Sehr en amusanti tour gsie.Read more
See translation
7 likes
Schweden 2.0
Saluhall
June 20, 2024 in Sweden ⋅ ☀️ 22 °C
Nach de oceanbus tour simmer mit de e-scooter zunere markthalle düsed. Det hemmer chle umegschneuget und hebd imenne michellin stern resaturant gesse.
S lisa elmquist isch es fisch restaurant. Mer hend det sehr fein gesse und trunke. Direkt a de bar simner platziert worde und hend vo det us au sehr guet alles chönne beobachte. Aschlüssend ischs zrug zum hotel gange zumene schlummertrunk.Read more
See translation
TravelerGseht alles top us. 👍 müend mehr au mol äne uf Stockholm.... u es absackerli 🤩
6/20/24ReplyTranslate
7 likes
Schweden 2.0
Skansen
June 21, 2024 in Sweden ⋅ ⛅ 21 °C
Noch em mega feine und usgibige früehstücksbuffet und ere lernsession vo de nina hemmer eus uf eusi e-trottis gschwunge. Mer sind nomal id gamla stan düsed und hend no es paar sache pösteled. Wo mer den witer dur d stadt gloffe sind hemmer gmerkt das überall alles zue isch oder gad zue macht. So hemmer eus weder uf d e-trottis gschwunge und sind in skansen park gfahre. Das isch en mischig zwüsche freiliechtmuseum balleberg und tierpark goldau. Met ehufe andere lüt simmer dur de park gwanderet, hend die iheimische tier und die alte bewohnte baute bewunderet.Read more
See translation
5 likes
Schweden 2.0
Statuen
June 21, 2024 in Sweden ⋅ ☀️ 19 °C
Im aschluss an skansen hemmer eus weder ufs e-scooter gschwunge. Sind dur d stadt düsed und hend eus no es sunnenuntergangs bier gnosse. Sind debi so here ghocked das mer all lüt wo verbigloffe sind wunderbar im blick gha hend. Im aschluss ischs de zrug zum hotel und as fertig packe für morn gangeRead more
See translation
TravelerMehr sind weder dihei mol alles uspackt/usgrumet us em camper. U morn gohts as putze 🚐 glg mami gnüssets no im Hotel 🤩🥰
6/21/24ReplyTranslate
6 likes
Schweden 2.0
2
Home sweet home
June 22, 2024 in Switzerland ⋅ 🌧 16 °C
Hüt simmer heigreist. Nomal s feine zmorgebuffet gnosse und den mit em taxi an flughafe düsed. Chle länger gha zums gepäck abgeh wells chle komplizierter gsie isch arlanda flughafe. Hend denn scho weder hunger gha und drum nomal was gesse. Denn zurg in rege id schwiiz gfloge. Mit em zug heidüsed und den uspackt. Jetzt beginnts s grose wäsche.Read more
See translation
Traveler Guets dihei u gueti wösch mehr si au ständig dra mit eusne biiigeli🫣🤪🤪🤪 u büsis, sind scho füre cho u händ freud? 🐱🐱
6/22/24ReplyTranslate
TravelerBizli gfrömdelet hends
6/22/24ReplyTranslate
5 likes

Trip end
June 22, 2024