Reset search
Dominik NagerDominik Nager
Satellite
 
Message

Dominik Nager

Joined September 2018 Message
  • Südostasien
    Day108

    Hanoi

     July 25, 2019 in Vietnam ⋅ ⛅ 30 °C

    24.Juli - 29.Juli

    Nach ere letzte härte Fahrt imene Minibus simmer tatsächlich in Hanoi ahcho. Eusem aller letzte Reiseziel. Mir hend mega viel guets über d'Stadt ghört und hend eusi letzte Täg im ferne Asie namal so richtig gnosse... Mir sind am Turtle Lake ghöckled, hend eh traditionelli Wasserpuppe-Show ahgluegt, eus Eierkaffi und mini Mangos gönnt und es letschts mal so richtig guete Streetfood gha. Euse Flug isch am 29. am Morge am 6i losgange und mitem In-Flüger-Sitze sind vier Mönet Südostasie z'End gange :( Au wenn mer eus glaub beid uf Hei gfreut hend, ischs glich nöd ganz eso eifach gsi sich vo dem Ganze z'verabschiede...
    Hanoi isch jedefalls en grossartige Schlusspunkt für eh wunderschöni Reis gsi :)    Read more

    See translation
     
    Map
  • Südostasien
    Day107

    Halong Bay

     July 24, 2019 in Vietnam ⋅ ☁️ 31 °C

    24.Juli - 25. Juli

    Vo Ninh Binh simmer uf Bay Chai wiiter, s' Städtli direkt ade wichtigste Touristeattraktion vo Vietnam, de Halong Bay.
    Bay Chai selber isch wüki nüt Schöns gsi... Drum hemmer euse Ufenthalt dete au recht churz ghalte. Am erste Tag simmer uf eine vo dene Lime Stones ufeklettered wo na ufem Land staht und hend vo det us au eh herrlichi Ussicht über d'Bay gha. Glichzititg hemmer eusi Böötlitour für de nöchsti Tag, sowie d Wiiterreis uf Hanoi direkt am Abig na buecht. Am nöchste Morge isch denn au relativ früeh scho wieder los gange und mir sind mitere Reisegruppe zeme en ganze Tag lang dur d'Bay gschippered inklusiv ere chline Kanurundfahrt. Bay Chai isch nüt, d'Halong Bay wird ihrem Ruef aber uf jedefall grecht :)Read more

    See translation
     
    Map
  • Südostasien
    Day105

    Ninh Binh

     July 22, 2019 in Vietnam ⋅ ☁️ 29 °C
    1
    1

    22. Juli - 24. Juli

    Ninh Binh

    De Ort hed eus komplett umghaue...
    Mitem Nachtzug ischs vo Hue us uf Ninh Binh und wenn d'Fahrt selber au nöd meega bequem gsi isch, hemmer am Morge im Gegezug na de Blick uf die herrlich grüene Riisfelder chönne gnüsse während mer mitem Zug gmüetlich übers Land grollt isch.
    Ahcho simmer denn inere Landschaft, womer na nie so gseh hend... Überall die chline 'Berge' wo wie Klippe eifach grad ufraged. Das ganze ihbetet ih grüene Riisfelder und mit chline Flüss zwüsched dure isch ganz öppis speziells gsi. Mitem Bestiege vo eim vo dene Lime-Stone-Cliffs hemmer die eini Perspektive ahgluegt und mitere Boottour am nöchste Tag hemmer das ganze auna vo une ahgluegt :)    Read more

    See translation
    Monika und Edgar Nager

    Wooooooow!!!! Wahnsinnigi Kulissä!!!

    9/8/19Reply
    Monika und Edgar Nager

    ❤️

    9/8/19Reply
     
    Map
  • Südostasien
    Day103

    Hue

     July 20, 2019 in Vietnam ⋅ ⛅ 30 °C

    20.Juli - 21.Juli

    Hue isch eh ehemaligi Hauptstadt vo Vietnam sowie Königsresidenz. Darum hemmers eus natürlich nöd neh lah de Kaiserpalast, wo bis 1945 vode Nguyen-Dynastie bewohnt worde isch, ahzluege. De Palast isch unglaublich wiitläufig gsi und hed au na uh schöni Gärte mit ere Bonsai-Baumschuel gha. Die ander bekannt 'Attraktion' wo mer sich z'Hue nöd entgah lah dörf isch de alti Wasserpark. Schlussendlich aber au nöd so viel meh gsi wie paar Rutschene um en See ume... Jedefalls hemmer eus dete na euse ersti und einzigi Platte vo all eusne Rollerfahrte gholt...Read more

    See translation
     
    Map
  • Südostasien
    Day100

    Hoi An

     July 17, 2019 in Vietnam ⋅ ⛅ 34 °C
    21

    16. Juli - 19. Juli

    Hoi An isch en alti Handelsstadt, wo no extrem guet erhalte isch.
    Mier sind grad per Zuefall ah me Laternefäst dete gsi und das isch traumhaft schön gsi....
    alles Dunkel und all die Latärne.
    Abgseh vo dem sind mier bim Sunneufgang luege sehr überrascht worde, dass am Morge am 5i bereits die halb Stadt uf de bei isch und gaht ga bade und spiele um die Ziit.    Read more

    See translation
    Monika und Edgar Nager

    Wunderschöni Stimmig - am Strand und d Farbäpracht vo dä Laternä.

    7/23/19Reply
    Monika und Edgar Nager

    Ich stellä mier grad diä wunderbari Abigstimmig a dem Gwässer vor.

    7/24/19Reply
    Edgar Nager

    So schön!

    7/24/19Reply
    2 more comments
     
    Map
  • Südostasien
    Day98

    Nah Trang

     July 15, 2019 in Vietnam ⋅ ⛅ 35 °C

    14. Juli - 15. Juli

    In Nah Trang hemmer gar ned welle en Stop mache, jedoch sind 17 Stund am stuck Bus fahre eus denn glich chli zviel gsi. Und es het sich glohnt, es isch en interessante Ort gsi mit mega viel russische Touriste, aso so richtig viel es het meh sache in Russisch geh als in Englisch.Read more

    See translation
     
    Map
  • Südostasien
    Day97

    Mui Ne

     July 14, 2019 in Vietnam ⋅ ☀️ 33 °C
    1

    12. Juli - 14.Juli

    Euse ersti Zwüschehalt uf de Reis richtig Norde...
    Es isch en mega schöne Ort mit ere extrem vielsitige Natur und me mega spektakuläre Sunneufgang. Leider simmer vo de Polizei usegno worde un da mier kein Vietnamesische Fahruswiis hend simmer ned ganz legal unterwegs gsi... jedoch het sich die Situation mit chli Bestechigsgeld denn schnell glöst :)Read more

    See translation
    Monika und Edgar Nager

    Ui, de hend iär grad no chli Action erläbt... Guet isch alles wieder zum Guetä gwändet wordä.

    7/23/19Reply
    Heidi Bär

    So schön dä Strand und die Düne.

    7/25/19Reply
     
    Map
  • Südostasien
    Day94

    Ho Chi Minh City aka Saigon

     July 11, 2019 in Vietnam ⋅ ⛅ 34 °C
    1
    1

    10. Juli - 12.Juli

    Nacheme Bsuech im Nationalmuseum hemmers ine Rooftop-Bar gschafft und en (nöd ganz so feine) Cocktail trunke defür mit schönem Sunneuntergang über de Skyline vo Saigon. Das hemmer z'Bangkok leider nümme gschafft, drumm freuts mich umso meh, dass mers glich na anebracht hend ide Nöchi vo so 'richtige' Hochüser :)
    Zum Znacht heds mal wieder eh Nudelsuppe geh und als Bonus na jungi Chatze zum Spiele ;)    Read more

    See translation
    Monika und Edgar Nager

    Uhhh, schöööön!!!!

    7/18/19Reply
    Monika und Edgar Nager

    Hauptsach Tierli i dr Nöchi...

    7/19/19Reply
     
    Map
  • Südostasien
    Day90

    Kep

     July 7, 2019 in Cambodia ⋅ ☁️ 31 °C
    2

    7.Juli - 10.Juli

    Im chline Küsteort vo Kep hemmers gaaaanz entspannt ahgah lah :)
    Fahrte dur wunderschöni, grüeni Landschafte mitem Roller, en Bsuech ufere Schmetterlingsfarm (mit Gecko-Sichtig!) und Fischesse en Meter vom Meer weg..Read more

    See translation
    Monika und Edgar Nager

    😘

    7/18/19Reply
    Heidi Bär

    Das isch denn schön wau

    7/19/19Reply
     
    Map
  • Südostasien
    Day87

    Phnom Penh

     July 4, 2019 in Cambodia ⋅ ⛅ 28 °C

    4.Juli - 7.Juli

    D'Hauptstadt vo Kambodscha isch en extrem interessante, wenn au recht trurige Stop gsi... Mir hend viel über d'Gschicht vode Khmer Rouge glernt, wo grad ide grosse Städt extrem gwüetet hend was recht ihgfahre isch. Will das nüt isch wo mer irgendwie schöni Föteli devo mache chan/will gits defür Föteli vode Vorbereitig zu eusere Frucht-Fiesta und em Bsuech imene Chatzecafé.Read more

    See translation
    Monika und Edgar Nager

    Spure und Hinderlassäschaftä vo üs Mänschä...

    7/18/19Reply
    Heidi Bär

    Ja das isch e trurigi Gschicht wo sich hoffentlich nie meh wiederholt

    7/19/19Reply
     
    Map

Join us:

FindPenguins for iOSFindPenguins for Android

  • 2021© FindPenguins
  • Home
  • About Us
  • Blog
  • Group tracking
  • Press
  • Terms
  • Privacy Policy & Cookies
  • Support
  • Imprint
  • English